2020-09-16 09:49
Информагентства
Ռոբերտ Քոչարյանի պաշտպանները պահանջում են տրամադրել մարտի 1-ի մայր գործի նյութերն՝ ամբողջական ծավալով
Ռոբերտ Քոչարյանի պաշտպանները պահանջում են տրամադրել մարտի 1-ի մայր գործի նյութերն՝ ամբողջական ծավալով
ՀՀ երկրորդ նախագահ Ռոբերտ Քոչարյանի պաշտպանական թիմը կրկին միջնորդեց, որ դատարանը պահանջի քննիչից տրամադրել մարտի 1-ի մայր գործի նյութերն՝ ամբողջական ծավալով, որն առկա է 2008 թվականի մարտից մինչ այս պահը, հայտնում են Քոչարյանի փաստաբանական խմբից։
«600 հատոր կազմող գործից, անջատված մասով, փաստաբաններին տրամադրվել է ընդամենը 79 հատոր:
Դեռևս 2019 ապրիլին պաշտպան Հովհաննես Խուդոյանը միջնորդել է գործի նյութերն ամբողջությամբ տրամադրել, սակայն քննիչը մերժել է, պատճառաբանելով, որ պաշտպանական կողմին Ռոբերտ Քոչարյանին մեղսագրվող արարքները ապացուցող բոլոր փաստաթղթերը ներկայացվել են։
Ըստ Խուդոյանի՝ քննիչը ընտրել է միայն այն հատորները, որտեղ կան նյութեր, որոնք կարող են օգտագործվել Ռ․ Քոչարյանի դեմ, ինչը քննիչը չի էլ թաքցրել։ Մինչդեռ գործի նյութերում կան բազմաթիվ ցուցմունքներ և ապացույցներ, որոնցով սույն գործով անցնող անձանց առաջադրված մեղադրանքը կարող է հերքվել, և նրանք կարող են արդարացվել։ Օրինակ, գործում կան ապացույցներ և փաստական տվյալներ, որ 2008 թ․ մարտի 1-2-ին կազմակերպված հանրահավաքները խաղաղ չեն եղել։ Չտրամադրված նյութերի մեջ կան նաև կարևոր տեղեկություններ Երկրապահ կամավորական միության այդ օրերի գործունեության վերաբերյալ, որոնք և պատճառ են դարձել, որ Ռ․ Քոչարյանը 2008 թ․ փետրվարի 23-ին խորհրդակցություն հրավիրի։ Պաշտպաններին տրամադրված գործերի մեջ առկա է ընդամենը ԱԱԾ-ի երեք տեղեկանք այն մասին, թե ինչ էր կատարվում ԵԿՄ-ում։
Պաշտպան Խուդոյանի խոսքով՝ առանց ամբողջական նյութերի տրամադրման անհնար է արդյունավետ պաշտպանություն կազմակերպել և, որ ամենակարևորն է, խախտվում է դատավարական կողմերի մրցակցության սկզբունքը։ Հ․ Խուդոյանը դատարանին ներկայացրեց մի քանի օրինակ Վճռաբեկ դատարանի և ՄԻԵԴ պրակտիկայից, ընդգծելով, որ գործի ամբողջական նյութերի տրամադրման մերժումը խախտում է կողմերի մրցակցության սկզբունքը և Քրեական դատավարության օրենսգրքի պահանջները։ Նմանատիպ միջնորդություն ներկայացրեց նաև Սեյրան Օհանյանի պաշտպան Կարեն Մեժլումյանը։ Միջնորդությանը միացան Ռոբերտ Քոչարյանի մյուս փաստաբանները, ինչպես նաև Յուրի Խաչատուրովի և Արմեն Գևորգյանի պաշտպանները։
Մեղադրող կողմն իր կարծիքը կներկայացնի հաջորդ դատական նիստին, որը տեղի կունենա սեպտեմբերի 22-ին, ժամը 13։00-ին»,-նշված է խմբի տարածած հաղորդագրությունում։
ПОСЛЕДНИЕ ОТ АВТОРА
-
New2025-07-03 09:19Слухи об ухудшении состояния здоровья одного из архиереев Армянской Апостольской Церкви не соответствуют действительности. Об этом сообщил адвокат Сергей Арутюнян в соцсети.
-
New2025-07-03 09:18Журналист Sevastopol.su Мария Дегтерева написала статью под заголовком «Стратегическая ошибка России: почему Азербайджан большая проблема, чем кажется», в которой подчеркнула, что Москва не должна была допускать того, что произошло в Нагорном Карабахе.
-
New2025-07-03 09:16Руководитель общины Масис Давид Амбарцумян выступил с заявлением, в котором сообщил, что намерен поддержать бизнесмена Самвела Карапетяна.
-
New2025-07-03 09:15Защитники предстоятеля Ширакской епархии Армянской Апостольской церкви архиепископа Микаэла Аджапахяна подали ходатайство в прокуратуру (в Управление по делам, связанным с преступлениями против государственной власти) о прекращении уголовного преследование. Сообщение об этом распространила команда адвокатов Аджапахяна.