Последние новости

Ֆրանսիան Լիբանանին միջազգային օգնության ծրագիր է նախաձեռնում

Ֆրանսիան մտադիր է Լիբանանի բնակչության համար միջազգային աջակցության ծրագիր նախաձեռնել Բեյրութում տեղի ունեցած հզոր պայթյունից հետո, որը բազմաթիվ զոհերի և ավերածությունների պատճառ է դարձել: Այս մասին հայտարարել է Ֆրանսիայի նախագահ Էմանուել Մակրոնը՝ Լիբանանի մայրաքաղաք ժամանելուց հետո, փոխանցում է ՏԱՍՍ-ը։

«Մենք բանակցություններ կանցկացնենք, որպեսզի հետո Լիբանանի ժողովրդի համար միջազգային օգնության ծրագիր նախաձեռնենք։ Բնակչության օգնությունը գլխավոր առաջնահերթություն է, և անհրաժեշտ է այն կազմակերպել այնպես, որ այն հասնի մարդկանց»,- ասել է Մակրոնը։

Նա հստակեցրել է, որ Ֆրանսիան լրացուցիչ աջակցություն կցուցաբերի Լիբանանի ղեկավարության, քաղաքացիական հասարակության ներկայացուցիչների և նավահանգստում աշխատող փրկարարների թիմերի հետ հանդիպումների արդյունքում:

«Ես անմիջապես մեկնել եմ Լիբանան տեղի ունեցած ողբերգությունից հետո, նման համերաշխությունն ակնհայտ է», – հավելել է Մակրոնը:

Միաժամանակ Ֆրանսիայի նախագահը նշել է, որ Լիբանանի ղեկավարության ներկայացուցիչների հետ զրույցներում կընդգծի երկրում բարեփոխումների անցկացման անհրաժեշտությունը, այդ թվում՝ կոռուպցիայի դեմ պայքարն ուժեղացնելու համար:

«Առանց այդ բարեփոխումների Լիբանանում ճգնաժամը կխորանա»,- նշել է նա: Լրագրողների հետ շփումից հետո Մակրոնն ուղևորվել է նավահանգիստ՝ պայթյունի վայր, որպեսզի բանակցի փլատակների ապամոնտաժմամբ զբաղվող ֆրանսիացի փրկարարների հետ, տեղեկացնում է ArmeniaToday.news:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ