2020-07-20 14:24
Информагентства
«Ազգային օրակարգ». Պետք է նախաձեռնել բանակցությունների նոր օրակարգ
«Ազգային օրակարգ» կուսակցության Խորհուրդը հայտարարություն է տարածել՝ ներկայացնելով առաջարկություններ Ադրբեջանի կողմից սանձազերծված ագրեսիայի քաղաքական հետևանքները վերացնելու շուրջ: Հայտարարությունը՝ ստորև.
«Հուլիսի 12-ին Ադրբեջանի զինված ուժերի կողմից Տավուշի մարզի սահմանագծում սանձազերծվեց ռազմական ագրեսիա, որը ետ մղվեց հայկական բանակի ստորաբաժանումների նախաձեռնող, խիզախ և հմուտ գործողությունների շնորհիվ։
«Ազգային օրակարգ» կուսակցության Խորհուրդը իր խորին երախտագիտությունն է հայտնում այս մարտական գործողությունների հաջողությունը ապահոված բոլոր հրամանատարներին և զինվորներին, մեր զինված ուժերի ողջ անձնակազմին։ Համոզված ենք, որ ապագայում էլ հակառակորդի ցանկացած ոտնձգություն համարժեք պատասխան կստանա մեր զինված ուժերի կողմից։
Միևնույն ժամանակ, մարտական գործողությունների արդյունքում տեղի ունեցած արտաքին քաղաքական զարգացումները վկայում են, որ մեր տարածաշրջանում տեղի է ունենում ուժերի խորքային վերադասավորում, և հակառակորդը, պարտվելով մարտի դաշտում, շարունակ ուղիներ է որոնում օգտագործելու մարտական գործողությունների բուն փաստը՝ Հայաստանի և Արցախի hանրապետությունների վրա դիվանագիտական ճնշումը ուժեղացնելու և մեզ անբարենապաստ բանակցային օրակարգ պարտադրելու նպատակով։ Որպեսզի մեր հերոսական բանակի ձեռքբերումները համարժեք նյութականացվեն դիվանագիտական ճակատում, մենք անհրաժեշտ ենք համարում իրականացնել հետևյալ առանցքային գործողությունները․
Ա) երկրի ներսում հետևողական քայլեր ձեռնարկել՝ ձևավորելու համազգային համերաշխության մթնոլորտ, մեղմելու առկա ներքաղաքական լարվածությունը, և պատրաստելու պետությունը և հասարակությունը բացահայտ սրվող արտաքին մարտահրավերների դիմագրավմանը;
Բ) որպես անմիջական և հրատապ գործողություն, վերսկսել ԵԱՀԿ ՄԻնսկի խմբի համանախագահների հետ միասին առաջնագծում մշտադիտարկման հուսալի մեխանիզմների (ներառյալ արբանյակային միջոցներով) ներդրման մշակումը, և ցանկացած բովանդակային բանակցությունների վերադառնալ՝ միայն այդ մեխանիզմների լիարժեք ներդրման, և հայ-ադրբեջանական շփման գծում կայուն և վերահսկելի հրադադար ապահովելուց հետո;
Գ) իրականացնել հստակ և թիրախային նախաձեռնություններ՝ բարելավելու ԵԱՀԿ Մինսկի խմբի համանախագահ բոլոր երկրների հետ երկկողմանի հարաբերությունները, ինչպես նաև հարաբերությունները մեր տարածաշրջանում ակտիվ շահեր ունեցող այլ խոշոր պետությունների հետ։ Այս համատեքստում, մոբլիզացնել հայության հավաքական ներուժը՝ նշված երկրներում հանրային կարծիքի վրա բարենպաստ ազդեցություն ապահովելու նպատակով;
Դ) նախաձեռնել և հետևողականորեն առաջ մղել Արցախյան բանակցությունների նոր օրակարգ, որում որպես բանակցային հիմք պետք է ձևակերպվի Ադրբեջանի կողմից Արցախի hանրապետության անկախության անվերապահ ճանաչումը;
Ինչպես նախկինում, ներկայումս էլ մենք հայտնում ենք մեր կուսակցության պատրաստակամությունը՝ գործնական բոլոր հնարավոր միջոցներով աջակցել մեր պետությանը և բանակին՝ միասնական ազգ-պետություն-բանակ գաղափարախոսության համատեքստում, մեր Հայրենիքի դեմ սանձազերծած ագրեսիան ետ մղելու և այս փորձությունից հաղթանակած դուրս գալու համար։
Միևնույն ժամանակ, մենք նաև ակնկալում ենք բոլոր հիմնական ազգային քաղաքական ուժերից՝ ջանքերի իրական համադրում վերը նշված առանցքային գործողությունների շուրջ», տեղեկացնում է News.am-ը:
ПОСЛЕДНИЕ ОТ АВТОРА
-
2025-07-05 17:07Разрыв с Россией может изменить судьбу армяно-российских отношений На фоне резкого обострения отношений Москвы и Баку премьер Армении Никол Пашинян продолжает войну с оппозицией и церковью. После визита силовиков в Эчмиадзин и ареста двух архиепископов он вновь призвал переизбрать главу Армянской апостольской церкви. За поддержку ААЦ арестован российский бизнесмен Самвел Карапетян. В стране прошла новая серия арестов после того, как Следственный комитет Армении объявил о раскрытии заговора с целью захвата власти. О ситуации в Армении мы поговорили с первым заместителем председателя Комитета Госдумы по делам СНГ, евразийской интеграции и связям с соотечественниками Константином ЗАТУЛИНЫМ.
-
2025-07-05 15:05Президент Турции Реджеп Тайип Эрдоган в беседе с журналистами по возвращении из оккупированного Арцаха рассказал о «возможностях», которые откроются благодаря так называемому «Зангезурскому коридору» «не только для Азербайджана, но и для всего региона».
-
2025-07-05 15:03Молодежный союз АРФ «Дашнакцутюн» проводит акцию протеста у здания Конституционного суда Армении.
-
2025-07-05 15:02Отец мэра Еревана Тиграна Авиняна – Армен Авинян — проиграл в суде по резонансному делу, связанному с его высказываниями в адрес водителей машин марки Opel. Об этом сообщил член фракции "Мать Армения" Григор Искандарян в прямом эфире в соцсетях.