2020-10-04 16:01
Информагентства
Արայիկ Հարությունյան. Գերի է Ադրբեջանի ժողովուրդը բռնապետ իշխանության (ՏԵՍԱՆՅՈՒԹ)
Ուզում եմ, որ բոլորս պայքարենք Ադրբեջանի դեմ, բայց ոչ ադրբեջանցիների դեմ։ Այս մասին այսօր՝ հոկտեմբերի 4-ին, իր ուղերձում ասաց Արցախի Հանրապետության նախագահ Արայիկ Հարությունյանը, տեղեկացնում է News.am-ը։
«Սիրելի հայրենակիցներ, Սփյուռքում և Հայաստանում, իրականում սա սրբազան պատերազմ է, հայրենական պատերազմ է։ Ուզում եմ, որ այս համախմբվածությունը շարունակի մնալ՝ առաջին հերթին օգնելու մեր տարհանվածներին։ Ուզում եմ, որ համախմբվենք իշխանությունների շուրջը, որովհետև այսօր ավելի քան երբևէ Արցախի Հանրապետության և Հայաստանի Հանրապետության իշխանության դերը բարձր է, մեծ է, վճռական ու վճռորոշ է»,- ասաց Արցախի Հանրապետության նախագահը։
Նա շեշտեց, որ այս պատերազմում Ադրբեջանի ժողովուրդը տուժող կողմ է լինելու իր իշխանության և Թուրքիայի ձեռքին. «Ուզում եմ, որ բոլորս միասին պայքարենք Ադրբեջանի դեմ, բայց ոչ ադրբեջանցիների դեմ։ Ուզում եմ, որ հայերը գիտակցեն՝ գերի է Ադրբեջանի ժողովուրդը բռնապետ իշխանության և Թուրքիայի ձեռքին։ Նրանց կեղծ աշխարհաքաղաքական ձգտումների և իշխանությունը պահելու մոլուցքի պատճառով տառապում են, որովհետև այս ամենի հետևանքները խաղաղ ժողովուրդն է քաղելու։ Աշխարհով մեկ պետք է պայքարենք Ադրբեջանի իշխանության դեմ։ Այդ պայքարի ձևերը դուք գիտեք։ Պայքարեք քաղաքակիրթ եղանակով այս փուլում, բայց նշում եմ՝ այս փուլում։ Ասել եմ, որ ամեն ինչի համար պատասխան է տալու Ալիև ընտանիքը։ Հաղթանակը մերն է լինելու, չկասկածեք»։
ПОСЛЕДНИЕ ОТ АВТОРА
-
New2025-06-03 16:46В столице Турции состоялась церемония открытия мемориала Талаату-паше – одному из главных организаторов Геноцида армян.
-
New2025-06-03 16:42Я была рада принять участие в мероприятии по запуску сверхсовременного тренажёра стоимостью 3,4 миллиона долларов, который поможет обеспечить безопасную эксплуатацию АЭС. Об этом заявила посол США в Армении Кристина Квин.
-
New2025-06-03 16:28Член студенческого совета ЕГУ Оганес Шамрикян на своей странице в Facebook представил некоторые подробности вчерашней встречи с Николом Пашиняном и студентами ЕГУ.
-
New2025-06-03 16:21В основе обвинения азербайджанского суда против Рубена Варданяна заложена этническая нетерпимость, чреватая продолжением геополитической трагедии, считает российский политолог и регионовед, президент фонда «Петербургская политика» Михаил Виноградов.