2020-08-17 14:14
Соб.инф.
Ալեն ՂՈՒԼՅԱՆ․ ԱԴՐԲԵՋԱՆՈՒՄ ՇԱՏԵՐԸ ՎՍՏԱՀ ԵՆ, ՈՐ ԹՈՒՐՔԻԱՆ ՇՈՒՏՈՎ ՆԱԽԻՋԵՎԱՆՈՒՄ ՑԱՄԱՔԱՅԻՆ ԶՈՐՔԵՐ Է ՏԵՂԱԿԱՅԵԼՈՒ
Ադրբեջանի և Թուրքիայի պաշտպանության նախարարների և բարձրաստիճան զինվորականների փոխադարձ այցերից և թուրք-ադրբեջանական վերջին լայնածավալ տակտիկական զորավարժություններից հետո ադրբեջանական տիրույթում դրանց հետ կապված հետաքրքիր քննարկումներ են տեղի ունենում, իսկ որոշ քաղաքագետների և փորձագետների կողմից էլ տարբեր կարծիքներ են հնչեցվում։ Ընդ որում խոսում են նաև, որ այդ երկու երկրների միջև որոշ փաստաթղթեր են ստորագրվել, որոնց մանրամասները չեն բացահայտվում։
Հատկանշական է, որ շատերը համոզված են, որ բացի դրանից, որ Ադրբեջանը Թուրքիայից ժամանակակից զինատեսակներ է ձեռք բերելու, այդ թվում նաև նոր հարվածային ԱԹՍ-եր, Թուրքիան շուտով նաև ռազմաբազա է տեղակայելու Նախիջևանի տարածքում, իսկ հետագայում նաև Ափշերոնյան թերակղզում (Բաքվի մոտակայքում)։ Զորատեսակների մասով նշում են, որ Նախիջևանում ամենայն հավանականությամբ ցամաքային զորքեր են տեղակայվելու, իսկ Ափշերոնյան թերակղզում` ռազմաօդային։
Ի դեպ` ԱԹՍ-երի ձեռքբերման մտադրության մասին Զաքիր Հասանովը դեռևս հունիս ամսին տված հարցազրույցներից մեկում է անդրադարձել։
Հավելեմ նաև, որ բաց աղբյուրներից հայտնի է, որ հուլիս և օգոստոս ամիսներին Թուրքիայի և Ադրբեջանի պաշտպանության գերատեսչությունների ղեկավարների և բարձրաստիճան զինվորականների երեք փոխադարձ այցեր են տեղի ունեցել.
- Հուլիսի 16-ին պաշտոնական այցով Թուրքիա են մեկնել Ադրբեջանի պաշտպանության նախարարի տեղակալ, ռազմաօդային ուժերի հրամանատար Ռամիզ Թահիրովը, նախարարի տեղակալ - Նախիջևանի առանձին համազորային բանակի հրամանատար Քերեմ Մուսթաֆաևը, հետախուզության վարչության պետը, 4-րդ բանակային կորպուսի շտաբի պետը և այլ բարձրաստիճան սպաներ։
Այցի շրջանակներում Թահիրովն ու Մուստաֆաևը հանդիպել են Թուրքիայի պաշտպանության նախարար Հուլուսի Աքարի հետ։
Հաջորդ օրը Թահիրովն ու Մուստաֆաևը հանդիպել են նաև Թուրքիայի պաշտպանական արդյունաբերության գլխավոր վարչության պետ Իսմաիլ Դեմիրի հետ, իսկ հուլիսի 20-ին կրկին հանդիպել են Հուլուսի Աքարի հետ։
- օգոստոսի 11-ին Ադրբեջանի պաշտպանության նախարար Զաքիր Հասանովն ու նորանշանակ արտգործնախարար Ջեյհուն Բայրամովը Թուրքիայում հանդիպել են Թուրքիայի նախագահի հետ։
- Օգոստոսի 12-ին թուրք֊ադրբեջանական համատեղ զորավարժության առաջին փուլի եզրափակիչ դրվագին հետևելու նպատակով Ադրբեջան են մեկնել Հուլուսի Աքարը, Թուրքիայի ԶՈւ գլխավոր շտաբի պետ Յաշար Գյուլերը, տարբեր զորքերի հրամանատարները և այլ բարձրաստիճան սպաներ։ Այցի շրջանակներում Աքարը հանդիպել է նաև Իլհամ Ալիևի հետ։
Ալեն ՂՈՒԼՅԱՆ, ֆեյսբուքյան էջ
ПОСЛЕДНИЕ ОТ АВТОРА
-
2025-01-21 11:55Заявление Координационного совета Российско-Армянских организаций в связи с судилищем над руководством Республики Арцах (Нагорного Карабаха) Любому здравомыслящему человеку очевидно, что начавшийся 17 января в Баку «судебный процесс» над армянскими лидерами свободного Арцаха, более года незаконно удерживаемых по ложным обвинениям в средневековых застенках алиевского нацистского режима, является издевательством над справедливостью, над правосудием и принципами международного права.
-
2025-01-21 10:45«Предпринимаются шаги, препятствующие реализации договоренностей, достигнутых при посредничестве России…» – «Антинацистский фронт Армении» направил открытое письмо президенту РФ Владимиру Путину, в котором отмечается:
-
2025-01-20 16:26ЗАЯВЛЕНИЕ Армянские общественные структуры из ЕС, США и России возмущены последними высказываниями президента Азербайджанской Республики. С глубокой озабоченностью и отвращением мы констатируем факт сознательной провокации и оскорбления армянского государства со стороны президента Азербайджана Ильхама Алиева. Его преднамеренные слова о том, что Армения является "фашистским государством", не только представляют собой точку зрения, лишённую всякой основы, но и открывают новые грани агрессивной риторики, толкающей регион в новую войну.
-
2025-01-18 15:34Российский писатель, ученый-японовед, литературовед, переводчик и общественный деятель Борис Акунин выступил в защиту Рубена Варданяна.