Սիրտս ցավում է, որ իշխանությունների դատարկախոսության արդյունքում ժողովրդի խնդիրներն ավելանում են. Գագիկ Ծառուկյան
Որքան էլ մեծ լինի որոշ շրջանակների կամ անձանց կողմից ինձ ցածր մակարդակի դիսկուրսի մեջ ներքաշելու ցանկությունը, ես դա չեմ անելու, քանի որ հակված եմ ժամանակս ու ռեսուրսներս ավելի արդյունավետ օգտագործել։ Այս մասին ֆեյսբուքյան իր էջում գրել է ԲՀԿ առաջնորդ Գագիկ Ծառուկյանը։
Նա, մասնավորապես, գրել է.
«Որքան էլ մեծ լինի որոշ շրջանակների կամ անձանց կողմից ինձ ցածր մակարդակի դիսկուրսի մեջ ներքաշելու ցանկությունը, ես դա չեմ անելու, քանի որ հակված եմ ժամանակս ու ռեսուրսներս ավելի արդյունավետ օգտագործել: Մեր երկրի առջեւ այսօր ծառացած են խնդիրներ, որոնք օր առաջ անհրաժեշտ է լուծել:
1.Արտակարգ դրության եւ կարանտինի ժամանակահատվածում վարկային համաներում պետք է իրականացվի: Համատարած պարապուրդի պայմաններում ազգաբնակչությունը կանգնած է հանապազօրյա հացի խնդիրը լուծելու առաջ եւ անմարդկային է նրանցից վարկերի տոկոսներ գանձելու պարտադրանքը:
2. Անհրաժեշտ է օր առաջ կարգավորել բարձր միավորներով ԲՈՒՀ-երից դուրս մնացած դիմորդների հարցը: Անթույլատրելի է բարձր առաջադիմություն ունեցող երիտասարդներին զրկել կրթություն ստանալու հնարավորությունից:
3.Անթույլատրելի է տնտեսական ճգնաժամի, արտակարգ դրության պայմաններում ուսման վարձավճարների թանկացումը: Հարկ եղած դեպքում պետությունը պետք է իր վրա վերցնի սուբսիդավորման ֆինանսական բեռը:
4.Անթույլատրելի է արտակարգ դրության պայմաններում փոքր ու միջին բիզնեսի ներկայացուցիչների համար հարկային բեռի ավելացումը:
5.Պատկան մարմինները օր առաջ պետք է լուծեն ՌԴ մեկնել ցանկացող մեր հայրենակիցների խնդիրը:
6. Ամբողջ աշխարհը նախապատրաստվում է համավարակի տարածման երկրորդ ալիքին: Իշխանությունները պարտավոր են նախապատրաստական աշխատանքներ իրականացնել, որպեսզի չկրկնվի մարտ ամսվա իրավիճակը, երբ իշխանությունների ուշացած որոշումների պատճառով մենք ունեցանք 1000-ից ավել մահ:
7.Պետությունը պարտավոր է ապահովել կորոնավիրուսով վարակված եւ տնային պայմաններում բուժում ստացող մեր հայրենակիցների ապաքինման գործընթացի եւ անհրաժեշտ հետազոտությունների պատշաճ կազմակերպումը:
Սրանք այն առաջնահերթություններն են, որոնք օր առաջ պետք է իրականացնեն իշխանությունները: Այս քայլերի անհրաժեշտության մասին ես բարձրաձայնում եմ մեկ պարզ պատճառով՝ երկիրը ղեկավարող քաղաքական ուժերն ու անձինք միշտ փոխվում են, եւ կարեւորը ժամանակին ժողովրդի խնդիրները լուծելն է ու պետության դեմ ծառացած մարտահրավերներին դիմագրավելը: Իմ սիրտն իսկապես ցավում է, որ իշխանությունների դատարկախոսության ու պարապուրդի մատնվելու արդյունքում մեր ժողովրդին պատուհասած խնդիրները օրեցօր ավելանում են…»։
Լուրեր Հայաստանից - NEWS.am
ПОСЛЕДНИЕ ОТ АВТОРА
-
2021-03-01 20:21211Бывший посол Республики Армения при Святом Престоле, в Португалии и Суверенном мальтийском ордене, кандидат исторических наук Микаел Минасян пишет:
-
2021-03-01 19:50205Согласно официальной информации, Никол Пашинян навестил больного Армена Саркисяна. Но, по иным сведениям, он пошел к президенту для того, чтобы «надавить» на него и заставить подписать ходатайство об освобождении Оника Гаспаряна от должности начальника Генштаба ВС Армении.
-
2021-03-01 19:49273Жители ряда сел, которые прибыли на площадь Республики Еревана для участия в митинге в поддержку премьер-министра Армении Никола Пашиняна, в беседе с журналистами заявили, что их привезли на митинг на автобусах.
-
2021-03-01 19:08186Руководитель общины Касах Ара Мкртчян выразил поддержку Армянской армии.
