2020-08-07 15:47
Информагентства
Արսեն Բաբայան. Գրեթե բոլոր պետական մարմինները սկսել են իրականացնել ՍԴ-ի լիազորություններ
Իշխանության յուրացման, սահմանադրական կարգի տապալման և այդ ընթացքում պաշտոնատար անձանց կողմից իրենց լիազորություններն անցնելու հանցավոր գործողությունները սկսվել են այն պահից, երբ քաղաքական իշխանությունն իր գործադիր և օրենսդիր ճյուղերով որոշեց, որ պետք է երրորդ ճյուղի նկատմամբ իրականացնի ոտնձգություն, լրագրողների հետ հանդիպմանն ասաց «Հայրենիք» կուսակցության ներկայացուցիչ Արսեն Բաբայանը։
«Նախ՝ քրեական գործեր հարուցվեցին Սահմանադրական դատարանի նախագահի նկատմամբ, հետո նրա մերձավոր շրջանակի նկատմամբ, խուզարկություններ իրականացվեցին և այլն։ Ըստ էության, իրավապահ բոլոր մարմիններն ակտիվ լծված էին այս գործին, որպեսզի կարողանան ուզուրպացնել ՍԴ-ն և ՍԴ-ում ունենալ մեծամասնություն, որպեսզի հետագայում կարողանան իրենց քաղաքական կամ ոչ քաղաքական գործողություններն իրականացնել», - ասաց Արսեն Բաբայանը։
Նա նշեց, որ ՀՀ-ում գրեթե բոլոր պետական մարմինները սկսել են իրականացնել ՍԴ-ի լիազորություններ։
«Մասնավորապես, ՀՔԾ-ն կարծում է, որ ինքը կարող է ՍԴ-ի փոխարեն տալ մեկնաբանություն կամ որոշել, թե որ գործողություններն են ճիշտ»։
Բաբայանի խոսքով՝ մեր պետությունում այս իշխանության կողմից իրավական համակարգի և իրավունքի ջախջախումը պարբերական բնույթ է կրում և ՀՔԾ-ն մասնակից է այդ ամենին։
Ասուլիսին ներկա ԲՀԿ-ական պատգամավոր Իվետա Տոնոյանի խոսքով՝ մեկ տարի շարունակ իշխանությունները լծված են եղել ՍԴ-ն բռնազավթելու և իրենց համար ցանկալի կազմով համալրելու աշխատանքներին։
«Այսօր արդեն իշխանությունների թեթև ձեռքով ՍԴ-ում կա ճգնաժամ, և հենց մեր՝ երեք քաղաքական ուժերի ներկայացրած բողոքն ու քրեական գործ հարուցելու վերաբերյալ մերժումը տեղավորվում է իշխանությունների գործողություններում», - ասաց Իվետա Տոնոյանը։
Հիշեցնենք՝ «Հայրենիք», ՀՅԴ և ԲՀԿ կուսակցությունները դիմում էին ներկայացրել ՀՀ գլխավոր դատախազություն՝ մի շարք բարձրաստիճան պաշտոնյաների հնարավոր հանցակցության վերաբերյալ։
ՀՔԾ-ն, սակայն, մերժել է դիմումի հիման վրա քրգործի հարուցումը, տեղեկացնում է Aysor.am-ը։
ПОСЛЕДНИЕ ОТ АВТОРА
-
New2025-06-03 19:39Фальсификация доказательств, манипулирование расследованиями и препятствование правосудию составляют неотъемлемую часть государственной политики Азербайджана. Об этом говорится в официальном заявлении Центрального офиса Ай Дата Бюро АРФ <Дашнакцутюн>.
-
New2025-06-03 19:36Тегеран настаивает на возможности обогащать уран на своей территории, несмотря на требования президента США Дональда Трампа отказаться от этого. Об этом, как передает РИА Новости, заявил министр иностранных дел Ирана Аббас Аракчи.
-
New2025-06-03 19:34Как ранее сообщалось, Россельхознадзор с 16 июня может запретить ввоз цветов из третьих стран через Армению в связи с участившимися обнаружениями в них карантинных объектов.
-
New2025-06-03 19:30Уголовное дело против бывшего вице-премьера Армении Армена Геворкяна о предполагаемом отмывании денег будет передано в суд, сообщил Антикоррупционный комитет.