«Լրագրողներ առանց սահմանների»-ն կոչ է անում հետաքննել Արցախում լրագրողներին վիրավորած գնդակոծության միջադեպը
«Լրագրողներ առանց սահմանների» կազմակերպությունը (RSF) Ադրբեջանի իշխանություններին կոչ է անում լույս սփռել հոկտեմբերի 1-ին Լեռնային Ղարաբաղում տեղի ունեցած գնդակոծության վրա, որի արդյունքում վիրավորվել էր չորս լրագրող:
Կազմակերպությունը նաև կոչ է անում վիրավորների անվտանգ տարհանում ապահովել:
Նշենք, որ լրագրողները լուսաբանում էին Մարտունի քաղաքում տեղի ունեցած իրադարձությունները Լեռնային Ղարաբաղում դաժան բախումների հինգերորդ օրը:
Կազմակերպության տարածած մամուլի հաղորդագրության համաձայն` ֆրանսիական Le Monde թերթի թղթակիցը և նրան ուղեկցող լուսանկարիչը ստիպված էին հոսպիտալացվել` ստացված վնասվածքների պատճառով շտապ օգնության ստանալու համար: Վիրավորվել էր նաև հայ հեռուստաօպերատոր Արամ Գրիգորյանը և 24news.am հայկական լրատվական գործակալության թղթակից Սևակ Վարդումյանը:
Մի քանի այլ լրագրող, այդ թվում` Agence France-Presse-ի թիմը և Ռուսաստանի անկախ «Դոժձ» հեռուստաընկերության գլխավոր խմբագրի տեղակալը, հազիվ են փրկվել գնդակոծությունից:
«Այս հրետակոծությունն անհիմն էր, քանի որ քաղաքացիական անձինք և, մասնավորապես, լրագրողները, ռազմական թիրախ չեն»,- ասել է Ժաննա Կավելյեն` RSF-ի` Արևելյան Եվրոպայի և Կենտրոնական Ասիայի բաժնի ղեկավար:
«Մենք հորդորում ենք Ադրբեջանի իշխանություններին հետաքննություն անցկացնել` գնդակոծման աղբյուրը պարզելու և անհրաժեշտ ամեն ինչ անելու համար, որպեսզի տուժած լրագրողները լիովին անվտանգ տարհանվեն»,- հավելել է նա:
Ֆրանսիայի նախագահ Էմանուել Մակրոնը հոկտեմբերի 1-ին հայտարարել է, որ բժշկական ինքնաթիռ է ուղարկում վիրավոր ֆրանսիացի լրագրողներին հայրենիք վերադարձնելու համար, տեղեկացնում է News.am-ը։
ПОСЛЕДНИЕ ОТ АВТОРА
-
2024-05-18 18:20
Депутат фракции "Армения" НС Гарник Даниелян, находящийся в Киранце, написал:
-
2024-05-18 18:20
По требованию ректора ЕГУ работников вынуждают выйти из профсоюза. Об этом сообщается на странице профсоюза в Facebook.
-
2024-05-18 18:17
Скоро начнется встреча Баграта Србазана с офицерами запаса. Накануне встречи в беседе с журналистами бывший заместитель начальника Генштаба ВС Республики Армения, генерал-лейтенант Тиран Хачатрян, коснувшись продолжающегося в Тавуше процесса «демаркации», отметил, что диктат противника выполняется без какого-либо сопротивления.
-
2024-05-18 18:15
Заместитель председателя Республиканской партии Армении Армен Ашотян обратился к одному из ведущих Общественного телевидения Петросу Казаряну из УИУ "Нурабарашен".