Последние новости

Մեկնարկել է Ամուլսարի պահապանների մեծ ակցիան Երևանում (ՏԵՍԱՆՅՈՒԹ)

Ի պաշտպանություն Ամուլսարի՝ այսօր՝ օգոստոսի 20-ին, ջերմուկցիները և հարակից համայքների բնակչներն ավտոերթով հասել են Երևան։

 


Միաժամանակ, Ազատության հրապարակում հավաքվել են մի խումբ բնապահպաններ՝ Երևանից, որոնք նույնպես շուտով կմիանան ջերմուկցիներին։

Բնապահպաններն իրենց մոտ ունեն թմբուկներ և պաստառներ՝ ««Ամուլսար ասելիս ծնկներս դողում են» ՀՀ կառավարություն», «Ամուլսարի ՇՄԱԳ-ը ուժը կորցրած պիտի ճանաչենք», «Մենք ենք մեր սարերը ու կողքի մանր-մունր քարերը» գրություններով։

Նշենք, որ ակցիայի վայրում կենտրոնացված են նաև ոստիկանական ուժեր։

Ամուլսարի պահապանները հայտարարել են, որ այսպիսով սկիզբ են դնում խաղաղ անհնազանդությունների մեծ շղթայի։

«Ժամանակն է, որ կառավարությունը ցուցաբերի քաղաքական կամք և վերջակետ դնի Ամուլսարի հոշոտման ծրագրին։ Ամուլսարում մետաղական բաց հանք շահագործելը արգելելու հիմքերը շատ են և բազմաշերտ։ Հակիրճ նշենք նաև , որ վարչապետը հրապարակավ խոստացել է, որ Էլարդ ընկերության մոնիթորինգի արդյունքները հիմք են հանդիսանալու որոշման կայացման համար։ Ժամանակն է խոստումները կատարելու»,- ասվում է նրանց տարածած հաղորդագրությունում։

Հայկական բնապահպանական ճակատը հայտարարել է, որ իրենք Երևանում նույնպես կմիանան ակցիային, տեղեկացնում է News.am։

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ