2020-07-27 09:13
Информагентства
ԿԳՄՍ նախարարը պնդում է՝ իրազեկումը պատշաճ էր
Ավարտվել է բուհի ընդունելության լրացուցիչ փուլով թափուր տեղերի մրցույթը։ Facebook-ի իր էջում ուղիղ եթերի ժամանակ լուրը հայտնեց կրթության, գիտության, մշակույթի և սպորտի նախարար Արայիկ Հարությունյանը։
Նախարարը որոշել էր մի քանի տվյալ ներկայացնել այս տարվա արտակարգ դրության պայմաններում անցկացված բուհական ընդունելության արդյունքների վերաբերյալ։
Գնահատման և թեստավորման կենտրոնի տվյալներով՝ 2020թ. ընդունելության միասնական քննության համար հայտագրվել են 11 979 դիմորդ, մասնակցել են 11 648 դիմորդ, դրական միավոր ստացել են 9372 դիմորդ: Այս արդյունքներում ներառված չեն ռազմական և գերատեսչական բուհերի դիմորդները։ Դրական միավոր ստացած 8706 դիմորդ ընդունվել են հիմնական փուլով։
Թափուր տեղերի համար երեկ ավարտված մրցույթի արդյունքով` ընդունվել են 472 դիմորդ, չեն ընդունվել 49-ը:
«Արդյունքում ստացվում է, որ շուրջ 12 հազար դիմորդներից, որոնք մասնակցել են ընդունելության քննություններին, դրական գնահատական ստացած ու բուհերի միասնական քննության արդյունքում չընդունված դիմորդների թիվը 223 է, որոնք հնարավորություն ունեն սեպտեմբերին` հեռակա ընդունելության ժամանակ, պահպանելով իրենց գնահատականը, դիմել բուհեր»,- նշեց նախարարը՝ հավելելով, որ, ըստ էության, մշակվող այս համակարգով` քիչ է հավանականությունը, որ մյուսները կարող են չընդունվել բուհերի հեռակա բաժիններ։
Նախարարությունը լուծում է գտել նաև այն դիմորդների համար, որոնք 18 և ավելի բարձր գնահատական են ստացել և չեն ընդունվել բուհեր։
«Այս տարի միասնական քննությամբ գերազանց՝ 18 և ավելի բարձր գնահատական ստացած, բայց բուհ չընդունված 6 դիմորդի առաջարկվել է իրենց դիմում-հայտերի հաջորդ կրթական ծրագրերին համապատասխան լուծումներ։ Վեցից չորսն արձագանքել է»,- ասաց նախարարը՝ նշելով, որ նրանցից մեկն ասել է, որ հեռակայի համար է դիմելու, իսկ մյուս դիմորդն էլ նշել է, որ ինքը հենց իր ընտրած մասնագիտությամբ է ցանկանում սովորել, այդպես էլ լրացրել էր հայտը։
Նախարարը պնդում է՝ ընդունելության նոր կարգի վերաբերյալ պատշաճ իրազեկում արվել է նաև ԶԼՄ-ներով։
«Պատուհանը փակում էին, երդիկից էինք մտնում»,- ասաց նախարարն ու որպես ապացույց` իր ապրիլի 30-ի ուղիղ եթերից մի հատված կրկնեց, որում տեղեկացրել էր ընդունելության նոր կարգի մասին։
ԿԳՄՍ նախարարը նաև անդրադարձավ նոր չափորոշիչների շուրջ բարձրացված աղմուկին՝ տարածվող լուրերն անվանելով «կեղծ և սուտ»։ Նա խոստացավ այդ խնդրին անդրադառնալ վաղը՝ նշելով, որ պարզապես «ուզում է թողնել, որ մի քանի մասնագետներ իրենց կեղծիքով և ստով ավելի խայտառակվեն, որից հետո ինքը կետ առ կետ կանդրադառնա դրանց», տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-02-22 09:26Затраты на лечение травм, полученных в результате падения, будут возмещены в рамках госзаказа. Об этом в соцсетях написала министр здравоохранения Армении Анаит Аванесян.
-
New2025-02-22 09:21Член Комитета «Ай Дата» Иерусалима Сероб Саакян в беседе с Alpha News коснулся вопроса армянских земельных владений в Иерусалиме.
-
New2025-02-22 09:18Эдгару Казаряну предъявили обвинение по статье, которая предусматривает лишение свободы до 5 лет.
-
New2025-02-22 09:15Процессы в Украине протекают в той же логике, что и в Армении, разве, что там война ведется немного по-другому, но логика политики та же. Об этом в беседе с корреспондентом Новости Армении–NEWS.am заявил координатор национального гражданского объединения «Айакве» Аветик Чалабян.