2020-10-02 16:22
Информагентства
ԵՄ-ն մարդասիրական օգնություն կհատկացնի ղարաբաղյան հակամարտության սրման հետևանքով տուժածներին
ԵՄ-ն հայտարարել է ղարաբաղյան հակամարտության գոտում շփման գծի երկու կողմերում տուժած քաղաքացիական բնակչությանը շտապ մարդասիրական օգնություն հատկացնելու մասին, հայտարարել է ճգնաժամային կառավարման եվրոպական հանձնակատար Յանեզ Լենարչիչը:
Ֆինանսավորումը հնարավորություն կտա բժշկական ծառայություն, բժշկական սարքավորումներ, մթերային փաթեթներ և այլ անհետաձգելի օգնություն տրամադրել մի քանի հազար մարդու:
«Ղարաբաղյան հակամարտության գոտում ռազմական գործողություններն արդեն խլել են խաղաղ բնակիչների կյանքեր: Պետք է հարգել միջազգային մարդասիրական իրավունքը, պաշտպանել քաղաքացիական կյանքը և ենթակառուցվածքները: ԵՄ-ն համերաշխ է բռնությունից տուժած բոլոր մարդկանց հետ և պատրաստ է հետագա մարդասիրական աջակցություն ցուցաբերել: Մենք կոչ ենք անում անհապաղ դադարեցնել ռազմական գործողությունները»,- ասել է նա:
500 000 եվրոյի նախնական ֆինանսավորումը կօգնի ԵՄ մարդասիրական գործընկերներին, ինչպիսիք են Կարմիր խաչի միջազգային կոմիտեն, անհապաղ օգնություն տրամադրել մարտական գործողություններից տուժածներին:
ԵՄ բոլոր մարդասիրական ֆինանսավորումը տրամադրվում է մարդասիրության, չեզոքության, անկողմնակալության և անկախության մարդասիրական սկզբունքներին համապատասխան և փոխանցվում է միջազգային կազմակերպությունների, ՄԱԿ-ի գործակալությունների ու հասարակական կազմակերպությունների միջոցով, տեղեկացնում է News.am-ը։
ПОСЛЕДНИЕ ОТ АВТОРА
-
New2025-07-22 16:33Президент США Дональд Трамп принял решение о выходе США из ЮНЕСКО. Об этом заявили в Белом доме.
-
New2025-07-22 16:31Свекрови бывшего мэра Эчмиадзина Дианы Гаспарян — Рузанне Асатрян, предъявлено обвинение в отмывании денег. Об этом сообщает издание ArmLur.am.
-
New2025-07-22 16:29По данным 24News, сразу после возвращения из отпуска, в четверг, премьер-министр Никол Пашинян отправится в Алтайский край Российской Федерации, где у него запланирована встреча с премьером РФ Михаилом Мишустиным.
-
New2025-07-22 16:28Давайте зафиксируем: между Anglo Asian Mining и Кашенским месторождением стоял Арцах и 120 тысяч армян Арцаха. Для того чтобы добраться до меди, нужно убрать с пути два этих препятствия.