2020-08-14 17:11
Информагентства
ՀՀ կառավարությունը լիբանանահայերին ընդունելու համար հատուկ փաթեթ է մշակում
Սփյուռքի գործերի գլխավոր հանձնակատար Զարեհ Սինանյանն այսօր կայացած ասուլիսի ժամանակ, ամփոփելով օգոստոսի 9-11–ը կայացած լիբանանյան այցը, հայտնեց, որ Հայաստանի կառավարությունը փաթեթ է պատրաստում, որպեսզի կարողանա արժանապատվորեն ընդունել Հայաստան վերադառնալու ցանկություն ունեցող լիբանանահայերին։
«Լիբանանում Հայաստանի դեսպանատան տվյալներով` այսօր մոտ 25 000 լիբանանահայ ՀՀ քաղաքացի է, և մենք բարոյական պարտականություն ենք զգում ոչ միայն նրանց, այլ բոլոր լիբանանահայերի նկատմամբ։ Եթե այնտեղ ապրող հայն ուզում է լքել երկիրը, ապա մենք պետք է ամեն ինչ անենք, որ նրանք գան Հայաստան»,–ասաց Սինանյանը։
Նրա խոսքով` հուլիս–օգոստոս ամիսներին 5 չվերթով Լիբանանից 370 հայ է եկել Հայաստան` հաստատվելու։ Բացի այդ, Լիբանան մեկնած մարդասիրական օգնության երեք ինքնաթիռներով էլ 101 մարդ է վերադարձել հայրենիք։
Սինանյանը հայտնեց, որ լիբանանյան այցի ժամանակ իրար հակասող երկու տեղեկություն են ստացել. հոգևոր առաջնորդների հետ հանդիպումների ընթացքում ասել են, որ տեղի համայնքն ամուր է և կառչած տեղի հողին, իսկ բոլոր մյուս հանդիպումների ժամանակ այլ պատգամ են ստացել, թե լիբանանահայությունը խուճապային տրամադրություններ ունի, և մարդիկ ուզում են լքել Լիբանանը։
Մեծամասնությունը, ըստ Սինանյանի, հենց Հայաստան է ուզում վերադառնալ, սակայն մեծ ցանկության դեպքում անգամ նրանք Լիբանանը լքելու լուրջ խնդիրներ ունեն։ Հարցն այն է, որ մարդիկ չեն կարող բանկերից իրենց խնայողությունները հանել, բացի այդ, Լիբանանում տիրող տնտեսական ծանր վիճակի պատճառով չեն կարող նաև իրենց տունը վաճառել։ Այս խնդիրը, ըստ սփյուռքի գործերի հանձնակատարի, չի լուծվի ո՛չ մեկ շաբաթում, ո՛չ էլ մեկ ամսում։
«Այս դեպքում ասել, որ Հայաստանի կառավարությունը լիբանանահայերի նկատմամբ իրականացնում է հայրենադարձության քաղաքականություն, ճիշտ չէ, քանի որ կստացվի` մենք թելադրողի դերում ենք և իրավիճակ ենք ստեղծում, որ մարդիկ վերադառնան Հայաստան։ Ո՛չ, մենք դիտորդի դերում ենք»,–ասաց Սինանյանը` հավելելով, որ Հայաստան վերադառնալ ցանկացողներին ամեն կերպ փորձելու են աջակցել։
Ինչ վերաբերում է լիբանանահայերին այս պահին անհրաժեշտ օգնությանը, ապա Սինանյանը հայտնեց, որ իրավիճակից ելնելով` ամենատարրական դեղորայքն անհասանելի է դարձել, կորոնավիրուսով վարակվածները չեն կարողանում օգնություն ստանալ։ Հայաստանը մտածում է հերթական օգնության մասին` հատկապես դեղորայքային մասով, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
2025-07-05 17:07Разрыв с Россией может изменить судьбу армяно-российских отношений На фоне резкого обострения отношений Москвы и Баку премьер Армении Никол Пашинян продолжает войну с оппозицией и церковью. После визита силовиков в Эчмиадзин и ареста двух архиепископов он вновь призвал переизбрать главу Армянской апостольской церкви. За поддержку ААЦ арестован российский бизнесмен Самвел Карапетян. В стране прошла новая серия арестов после того, как Следственный комитет Армении объявил о раскрытии заговора с целью захвата власти. О ситуации в Армении мы поговорили с первым заместителем председателя Комитета Госдумы по делам СНГ, евразийской интеграции и связям с соотечественниками Константином ЗАТУЛИНЫМ.
-
2025-07-05 15:05Президент Турции Реджеп Тайип Эрдоган в беседе с журналистами по возвращении из оккупированного Арцаха рассказал о «возможностях», которые откроются благодаря так называемому «Зангезурскому коридору» «не только для Азербайджана, но и для всего региона».
-
2025-07-05 15:03Молодежный союз АРФ «Дашнакцутюн» проводит акцию протеста у здания Конституционного суда Армении.
-
2025-07-05 15:02Отец мэра Еревана Тиграна Авиняна – Армен Авинян — проиграл в суде по резонансному делу, связанному с его высказываниями в адрес водителей машин марки Opel. Об этом сообщил член фракции "Мать Армения" Григор Искандарян в прямом эфире в соцсетях.