Последние новости

ՇՆՈՂՈՒՄ ՆԵՐԴՐՎԱԾ ԷՆԵՐԳԱԽՆԱՅՈՂ ՀԱՄԱԿԱՐԳՆ ՍԿՍԵԼ Է ՆՊԱՍՏԵԼ ՀԱՄԱՅՆՔԱՅԻՆ ԲՅՈՒՋԵԻ ՏՆՏԵՍՄԱՆԸ

Լոռու մարզի Շնող գյուղում արդեն մի քանի ամիս էներգախնայող համակարգ է գործում: Մինչ այդ, գյուղի մի հատված լուսավորված էր ծախսատար և ոչ դիմացկուն՝ արագ շարքից դուրս եկող լապտերներով: Այդ չարդարացված ծախսերը կրճատելու և լուսավորության խնդիրը լուծելու հարցում, համայնքին աջակցել են գյուղական վայրերում ենթակառուցվածքներ զարգացնող գործընկերները՝ Վիվա-ՄՏՍ-ն ու Վայրի բնության ու մշակութային արժեքների պահպանման հիմնադրամը (FPWC): Նոր տեխնոլոգիաներով աշխատող՝ LED լուսատուներն արդեն ապահովում են ցանկալի արդյունք. ամսվա կտրվածքով՝ համայնքի ծախսերը կրճատվել են:

«Մինչեվ համակարգի ներդրումը կատարել ենք հաշվարկներ: Ամսվա կտրվածքով, փողոցների լուսավորության համար ծախսվել է 80-85 հազար դրամ: Դա միայն ծախսած էներգիայի համար վճարվող գումարի չափն է: Եթե հաշվի առնենք նաև հին լուսամփոփների հետ կապված խնդիրները՝ ժամանակից շուտ շարքից դուրս գալն ու հավելյալ ծախսերը, ապա ավելի պարզ պատկեր կստացվի: Այժմ այդ խնդիրներն այլևս չկան: Նոր համակարգի շահագործման արդյունավետությունն ակնհայտ է: Այժմ, նույն նպատակի և տարածքի համար, ամսական ծախսը կազմում է առավելագույնը 51 հազար դրամ: Ամսվա ընթացքում տնտեսվում է 30-35 հազար դրամ»,-ասել է Շնող խոշորացված համայնքի ղեկավար Դավիթ Ղումաշյանը:

Նախատեսված ծրագրով, Շնողում պետք է լուսավորվեր շուրջ 1,4 կմ երկարությամբ հատված: Ներդրումներ կատարելու՝ համայնքի պատրաստակամության շնորհիվ, այդ ցուցանիշն այժմ այլ է: Լուսավորվել է կենտրոնական ամբողջ փողոցը, որը կազմում է 1,7 կմ: Տեղադրվել է էներգախնայող 47 LED լուսարձակ: Նոր համակարգն արդեն գործարկվել է, իսկ պաշտոնական բացմանը փոխարինել է տեսազանգով «մասնակցելու» ձևաչափը:

«Այս էներգախնայող համակարգի արդյունավետությունը երկարաժամկետ է լինելու: Դա ամենակարևոր ձեռքբերումներից է: Մենք դրական արձագանք ենք ստացել այն գյուղերից, որտեղ իրականացրել ենք ծրագիրը: Դուք ևս, ժամանակի ընթացքում, կզգաք նոր տեխնոլոգիաների առավելությունը. կխնայվեն միջոցներ: Եթե համայնքներին հաջողվի խնայված միջոցներն ուղղել մյուս խնդիրների լուծմանը՝ աստիճանաբար հնարավոր կլինի դրական փոփոխություն արձանագրել տարբեր հատվածներում: Դա ծախսերի արդյունավետ կառավարման կարևոր բաղադրիչ է»,- տեսազանգի ժամանակ ասել է Վիվա-ՄՏՍ-ի գլխավոր տնօրեն Ռալֆ Յիրիկյանը:

«Ժամանակի պահանջից ելնելով, մենք փոխել ենք ծրագրի ավարտը ներկայացնելու ձևաչափը, սակայն նպատակը՝ Էկոգյուղերի ցանցի ստեղծումն ու զարգացումը, մնացել է նույնը: Այս համայնքը շուրջ 30%-ով մասնակցել է ծրագրի իրականացմանը, որի շնորհիվ ավելի մեծ տարածք է ներգրավվել իրականացվող նախագծում: Դա ևս կարևոր ձեռքբերում է»,-ասել է Վայրի բնության և մշակութային արժեքների պահպանման հիմնադրամի հիմնադիր Ռուբեն Խաչատրյանը:

LED լուսատուները խնայողության, բնապահպանական արդյունքի և լույսի որակի տեսանկյունից, առայժմ անգերազանցելի են: Հայաստանի հեռավոր մարզերը շարունակում են մնալ գործընկեր կառույցների ուշադրության կենտրոնում: Առկա խնդիրների լուծման համար, շատ բնակավայրերում աշխատանքները համակարգվում են տարիների կտրվածքով:

Վիվա-ՄՏՍ-ը (ՄՏՍ Հայաստան ՓԲԸ) Հայաստանի հեռահաղորդակցության առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը, հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատարն է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ն իր գործունեության մեջ առաջնորդվում է ISO 26000 (Սոցիալական պատասխանատվության միջազգային ստանդարտ) և ISO/IEC 27001:2013 (Տեղեկատվական անվտանգության կառավարման համակարգ) ստանդարտներով: Հավելյալ տեղեկություններ ստանալու համար այցելեք www.mts.am։

«Մոբիլնիյե Տելեսիստեմի» ՀԲԸ-ն (ՄՏՍ) Ռուսաստանում և ԱՊՀ երկրներում հեռահաղորդակցության խոշորագույն օպերատոր է: Դուստր ձեռնարկությունների հետ միասին կազմակերպությունը սպասարկում է ավելի քան 86.8 միլիոն բաժանորդի Ռուսաստանում, Հայաստանում և Բելառուսում: 2000թ-ի հունիսից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք www.mtsgsm.com։

Галерея (9 фото)

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • «ՎԻՐՏՈՒԱԼ ԱՀԿ». ՆՈՐ ԾԱՌԱՅՈՒԹՅՈՒՆ՝ ՎԻՎԱ-ՄՏՍ-Ի ԲԻԶՆԵՍ ՓԱԹԵԹՈՒՄ
      2022-09-21 08:21
      178

      Վիվա-ՄՏՍ-ն իր բիզնես-հաճախորդներին ներկայացնում է հեռախոսային նոր՝ «Վիրտուալ ավտոմատ կայան», ծառայությունը: Այն հրաշալի հնարավորություն է հաճախորդամետությունը գնահատող և չստացված զանգերի պատճառով շահույթի կորուստը կանխել ցանկացողների համար (վիճակագրությամբ բաց թողնված զանգերի թիվն օրական կտրվածքով կարող է հասնել մինչև 20%-ի): Անկախ աշխատանքային ծանրաբեռնվածությունից կամ աշխատակիցների թվից, «Վիրտուալ ԱՀԿ» ծառայությունից օգտվողը կարող է բջջային պրեֆիքսով համարների համար նախատեսված հավելվածով շատ արագ՝ տեսնել բաց թողնված զանգերի թիվը և, կարգավորելով զանգերի ստացման գործընթացը, հասցնելով զրոյի:

    • ՎԻՎԱ-ՄՏՍ-Ի ԵՎ ՍՈՐՍ ՀԻՄՆԱԴՐԱՄԻ ԳՈՐԾԸՆԿԵՐՈՒԹՅՈՒՆԸ ՇԱՐՈՒՆԱԿՈՒՄ Է ԴՐԱԿԱՆ ԱՐԴՅՈՒՆՔ ԱՐՁԱՆԱԳՐԵԼ
      2022-09-19 17:02
      168

      Վիվա-ՄՏՍ-ի և ՍՈՐՍ հիմնադրամի համագործակցության արդյունքում, հատուկ խնամքի անհրաժեշտություն ունեցող երեխաների մոտ արձանագրվում է դրական տեղաշարժ. բարելավվում է նրանց և ընտանիքների կյանքի որակը, թեթևանում է խնամող ծնողի հոգսաշատ առօրյան: Որոշ երեխաների մոտ ակնառու է մտավոր ու ֆիզիկական զարգացման դինամիկա, անձնական օգնականի ուղղորդմամբ հնարավոր է դառնում նրանց ինտեգրումը ներառական կրթության ու սոցիալացման գործընթացում: Անհատական օգնականների աջակցության շնորհիվ ընտանիքում կարողանում են նաև լուծել բազմաթիվ հարցեր՝ առողջական, կրթական, աշխատանքային, հասցնում են ժամանակ տրամադրել ընտանիքի մյուս անդամներին և փոքր ինչ հանգստանալ:

    • ՏՏ ՈԼՈՐՏՈՒՄ ՀՀ ՊԵՏԱԿԱՆ ՄՐՑԱՆԱԿԻ 2021 Թ․-Ի ԴԱՓՆԵԿԻՐ, IBM-Ի ՓՈԽՆԱԽԱԳԱՀ ԼԵՈՆ ՍՏՈԿՆ ԱՅՑԵԼԵԼ Է ՎԻՎԱ-ՄՏՍ
      2022-09-08 09:24
      168

      ՏՏ ոլորտում համաշխարհային ներդրման համար ՀՀ պետական մրցանակի 2021 թ․-ի դափնեկիր, IBM-ի Էլեկտրոնային նախագծման ավտոմատացման (EDA) խմբի փոխնախագահ Լեոն Ստոկն այցելել է Վիվա-ՄՏՍ՝ մամուլի համատեղ ասուլիսի մասնակցելու։

    • ՎԻՎԱ-ՄՏՍ-Ը ԴԻՄՈՒՄ Է ԱԱԾ, ԴԱՏԱԽԱԶՈՒԹՅՈՒՆ ՈՒ ՈՍՏԻԿԱՆՈՒԹՅՈՒՆ
      2022-08-31 21:37
      129

      Վիվա-ՄՏՍ-ը դիմում է ՀՀ կառավարությանն առընթեր Ազգային անվտանգության ծառայություն, ՀՀ դատախազություն ու ՀՀ Ոստիկանություն՝ «Ժողովուրդ» օրաթերթի ու armlur.am կայքի հրապարակումները որպես հանցագործության մասին հաղորդում ընդունելու համար։