ԱՀԿ-ն երկարաձգել է կորոնավիրուսով պայմանավորված արտակարգ դրությունը

Առողջապահության համաշխարհային կազմակերպությունը (ԱՀԿ) ևս երեք ամսով երկարաձգել է միջազգային արտակարգ իրավիճակը կորոնավիրուսային համավարակի պատճառով,: Այս մասին շաբաթ օրը հայտնել է ԱՀԿ արտակարգ իրավիճակների հանձնաժողովը` հուլիսի 31-ին Ժնևում կայացած հանդիպումի արդունքում, հայտնում է ՏԱՍՍ-ը:

Ընդգծվում է, որ հանձնաժողովը «միաձայն համաձայնել է, որ համավարակը դեռևս իրենից արտակարգ իրավիճակ է ներկայացնում հանրային առողջության համար, որը միջազգային մտահոգության է առաջացնում»: Կոմիտեն այդ ռեժիմը երկարաձգելու իր առաջարկությունը ներկայացրեց ԱՀԿ գլխավոր տնօրեն Թեդրոս Ադանոմ Հեբրեյեսուսին, որը համաձայնլ է դրա հետ: Այս կապակցությամբ, «գլխավոր տնօրենի որոշմամբ երեք ամսվա ընթացքում կրկին հանձնաժողով կգումարվի»:

Ելույթ ունենալով հանդիպմանը՝ ԱՀԿ ղեկավարը նշել է, որ ներկայիս համավարակը «ճգնաժամ է, որը տեղի է ունենում հարյուր տարին մեկ անգամ, դրա հետևանքները կզգացվեն գալիք տասնամյակների ընթացքում»: Ըստ նրա, այս պահին «շատ հարցեր լուծվել են, բայց դեռ շատերին պետք է պատասխանել»: Ըստ իմունիտետի մասին ունեցած ԱՀԿ-ի ուսումնասիրությունների տվյալների՝ «աշխարհի բնակչության մեծամասնությունը ընկալունակություն ունի այս վիրուսի նատմամբ, նույնիսկ այն շրջաններում, որտեղ ծանր բռնկումներ են եղել»:

Սա ԱՀԿ արտակարգ իրավիճակների՝ 18 փորձագետներից և 13 խորհրդատուներից կազմված հանձնաժողովի չորրորդ հանդիպումն էր: Դրա նպատակն է գնահատել աշխարհում համավարակի դեմ պայքարի ոլորտում առկա իրավիճակը և մշակել առաջարկություններ վարակի տարածմանը արդյունավետորեն հակազդելու համար: Նախորդ երեք հանդիպումները տեղի են ունեցել հունվարի 22-23-ը, հունվարի 30-ին և ապրիլի 30-ին: Հունվարի 30-ից ՝ հանձնաժողովի անդամների առաջարկությամբ, ԱՀԿ ղեկավարը հայտարարեց համաշխարհային առողջության ոլորտում արտակարգ իրավիճակի մասին՝ կապված կորոնավիրուսի հետ, տեղեկացնում է Newsarmenia.am-ը: