Последние новости

Կրասնոդարի հայերն ու ադրբեջանցիները պայմանավորվել են չտրվել սադրանքներին

Ռուսաստանի Կրասնոդարի շրջանի Արմավիր քաղաքում տեղի է ունեցել հայկական և ադրբեջանական համայնքների ներկայացուցիչների հանդիպում, հայտնում է Ռուսաստանի հայերի միության մամուլի ծառայությունը:

Ըստ հաղորդագրության, հանդիպման մասնակիցները դատապարտել են վերջերս Մոսկվայում տեղի ունեցած իրադարձությունները և եկել են միաձայն կարծիքի, որ ոչ մի դեպքում չպետք է տրվել սադրանքներին և պետք է համատեղ պահպանել խաղաղությունն ու ներդաշնակությունը Արմավիրում:

Համայնքի ներկայացուցիչները պայմանավորվել են մշտական կապի մեջ լինել բոլոր տեսակի սադրիչ իրավիճակները բացառելու համար:

«Հանդիպման ավարտին ադրբեջանական կողմը, որի նախաձեռնությամբ տեղի է ունեցել հանդիպումը, շնորհակալություն է հայտնել հայ համայնքին ՝ հանդիպումը կազմակերպելու հնարավորության համար»,- ասվում է հաղորդագրության մեջ, տեղեկացնում է Newsarmenia.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ