2020-09-23 13:32
Информагентства
0
«Ուզում եմ մեկնել Ռուսաստան» ակցիայի 20 մասնակից հացադուլ են հայտարարել
ՀՀ վարչապետ Նիկոլ Փաշինյանն այսօր ընդունել է «Ուզում եմ Ռուսաստան մեկնել» ակցիայի մասնակիցներին ու խոստացել է անել հնարավոր ամեն բան՝ Ռուսաստան մեկնելու նրանց պահանջը բավարարելու համար։ Այս տեղեկությունը Sputnik Արմենիայի հետ զրույցում հայտնեց ակցիայի կազմակերպիչներից Արթուր Ոսկանյանը։
Նա տեղեկացրեց նաև, որ սեպտեմբերի 22-ին, ժամը 22:00 –ին ակցիայի 20 մասնակից հացադուլ են հայտարարել ու գիշերել են կառավարության շենքի դիմաց։ Նրանց թվում նաև կանայք կան։ Ցուցարարները նախկինի պես վարչապետից պահանջում են արդյունավետ բանակցություններ սկսել Ռուսաստանի հետ, որ վերջինը բացի սահմանները Հայաստանի քաղաքացիների համար։
«Վարչապետը վաղ առավոտյան ընդունեց մեզ։ Շատ սիրալիր էր ու բացատրեց, որ կորոնավիրուսի տարածման տեմպերի պատճառով իրավիճակը բարդ է։ Այնուամենայնիվ, խոստացավ հնարավորինս կարճ ժամկետում լուծել հարցն ու քննարկել այն Եվրասիական միջխորհրդարանական խորհրդի նիստում։ Սակայն ասացինք, որ չենք կարող այդքան սպասել», - նշեց Ոսկանյանը։
Նա վստահեցրեց, որ Փաշինյանին մանրամասն ներկայացրել է ակցիայի մասնակիցների խնդիրները, ու նա ըմբռնումով է մոտեցել։
Նա ասաց, որ հացադուլն ու բողոքի ակցիաները շարունակելու են այնքան ժամանակ, մինչև հարցը չլուծվի, ու նրանք չկարողանան Ռուսաստան մեկնել։ Նրանց մի մասն այնտեղ աշխատանք ունի, որոշների էլ ընտանիքն է Ռուսաստանում։
Սեպտեմբերի 21-ին հանվել են Եվրասիական տնտեսական միության անդամ երկրների քաղաքացիների՝ օդային ճանապարհով Ռուսաստան մուտք գործելու սահմանափակումները։ Բացառություն են կազմում ՀՀ քաղաքացիները։ Ռուսաստան մուտք գործելու սահմանափակումները հանվել են Բելառուսի, Ղազախստանի ու Ղրղզստանի քաղաքացիների համար։ Պատճառը կարող է լինել Հայաստանում տիրող համաճարակաբանական իրավիճակը։
ПОСЛЕДНИЕ ОТ АВТОРА
-
New2024-04-27 05:28Военная полиция Минобороны Армении принимает меры для установления личности граждан в военной форме, присоединившихся к политической акции в селе Киранц Тавушской области. Об этом сообщает пресс-служба оборонного ведомства.
-
New2024-04-27 05:23В результате применения светошумового специального средства в селе Киранц Тавушской области Армении были госпитализированы 5 граждан (4 женщины, 1 мужчина) и двое сотрудников полиции. Об этом сообщает «Национальный фронт».
-
New2024-04-27 05:19Украинская армия вывела с фронта американские танки Abrams M1A1 из-за российских разведывательных и ударных дронов, которыми теперь кишит воздушное пространство над полем боя. Танки оказались слишком уязвимы перед дронами, – пишет агентство Associated Press.
-
New2024-04-27 05:16К борьбе жителей приграничных сел присоединились 20 контрактников.
