2020-09-09 15:21
Информагентства
Վրաստանում կորոնավիրուսի հետ կապված արգելել են հարսանիքները, հոբելյանները և հոգեհացերը
Վրաստանի իշխանությունները համաճարակաբանական իրավիճակի վատթարացմամբ պայմանավորված որոշում են ընդունել մի շարք սահմանափակումներ մտցնելու մասին, հայտնել է Վրաստանի կառավարության աշխատակազմի ղեկավար Նաթիա Մեզվրիշվիլին Միջգերատեսչական համակարգող խորհրդի նիստից հետո, փոխանցում է «Sputnik-Գրուզիան»։
Վրաստանում նախօրեին սահմանվել էր կորոնավիրուսով վարակակիրների հայտնաբերման նոր հակառեկորդ՝ մեկ օրում 45 դեպք։ Նրանց մեծ մասը բաժին է ընկնում Աջարիա սևծովյան երկրամասին, որտեղ եղել է հանգստացողների մեծ հոսք։
«Մի քանի օր առաջ մենք ներկայացրել էինք սահմանափակումների հանումը և թատրոնների ու կինոթատրոնների բացումը, որոնց մի մասը պետք է բացվեր սեպտեմբերի 15-ից, իսկ մի մասը՝ հոկտեմբերի 1-ից, սակայն հաշվի առնելով համաճարակաբանական իրավիճակը՝ որոշվել է այս օբյեկտների բացումը մեկ ամսով հետաձգել՝ մինչև նոյեմբերի 1-ը, ինչպես նաև մանկական զվարճանքի կենտրոնների բացումը»,- հայտարարել է Մեզվրիշվիլին։
Դրանից բացի, երկրում սեպտեմբերի 10-ից արգելված է հոբելյանների, հարսանիքների, հանդիսությունների և այլ արարողությունների անցկացումը։
Հասարակական միջոցառումների անցկացումն արգելվում է ինչպես փակ տարածքում, այնպես էլ փողոցում։
«Այս սոցիալական միջոցառումները վաղվանից արգելվելու են, մենք վերադառնալու ենք նախկինում գոյություն ունեցող սահմանափակումներին՝ նկատի է առնվում հարսանիքների, հոգեհացերի և հոբելյանների անցկացման արգելքը։ Այս սահմանափակումն արդեն գործում է փակ տարածքներում, իսկ վաղվանից կտարածվի նաև բացօթյա տարածքների վրա»,- ասել է Մեզվրիշվիլին։
Վաղվանից արգելվում են ավելի քան 200 մարդու մասնակցությամբ մշակութային և սպորտային միջոցառումները։
Մեզվրիշվիլիի խոսքով՝ այս կանոններին չհետևելու համար նախատեսված են համապատասխան պատժամիջոցներ, և հանրությունը պետք է դրսևորի բարձր քաղաքացիական պատասխանատվություն։
Խորհուրդ չի տրվում նաև դպրոցներում ցերեկույթների և տոնական միջոցառումների անցկացումը։
Նրա խոսքով՝ քաղաքացիները պետք է պահպանեն սոցիալական հեռավորություն և պաշտպանական դիմակներ կրեն, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-12 17:24В Баку завершился судебный процесс по уголовному делу членов «Группы возмездия», обвиняемых в терроризме.
-
NewСерж Саргсян воздал дань уважения памяти государственного, политического деятеля Андраника Маргаряна2025-06-12 17:20Серж Саргсян воздал дань уважения памяти государственного, политического деятеля Андраника Маргаряна. Об этом сообщает офис третьего президента.
-
New2025-06-12 17:15На заседании правительства 12 июня Никол Пашинян затронул тему 100 миллионов долларов из Всеармянского фонда «Айастан», которые поступили в государственный бюджет во время войны 2020 года и исчезли.
-
New2025-06-12 17:12Есть вопросы, в связи с которыми подходы разные. Конечно, я не думаю, что ситуация такая, что способ поиска общей точки соприкосновения исчерпан. Об этом заявил в беседе с журналистами в Республиканском Пантеоне в парке имени Комитаса 12 июня оппозиционный депутат, член Республиканской партии Армении Тигран Абрамян, отвечая на вопросы о позиции парламентской фракции блока «Армения» в процессе выражения вотума недоверия премьер-министру.