Последние новости
2020-07-24 16:01

Միշուստին․ Օգոստոսի 1–ից Ռուսաստանը «բացում է երկինքը»

0
Telegram

Ռուսաստանն օգոստոսի 1-ից վերսկսվում է իրականացնել միջազգային չվերթերը։ Տեղեկությունը հայտնել է ՌԴ վարչապետ Միխայիլ Միշուստինը։

Չվերթերը կիրականացվեն Մոսկվայի, Մոսկվայի մարզի, Սանկտ Պետերբուրգի և Դոնի Ռոստովի օդանավակայաններից:

Ռուսաստանն ավիահաղորդակցությունն առայժմ վերսկսվում է միայն երեք երկրների՝ Մեծ Բրիտանիայի, Թուրքիայի (Անկարա և Ստամբուլ) և Տանզանիայի հետ: Օգոստոսի 10-ին թռիչքներ կիրականացվեն դեպի Անթալիա, Բոդրում և Դալաման (Թուրքիա) ։

Այն երկրների ցանկը, որոնց հետ կվերսկսվի ավիահաղորդակցությունը, մոտ ժամանակներս կհաստատվի և կհրապարակվի ։

Կարևոր է իմանալ, որ Ռուսաստան մուտք գործելու համար անհրաժեշտ է կորոնավիրուսի թեստի բացասական պատասխան ունենալ։

Ավելի վաղ փոխվարչապետ Տատյանա Գոլիկովան հայտարարել էր, որ հուլիսի 15-ից իշխանությունները կսկսեն աստիճանաբար հանել արտերկիր թռիչքների սահմանափակումները: Ավիահաղորդակցությունը կվերսկսեն այն երկրների հետ, որտեղ կորոնավիրուսով հիվանդացությունը կազմում է հարյուր հազար բնակչի հաշվով 40-ից ոչ ավելի դեպք, հիվանդացածների թվի միջին օրական աճը և այդ երկրներում COVID-19-ի տարածման ցուցանիշը չպետք է գերազանցի 1 տոկոսը:

Հիշեցնենք, որ Ռուսաստանը կորոնավիրուսի համաճարակի ֆոնին մարտի 27-ից դադարեցրել էր կանոնավոր և չարտերային ավիահաղորդակցությունը այլ երկրների հետ:

Բացառություն են կազմել այլ քաղաքացիների` իրենց երկիր բերման, ինչպես նաև բեռնատար, փոստային, սանիտարական և հումանիտար չվերթները, տեխսպասարկման համար դատարկ ինքնաթիռների թռիչքները, երկրի տարածքում վերալիցքավորման (անձնակազմի հերթափոխի) համար նախատեսված տարանցիկ թռիչքները և ՌԴ կառավարության առանձին որոշումներով իրականացվողները, տեղեկացնում է Sputnik Armenia-ն:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ