2020-10-01 18:36
Информагентства
IYDU-ն կոչ է անում վերսկսել բանակցությունները` ԵԱՀԿ Մինսկի խմբի հովանու ներքո
ՀՀԿ երիտասարդական կազմակերպության մեկ այլ գործընկեր՝ IYDU-ը (International Young Democrat Union, Միջազգային երիտասարդական դեմոկրատական միություն) հայտարարություն է տարածել` կոչ անելով Ադրբեջանին անհապաղ դադարեցնել ռազմական գործողությունները Լեռնային Ղարաբաղում, տեղեկացնում է News.am-ը։
Հայտարարության մեջ, մասնավորապես, ասվում է.
«IYDU- ն կոչ է անում վերսկսել բանակցությունները` ԵԱՀԿ Մինսկի խմբի հովանու ներքո
Միջազգային երիտասարդական դեմոկրատական միությունը (IYDU), աջակենտրոն երիտասարդական կազմակերպությունների գլոբալ դաշինքը, կոչ է անում խաղաղ ճանապարհով լուծել Լեռնային Ղարաբաղի հակամարտությունը:
IYDU- ն ի գիտություն է ընդունել շփման գծում ռազմական անձնակազմի կուտակման և հուլիսից տեղի ունեցած բախումները՝ վերջին օրերին բռնության էական սրմամբ, ինչը հանգեցնում է զինվորականների և խաղաղ բնակիչների մահվան:
«Իրավիճակը չի կարող ունենալ ռազմական լուծում, այլ միայն դիվանագիտական, ինչը բոլոր հետագա գործողությունների համար նախապայման պետք է լինի: Որպես առաջին քայլ՝ մենք կոչ ենք անում անհապաղ դադարեցնել կրակը և զորքերը վերադարձնել մինչև 2020 թ. սեպտեմբերի 27-ը զբաղեցրած դիրքերը: Որպես դրա առանձնահատուկ մաս, Ադրբեջանը պետք է առանց հապաղելու դադարեցնի իր ռազմական գործողությունները Լեռնային Ղարաբաղում», - ասել է Բրունո Կազուհիրոն, IYDU-ի նախագահը:
IYDU- ն կոչ է անում բոլոր կողմերին հարգել իրենց առկա միջազգային պարտավորությունները, իսկ Ադրբեջանին՝ դադարեցնել տարածաշրջանում ռազմական գործողությունները, ինչը խախտում է հրադադարի մասին համաձայնագիրը:
«ԵԱՀԿ Մինսկի խմբի համանախագահների միջնորդությամբ բանակցային գործընթացին վերադարձը միակ իրատեսական, խաղաղ ճանապարհն է առաջ ընթանալու համար: Հակամարտությունը կարող է կարգավորվել միայն միջազգային իրավունքի, մասնավորապես` ՄԱԿ-ի կանոնադրության, 1975 թ. ԵԱՀԿ-ի Հելսինկյան եզրափակիչ ակտի և ԵԱՀԿ Մինսկի խմբի 2009 թ. Հիմնարար սկզբունքներով ամրագրված սկզբունքների համաձայն կնքված քաղաքական համաձայնագրի միջոցով: Բանակցային գործընթացը պետք է վերսկսվի անհապաղ և առանց նախապայմանների: Մինսկի խմբի երեք համանախագահներն արդեն հայտարարել են դրան նպաստելու պատրաստակամության մասին», - ասել է IYDU-ի փոխնախագահ Յուհո Մակի-Լոհիլուոման»։
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.