Արայիկ Հարությունյանը հրամանագիր է ստորագրել՝ միասնական արտաքին քաղաքականության վարման առնչությամբ
Արցախի Հանրապետության Նախագահ Արայիկ Հարությունյանը ստորագրել է հրամանագիր՝ միասնական արտաքին քաղաքականության վարման գործում հանրապետության պետական կառավարման մարմինների գործունեությունը համակարգելու մասին, տեղեկացնում է News.am-ը։
Փաստաթղթում, մասնավորապես, նշվում է, որ՝
Արցախի Հանրապետության պետական կառավարման համակարգում արտաքին գործերի նախարարությունն արտաքին գործերի բնագավառում հանրապետության կառավարության քաղաքականությունը մշակող և իրականացնող մարմինն է։
Արտաքին գործերի բնագավառում պետական կառավարման համակարգի այլ մարմիններն իրենց միջազգային բնույթի գործունեությունն իրականացնում են Արցախի Հանրապետության Նախագահի ծրագրի հիման վրա՝ արտաքին գործերի նախարարության հետ համաձայնեցված:
Արցախի Հանրապետության արտաքին գործերի նախարարությունը համակարգում է պետական կառավարման այլ մարմինների միջազգային բնույթի պաշտոնական գործունեությունը և միջազգային կապերը:
Արտաքին քաղաքականության հարցերի հետ կապված պաշտոնական հայտարարություններով հանդես են գալիս Արցախի Հանրապետության Նախագահը, Արցախի Հանրապետության արտաքին գործերի նախարարը, իսկ այլ պաշտոնատար անձինք` Արցախի Հանրապետության Նախագահի հանձնարարությամբ:
Արտաքին քաղաքական բնույթի պաշտոնական տեղեկատվությունը հրապարակվում է Արցախի Հանրապետության Նախագահի մամուլի քարտուղարի կամ տեղեկատվական ծառայության, արտաքին գործերի նախարարության մամուլի քարտուղարի կամ տեղեկատվական ծառայության, ինչպես նաև արտաքին գործերի նախարարության կողմից լիազորված ներկայացուցիչների միջոցով։
Պաշտոնատար անձինք և պետական կառավարման համակարգի մարմինների ներկայացուցիչներն իրենց լիազորությունների շրջանակներում կարող են հանդես գալ արտաքին քաղաքականության առանձին հարցերի վերաբերյալ հայտարարություններով և մեկնաբանություններով միայն Արցախի Հանրապետության արտաքին գործերի նախարարության հետ համաձայնեցված դիրքորոշումներին համապատասխան:
Արցախի Հանրապետության պետական կառավարման մարմինների կողմից օտարերկրյա պետությունների, միջազգային կազմակերպությունների պաշտոնատար անձանց և մարմինների հետ հարաբերություններն իրականացվում են ԱԳՆ հետ համաձայնեցված։ Արցախի Հանրապետության պետական կառավարման մարմինները միջազգային համագործակցության ընթացքի և արդյունքների վերաբերյալ սահմանված ժամկետներում արտաքին գործերի նախարարությանը ներկայացնում են հաշվետվություն:
ПОСЛЕДНИЕ ОТ АВТОРА
-
New2020-10-29 05:5140Госдепартамент отказывается уточнить, рассматривает ли американское правительство вариант приостановки оказания военной помощи Турции и Азербайджану в целях содействия прекращению боевых действий в конфликте вокруг Нагорного Карабаха.
-
New2020-10-29 05:4940Международный комитет Красного Креста (МККК) призывает прекратить обстрел городских районов в Нагорном Карабахе, об этом говорится в заявлении главы организации в Евразии Мартина Шуэппа.
-
New2020-10-29 05:4741Президенту Дональду Трампу давно пора напрямую обратиться к лидерам Армении, Азербайджана и Турции, чтобы добиться немедленной деэскалации и остановить продвижение азербайджанских войск в Нагорном Карабахе. Об этом говорится в заявлении кандидата в президенты от демократов Джо Байдена.
-
New2020-10-29 05:4541Сотрудники Государственной службы по чрезвычайным ситуациям Нагорного Карабаха Гегам Григорян, Карот Багрян и Арут Апресян получили телесные повреждения в результате обстрела арцахского города Шуши, сообщает пресс-службы ГСЧС.
