2020-08-17 17:58
Рубен МАРГАРЯН
ՆԻԿՈԼԸ, ՄԱՆՅՈՒՆՅԱՆ ԵՎ ՄԱԿՈՒՆՑԸ
Բոլորը միահամուռ հարձակվել են խեղճ վարչապետի վրա։ Սթիվեն Սաքուրին տված հարցազրույցի պատճառով։ Թարս գնաց այդ օրը մեր վարչապետի համար, իսկ սկսվեց ամեն ինչ նրանից, որ հարցազրույցի գնալիս մոռացավ իր սիրելի «Դուխով» կեպին և ձեռքն էլ չվիրակապեց… Դե, և այնպիսի՜ բաներ ասաց…
Այդ ամենը դեռ տանելի կլիներ, եթե խոսքը վերաբերեր միայն կորոնավիրուսին, տնտեսական հեղափոխությանը կամ Ռոբերտ Քոչարյանի գործին։ Բայց խոսակցությունը նաև Ղարաբաղյան հիմնախնդրի մասին էր։ Եվ, ի ցույց դնելով հակամարտության պատմության վերաբերյալ իր խոր գիտելիքները, Փաշինյանը բլթացրեց, թե նախքան հայտնի իրադարձությունների սկսվելը Արցախում հայ բնակչությունը կազմում էր 18-19% … Չէ, այստեղ՝ Հայաստանում, մենք իհարկե հասկացանք, որ նա ուզում էր ասել 80-90% ... և ողջ խնդիրն այն է, որ մեր վարչապետի մտքին փչել էր Սաքուրին պատասխանել անգլերեն, այսպես ասած՝ շլացնել իր գիտելիքներով։ Իսկ անգլերենը այնքա՛ն բարդ լեզու է, այդտեղ շա՜տ դժվար է տարբերել տասնութը ութսունից, իննսունը՝ տասնիննից…
Ոչ, մենք, իհարկե, ամեն ինչ հասկանում ենք։ Բայց արի ու բացատրիր դա Բիրմինգհեմ պանծալի քաղաքի կամ, օրինակ, Տորոնտոյի տնային տնտեսուհիներին։ Իսկ չէ՞ որ նրանք, լսելով Փաշինյանին, հիմա անկեղծորեն տարակուսած են. ախր ի՞նչ են ուզում Ադրբեջանից հայերը՝ իրենց 18-19%-ով ։ Եվ ի՞նչ կհրամայեք անել։ ԱԳՆ-ը պետք է հանդես գա հերքումո՞վ։ Փաշինյանը պիտի կրկին հագնի իր ուսապարկն ու քայլարշավի՞ գնա անգլալեզու երկրներով մեկ՝ բացատրելու, թե ինչ նկատի ուներ։ Ի դեպ, վատ գաղափար չէ. աշխարհ կտեսնի ու իրեն ցույց կտա…
Ահա և բոլորը կատաղի հարձակում են գործել մեր խեղճ վարչապետի դեմ՝ այդ վրիպման համար։ Ազգայնականները, լիբերալները, հայրենասերները, գլոբալիստները, ահաբեկիչները, խաղաղասերները, պատմաբանները, լրագրողները, փորձագետները, բլոգերները և նույնիսկ Լևոն Զուրաբյանը՝ ՀԱԿ-ից...
Ոմանք նույնիսկ հորինեցին, թե Փաշինյանը տառապում է գավառացու բարդույթով։ Դե, երբ ինչ-որ բանում հաջողության ես հասնում, բայց դա քեզ քիչ է թվում ու ձգտում ես բոլորին ապացուցել, թե աժդահա ես ամեն ինչում։ Ըստ երևույթին, իրոք, կա նման բան։ Իսկ Հայաստանում այդ բարդույթով տառապում են հատկապես Տավուշի մարզի բնակիչները (ներեցեք, սիրելի տավուշցիներ, ես նկատի ունեմ միայն ոմանց)։ Լինի դա մեր վարչապետը, թե նրա գրեթե համերկրացի տիկինը՝ մոդայիկ գրողը, որն այժմ բնակվում է Մոսկվայում, բարեհաջող կերպով փախցրել է որդուն հայկական ԶՈՒ-ում ծառայությունից, գրել դյուրընթերցելի մի քանի զվարճալի գրքույկներ և այդ պահից ի վեր վճռել, թե կարող է հայրենասիրության դասեր տալ բոլորին։
Բայց հանգիստ թողնենք մանյունյային, վերադառնաք մեր Նիկոլին։ Մեր կարծիքով, եթե անգամ Նիկոլը մեղավոր է, ապա լոկ չնչին չափով։ Կարելի է ասել, որ բացարձակապես ոչ մի բանում մեղավոր չէ։ Իսկ ո՞վ է իրականում մեղավոր։ Հանճարեղ ֆրանսիացիները այս հարցի պատասխանը տվել են շատ վաղուց. cherchez la femme. Կին փնտրեք, պարոնայք, կնոջ հետք փնտրեք բոլոր ձախողումներում։ Այդպես եղել է և կլինի միշտ։
Ուրիշ էլ ո՞վ կարող էր այդպես «քաշել» մեր վարչապետին, եթե ոչ առաջադեմ մարդկության կործանման համար ստեղծված այդ նենգ արարածների ներկայացուցիչը։ Ոչ, մենք հիմա նկատի չունենք հայրենասեր-մանյունյային՝ Բերդ փառապանծ քաղաքից։ Եվ ոչ էլ նույնիսկ հիասքանչ Աննային: Ամեն ինչում մեղավոր է Լիլիթ Մակունցը։
Քանզի հենց նա է անգլերեն սովորեցրել վարչապետին, այնպես չէ՞։ Նույն այն Մակունցը, որը մշակույթի նախարար նշանակվելուց հետո պատասխանելով այն հարցին, թե ինչ կապ ունի ինքը դրա՝ մշակույթի հետ, հպարտորեն հայտարարեց, թե մշակույթն իր մեջ է։ Իսկ հետո, երբ մշակույթի նախարարի աթոռից Փաշինյանը տեղափոխեց նրան իշխող խմբակցության ղեկավարի աթոռին, նա, ճիշտ է, չասաց, թե խմբակցության ղեկավարն իր մեջ պինդ նստած է դեռ մանկուց, բայց աչքերից երևում էր. հենց այդպես է համարում։
Ահա ուրեմն, մենք կարծում ենք, որ Փաշինյանի վրիպման մեղավորը հենց Մակունցն է, քանի որ վերջինս ոչ միայն վատ է սովորեցրել նրան անգլերեն, այլև զարգացրել է Նիկոլիի մեջ գավառացու նույն այդ բարդույթը և համոզել, թե անգլերենը նրա մեջ է։ Դե, իսկ մեր վարչապետը հավատացել է, և նա, իհարկե, վերջինը չէ այս աշխարհում, ում կործանել է կանացի նենգությունը։
Հ.Գ.- Շուկշինը մի պատմվածք ունի՝ «Շշպռեց» վերնագրով։ Գավառացու բարդույթի մասին։ Խորհուրդ ենք տալիս կարդալ կամ վերընթերցել: Դա ձեզ համար մանյունյա չէ, գրո՛ղը տանի, դա դասական գործ է…
ПОСЛЕДНИЕ ОТ АВТОРА
-
2025-04-03 13:26По выборам в Гюмри. Понятна радость победы над «Гражданским договором». Вдвойне понятна радость команды Вардана Гукасяна и всех, кто его поддерживал: их лидер набрал больше всех голосов из числа оппозиционных кандидатов и потому рассчитывает, что остальные кандидаты его поддержат и он станет градоначальником. Все правильно. Но, представляется, не совсем правильно в эйфории от общей, именно общей, победы оппозиции над «Гражданским договором», требовать от занявшего по итогу третье место кандидата от оппозиции Мартуна Григоряна, чтобы он сейчас, немедленно, принес заверения в своей готовности отдать голоса своей команды Вардану Гукасяну и, тем более, сделал это заявление в той форме, в какой от него это требуют…
-
2025-04-03 09:17Наш парламент недавно принял во втором чтении законопроект «О начале процесса членства Армении в Европейском Союзе». Хотя все понимают, что в ЕС к этому стремлению относятся постольку-поскольку и что в обозримом будущем такой перспективы просто нет. Но Никол Воваевич и команда аргументировали, что, дескать, лучше поддержать инициативу в парламенте, иначе общественные организации инициируют референдум и наберут 300 тысяч голосов… Гюмри показал, что этот довод не более чем очередная манипуляция правящей команды.
-
2025-04-01 09:53Выборы в Гюмри и Паракаре дают старт последнему этапу отстранения от власти в Армении «Гражданского договора». Главное, что показали эти выборы: кардинальная смена общественных настроений.
-
2025-03-31 09:20Все-таки Всемирная паутина – полезная вещь: напоминает, что политики говорили и делали раньше. И вот паутина напомнила, как перед камерами Никол Пашинян отвечает на вопрос о том, что является самым большим достижением Армении за 30 лет, а сделана запись 20 февраля 2018 года… Что отвечает Никол? Он говорит, что самым большим достижением была победа в карабахской войне…
ПОСЛЕДНЕЕ ПО ТЕМЕ
-
2022-04-15 08:16Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…
-
2022-04-08 08:59Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։
-
2022-04-05 19:27Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ:
-
2022-03-16 19:42Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։