2020-09-16 17:35
Информагентства
Արարատցիների խաղողի մթերման հարցը ամսի 20-ից հետո կլուծվի, եթե չլուծվեց, կպահանջեն կառավարության հրաժարականը
Սամվել Ալեքսանյանի գործարանից վաղ առավոտից բողոքող գյուղացիներին պատասխանել են՝ ամսի 20-ից հետո խաղողի մթերման գին կասեն։
Նշենք, որ Արարատի մարզի Շահումյան գյուղի ու հարակից գյուղերի բնակիչները ակցիա են անում. պատճառը խաղողի մթերման խնդիրն է։
«Հիմա ես հայտարարում եմ՝ եթե հարցը մինչև վաղը ժամը 12։00-ը չլուծվի, մենք պայքարելու ենք։ Ամեն ինչ հսկողության տակ է լինելու, եթե կառավարությունը մեզ հստակ չպատասխանի, վաղը կբարձրացնենք քաղաքական հարցեր», - ասաց գյուղացիներից մեկը։
Նա նշեց, թե խաղողը Հայաստանի համար նավթ է, ստրատեգիական հումք է։
«Գործարանները պատրաստ չեն խաղող ընդունելու, պատճառաբանում են բերքի առատությունն ու տարաների բացակայությունը», - ասաց գյուղացին։
Մեկ այլ գյուղացի, ով գնացել էր բանակցելու գործարանում, ասաց, թե տեխնիկական սորտն ընդունում են 135 դրամով։
«Խոսք գնաց սեղանի սորտի մասին, որ նվազագույն գին ասեն մեզ, ոչ մեկն էլ չասեց, ասեցին 20-ից հետո նոր կարանք գին ասենք», - ասաց նա։
Գյուղացիները, սակայն, հայտարարեցին, թե 135 դրամը իրենց «ձեռք չի տալիս»։
«Եթե պատասխան չտվեցին, կպահանջենք կառավարության հրաժարականը», - ասաց բողոքող գյուղացին։
Արտաշատի ոստիկանության բաժնի պետը գյուղացիներին կոչ արեց ազատել ճանապարհը՝ վստահեցնելով, որ ամսի 20-ից հետո հարցը կլուծվի։
Ի վերջո, գյուղացիները եկան համաձայնության, կսպասեն մինչև ամսի 20-ը։
ПОСЛЕДНИЕ ОТ АВТОРА
-
New2025-06-12 19:45Иранские СМИ опубликовали первую серию документов, полученных от израильского режима.
-
New2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
New2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
New2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.