Последние новости

Միհրան ՀԱԿՈԲՅԱՆ. ՈՍՏԻԿԱՆՈՒԹՅՈՒՆԸ ՄԵՆԹԱՆՈՑԻ Է ՎԵՐԱԾՎԵԼ

Քաղաքական վերլուծաբան Միհրան Հակոբյանը ֆեյսբուքի իր էջում անդրադարձել է ոստիկանությանը։

Նա գրել է.

«Ոստիկանությունը մենթանոցի վերածած Նիկոլ Փաշինյանը Ոստիկանապետի պաշտոնակատար Արման Սարգսյանին ստորացնում է մինչև վերջ` որպես տղամարդ ու որպես սպա: ՍԴ նախագահին շանտաժ անելու նպատակով կալանավորված Հրայր Թովմասյանի սանիկ Նորայր Փանոսյանի քրոջ որդուն` 6-րդ վարչության ավագ օպերլիազոր Սերգեյ Ղամբարյանին, «փոխադրել են ծառայության» Մեղրի՝ որպես անչափահասների գործերով օպերլիազոր:

Չեք կասկածում չէ՞, որ երիտասարդ ոստիկանին առաջարկներ է եղել` քեռուդ ասա, թող օգնի մեզ գործ կարել ՍԴ նախագահի վրա, համ իրեն կազատենք, համ էլ քեզ մի լավ պաշտոն կտանք, դրսևորվելու և սպայական կարիերա անելու հնարավորություն կտանք: Հակառակ դեպքում` Երևանից տեղափոխվում ես Մեղրի` որպես անչափահասների գործով օպերլիազոր: Աշխատավարձն էլ 180-200 հազար դրամ:

Ըստ էության, սա նշանակում է` դիմում գրի, գործից դուրս արի: Փաստորեն, Սերգեյ Ղարիբյանի բախտը բերել է, որ սովետական միլիցիայի սպա չէ, թե չէ մերօրյա բերիաները նրան Մագադանի ու Կոլիմայի կողմերն էին «գործուղելու»: Սա այն ամենն է, ինչ պետք է իմանալ Փաշինյանի ջեբի միլիցա Արման Սարգսյանի մասին»:

Aysor.am

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ