2020-09-16 20:23
Информагентства
Կառավարությունը կորոնավիրուսի դեմ պայքարի ռազմավարության առումով ամեն ինչ ճիշտ է արել. Փաշինյան
ՀՀ վարչապետ Նիկոլ Փաշինյանը վստահ է, որ կառավարությունը կորոնավիրուսի դեմ պայքարի ռազմավարության առումով ամեն ինչ ճիշտ է արել, հանրությունից ոչինչ չի թաքցրել, իսկ կառավարության միջոցառումների արդյունավետությունը քննող ԱԺ հանձնաժողովի աշխատանքին դեմ չէ: «Արմենպրես»-ի հաղորդմամբ՝ Փաշինյանը նման տեսակետ հայտնեց ԱԺ-ում կառավարության անդամների հետ հարց ու պատասխանի ժամանակ՝ պատասխանելով «Իմ քայլը» խմբակցության պատգամավոր Սիսակ Գաբրիելյանի՝ կորոնավիրուսի դեմ պայքարում պետության միջոցառումերի արդյունավետությունն ուսումնասիրող քննիչ հանձնաժողովի ստեղծման վերաբերյալ հարցին:
«ՀՀ կառավարությունը, ինչպես պարտավորվել էր, 100 տոկոսով թափանցիկ է եղել և շարունակում է թափանցիկ մնալ՝ կորոնավիրուսի հարցում: Ես ուրախ եմ հանձնաժողովի ձևավորման համար, որովհետև միշտ էլ օգտակար է նորից նայելը: Ընդհանուր առմամբ՝ ամենակարևոր ցուցիչը, որը պետք է նայենք, մեր օրական դրական դեպքերի տոկոսային հարաբերությունն է թեստերի հետ: Մենք այսօր արդեն բավական երկար ժամանակ հասել ենք մի տոկոսի, որ ամիս ու կես առաջ նույնիսկ չէինք կարող մտածել, որ կհասնենք այդ ցուցանիշին: Մեզ մոտ 5-6 տոկոսն են դրական դեպքերը՝ թեստերի թվի հետ համեմատած: Սա նշանակում է, որ մենք շատ էֆեկտիվ հայտնաբերում ենք»,-ասաց Փաշինյանը:
Վարչապետը նշեց, որ կան երկրներ, որոնց օրական հրապարակվող տվյալներն ուղիղ կախվածության մեջ են Հայաստանի հրապարակած տվյալներից: Ընդ որում, Հայաստանը տվյալները հրապարակում է առավոտյան, նրանք՝ երեկոյան: Փաշինյանը նշեց, թե չի կարող նման բան լինել, որ գրաֆիկները նույն կերպ սինքրոն առաջ շարժվեն:
«Մենք որդեգրել ենք հրապարակային հետևյալ սկզբունքը՝ ասել ենք, որ պետք է սովորենք ապրել կորոնավիրուսի հետ: Մենք դա արել ենք, անում ենք և ճիշտ ենք արել ռազմավարության առումով: Մենք ռազմավարության առումով ամեն ինչ ճիշտ ենք արել: Այդ գործընթացքում, իհարկե, եղել են նաև թերություններ, դրա հետ կապված դիտարկումներ է արել Պետական վերահսկողական ծառայությունը, ԱԺ գլխադասային հանձնաժողովը»,-ասաց Փաշինյանը:
Վարչապետը նկատեց, որ մի կողմից կառավարությանը մեղադրում են կորոնավիրուսի դեմ պայքարը ձախողելու մեջ, մյուս կողմից ասում են, որ մարդիկ դիմակ չկրեն, բացեն ամեն ինչը, չտուգանեն, կորոնավիրուս չկա: «Գալիս են, ամբիոնից ելույթ են ունենում, դիմակ չեն կրում: Կորոնավիրուսի ընթացքում մասնակցել են քարոզչությանը»,-ասաց նա:
Աննա Գրիգորյան
ԱՐՄԵՆՊՐԵՍ
ПОСЛЕДНИЕ ОТ АВТОРА
-
New2025-06-10 10:00Кампания премьер-министра Армении Никола Пашиняна и Анны Акопян "Обучение – это модно" содержит коррупционные риски и элементы злоупотребления служебным положением. Такое мнение в беседе со Sputnik Армения высказал председатель Палаты аудиторов, руководитель инициативы "Армения-это я" Наири Саркисян.
-
New2025-06-10 09:50Спрос россиян на авиабилеты в Париж и Барселону на предстоящее лето вырос в два раза по сравнению с аналогичным периодом 2024 года, в то же время популярность Сеула и Тбилиси снизилась примерно на 20%. Об этом говорится в результатах исследования сервиса для планирования путешествий OneTwoTrip, сообщает ТАСС.
-
New2025-06-10 09:47В Армении проживают 75 тыс. мигрантов при общей численности в 2,9 млн. человек. Такие данные представляет Global relocate.
-
New2025-06-10 09:47Колумнист Sputnik Армения Арман Абовян разобрал вероятные схемы, по которым внешние кураторы пытаются добиться фактического подчинения или уничтожения ААЦ как последнего оплота армянского национального самосознания.