2020-08-18 14:57
Информагентства
0
Սևրի դաշնագիրը ստորագրած պետությունների երիտասարդները հատուցման կոչ են հղել Թուրքիային
Սևրի դաշնագիրը ստորագրած պետությունների երիտասարդական քաղաքական կազմակերպությունները հայ ժողովրդին հատուցման կոչ են ուղղել Թուրքիային: «Արմենպրես»-ի փոխանցմամբ՝ այս մասին հայտնում է Հայ Յեղափոխական Դաշնակցության պաշտոնական կայքը:
ՀՅԴ Բյուրոյի Երիտասարդական գրասենյակը Սևրի Դաշնագրի ստորագրության 100-ամյակի առիթով` նախաձեռնել է դաշնագիրը ստորագրած պետությունների երիտասարդական միությունների հետ համատեղ հայտարարության հրապարակում, որը ներկայացված է ստորև.
«Սևրի դաշնագիրը հանդիսանում է միակ իրավական միջազգային փաստաթուղթը, որն ապահովում է Հայոց Ցեղասպանության արդար հատուցումը, այն ստորագրվել է Առաջին Համաշխարհային պատերազմից հետո 1920-ին Փարիզի խաղաղության վեհաժողովի ընթացքում Դաշնակից ուժերի և Թուրքիայի միջև:
Հիմք ընդունելով այն բանաձևը, որը միաձայնությամբ ընդունվել է Երևանում Ընկերվարական Երիտասարդական Միջազգային Միության (ԸԵՄՄ/IUSY) համաշխարհային խորհրդի ժողովին (2015), որը դատապարտում է Օսմանյան կայսրության կողմից իրականացված Հայոց ցեղասպանությունը.
Մենք` Սևրի դաշնագիրը ստորագրած երկրների կամ նրանց իրավահաջորդ պետությունների ընկերվարական և ընկերվար-ժողովրդավարական երիտասարդական կազմակերպություններս, վերահաստատում ենք Սևրի պայմանագրի կարևորությունը և կոչ ենք անում Թուրքիային ձեռնարկել Հայոց ցեղասպանության հետևանքների վերացման քայլեր և սկսել հայ ազգի իրավունքների վերականգման գործընթացը:
Մենք համոզված ենք, որ սա երկու երկրների ժողովուրդների միջև փոխվստահություն և տարածաշրջանում խաղաղություն հաստատելու միակ միջոցն է:
Հայտարարությունը ստորագրված է հետևյալ երիտասարդական կազմակերպությունների կողմից.
Բելգիա – Երիտասարդ սոցիալիստներ
Բելգիա – Սոցիալիստ երտասարդների շարժում
Թուրքիա – Ժողովուրդների դեմոկրատական կուսակցության երիտասարդական
Իտալիա – Երիտասարդ դեմոկրատներ
Լեհաստան – Երիտասարդ սոցիալ դեմոկրատների միություն
Խորվաթիա – Խորվաթական սոցիալ դեմոկրատական երիտասարդներ
Կանադա – Կանադայի նոր դեմոկրատական երիտասարդներ
Հայաստան – ՀՅԴ երիտասրդական – ՀՅ Դաշնակցության երիտասարդական միություն
Հունաստան – Համահունական սոցիալիստական շարժում – ՊԱՍՈԿ երիտասարդական
Հնդկաստան – Երիտասարդ քվեարկողների կուսակցություն
Հյուսիսային Մակեդոնիայի Հանրապետություն – Մակեդոնիայի սոցիալ դեմոկրատ երիտասարդներ
Նոր Զելանդիա – Նոր Զելանդիայի երիտասարդ լեյբորիստներ
Չեխիա – Երիտասարդ սոցիալ դեմոկրատներ
Պորտուգալիա – Երիտասարդ սոցիալիստներ
Սերբիա – Ազատություն և արդարություն կուսակցության երիտասարդներ
Սլովենիա – Սոցիալ դեմոկրատականների երիտասարդական ֆորում
Ֆրանսիա – Սոցիալիստ երիտասարդների շարժում»:
lragir.am
ПОСЛЕДНИЕ ОТ АВТОРА
-
New2024-04-16 11:44Бывший омбудсмен Армении АрманТатоян считает неприемлемым желание властей составить списки жертв Геноцида армян, поскольку оно лишь поддерживает политику отрицания, проводимую Турцией. Об этом он написал в социальных сетях.
-
New2024-04-16 11:37Телеграм-канал "Товарищ генерал" пишет:
-
New2024-04-16 11:36«Окно Овертона» с целью отрицания геноцида армян для того, чтобы поставить этот факт под сомнение и отказаться от предъявляемых к Турции требований, «официально открыто». Открытие провел лично премьер-министр Армении Никол Пашинян, который в субботу прочитал лекцию на тему «Социальная психология Республики Армения» в школе демократии «Гражданского договора» («ГД»).
-
New2024-04-16 11:31В делегации Евросоюза в Армении заявили, что граница между Арменией и Азербайджаном никогда не была международной, а это всего лишь административная граница, в связи с чем нужны делимитация и демаркация.
