2020-09-22 15:25
Информагентства
Աղասի ԵՆՈՔՅԱՆ. Ն․ ՓԱՇԻՆՅԱՆԸ, ԱՅՍՕՐՎԱ ԽՆԴԻՐՆԵՐԸ ԼՈՒԾԵԼՈՒ ՓՈԽԱՐԵՆ, ԶԲԱՂՎԱԾ Է 2050 ԹՎԱԿԱՆԻ ՎԵՐԱՓՈԽՄԱՆ ՌԱԶՄԱՎԱՐՈՒԹՅԱՄԲ
Ալիևի հարցազրույցն ադրբեջանական մի շարք հեռուստաալիքներին շարունակեց այն քարոզչական արշավը, որը նոր թափ էր հավաքել տավուշյան դեպքերից հետո։ Այս մասին գրառում է կատարել «Մեդիա պաշտպան» նախաձեռնության ղեկավար Աղասի Ենոքյանը՝ անդրադառնալով Ադրբեջանի նախագահ Ալիևի հարցազրույցին, որում նա մի շարք օրինակներով մեղադրում է հայկական կողմին՝ բանակցությունները տապալելու մեջ։
Ենոքյանը մասնավորապես գրել է․
«Խորհրդանշականն այն է, որ այս մեղադրանքները հնչում են այն բանից հետո, երբ համանախագահներն ուլտիմատումով հայտարարեցին նոր բանակցությունների մասին, այսինքն, այն տոնով արձանագրեցին բանակցությունները, որից փախչել, որը մերժել չի լինի։
Հայտնի է, որ խնդրի վերաբերյալ բանակցություններից խուսափողը սովորաբար դիտարկվում է որպես կոնֆլիկտում մեղավոր կողմ, և Ալիևի խոսքերը մեկ անգամ ևս խորացնում են Հայաստանի նկատմամբ ձևավորվող բացասական վերաբերմունքը։
Ալիևը Ադրբեջանի տեսանկյունից գործում է հստակ․ չափազանցնում է եղած իրողությունները, մոգոնում է նոր փաստեր, անգամ հանդիմանում է ԵԱՀԿ ՄԽ համանախագահներին։ Այսինքն, ցուց է տալիս, որ Ադրբեջանը ցանկանում է օր առաջ լուծել խնդիրը, իսկ Հայաստանը խուսափում է խաղաղ կարգավորումից։
Իսկ ի՞նչ է անում Հայաստանը․ ԱԳՆ խոսնակը «հիաթափեցնող» է անվանում Ալիևի խոսքերը, պաշտպանության նախարարն անդրադառնում է «сам дурак» ոճով, իսկ ԱԳ նախարարը հրաժարվում է Ալիևին մեկնաբանելուց։
Մինչդեռ Ալիևի խոսքերն ուղղված էին Նիկոլ Փաշինյանին, նրան էր Ալիևը մեղադրում իր խոսքերը դրժելու մեջ, բովանդակային պատասխանի նյութ էլ, փառք Աստծո, կար՝ Նիկոլ Փաշինյանը նորից է խոսում մոնիթորինգի ու վերահսկողության մեխանիզմների մասին։
Անհրաժեշտ է հուժկու, Ալիևին չեզոքացնող հայտարարություն, իսկ Նիկոլ Փաշինյանը այսօրվա խնդիրը լուծելու փոխարեն զբաղված է 2050 թվականի վերափոխման ռազմավարությամբ․ դա ավելի գեղեցիկ է ու անպատասխանատու»։
Հիշեցնենք, որ մամուլում տարածվել է Ադրբեջանի նախագահ Իլհամ Ալիևի հարցազրույցը, որտեղ վերջինս խոսում է Լեռնային Ղարաբաղի հակամարտության կարգավորման բանակցությունների և Հայաստանի ներկայիս իշխանությունների հետ ունեցած պայմանավորվածությունների և կապի մասին:
Նա, մասնավորապես, նշում է, որ այսօրվա դրությամբ փաստացիորեն բանակցություններ չկան:
«Փաստացիորեն Հայաստանի ղեկավարը ձախողել է բանակցային գործընթացը: Նա ոչ թե ձախողում է, այլ ձախողել է: Քանի որ նրանց անիմաստ հայտարարությունները և սադրիչ քայլերը անիմաստ են դարձնում բանակցությունները: Ցավոք, Հայաստանի ներկայիս ղեկավարությունը չի գիտակցում այդ պատասխանատվությունը: Նրանք չեն կարող ճիշտ վերլուծել իրենց գործողությունների հետևանքները: Այնուամենայնիվ, Հայաստանում կան բանական մտածողությամբ մարդիկ և քաղաքական գործիչներ, և նրանք իրենք էլ արդեն բարձրացնում են այդ հարցը, և իրենց միտքն են փոխանցում հասարակությանը այն մասին, որ Հայաստանի ներկայիս ղեկավարությունը երկիրը կործանման է տանում», - ասել է Ադրբեջանի նախագահը:
ПОСЛЕДНИЕ ОТ АВТОРА
-
2025-08-11 20:42Заявление Исполнительного органа Республиканской партии Армении (РПА) Республиканская партия Армении (РПА) выражает серьёзную обеспокоенность по поводу трехстороннего меморандума, подписанного в Вашингтоне, расценивая его как очередной опасный (капитуляционный) документ, подписанный управленцами Армении под давлением азербайджанской агрессии, односторонних требований и геополитических процессов. Высоко оценивая миротворческие усилия президента США Дональда Трампа, необходимо зафиксировать, что подписанием данного соглашения авантюристские управленцы Армении ставят под угрозу суверенитет страны, а также жертвуют правами народа Арцаха, легитимизируя этнические чистки и насильственное выселение, осуществлённые бакинским режимом.
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.