Նիկոլ Փաշինյան. Եվրոպան պետք է սպասի Թուրքիային Վիեննայի մերձակայքում
Եթե միջազգային հանրությունը ճիշտ գնահատական չտա աշխարհաքաղաքական այն իրավիճակին, որ հիմա Լեռնային Ղարաբաղում է, ապա Եվրոպան պետք է սպասի Թուրքիային Վիեննայի մերձակայքում։ Նման հայտարարություն է արել ՀՀ վարչապետ Նիկոլ Փաշինյանը գերմանական Bild պարբերականի հետ զրույցում։
Անդրադառնալով այն հարցին, թե ինչ պետք է Գերմանիան ձեռնարկի ներկա իրավիճակում, Փաշինյանն ասել է.
«Ակնկալում եմ հստակ դիրքորոշում։ Եթե միջազգային հանրությունը ոչ ճիշտ գնահատական տա այս իրավիճակին, ապա Եվրոպան պետք է սպասի Թուրքիային Վիեննայի մատույցներում»։
Վարչապետի խոսքով ՝ Անկարան Սիրիայից հավաքագրում ու ահաբեկիչների է տեղափոխում Արցախի և Հայաստանի դեմ կռվելու համար, իսկ թուրքական բանակն անմիջական մասնակցություն ունի հակամարտության մեջ։ Փաշինյանը վստահ է` այս ամենը կապված է Անկարայի իմպերիալիստական քաղաքականության հետ:
«Կարծում եմ, որ 100 տարի անց Թուրքիան վերադարձել է Հարավային Կովկաս Հայոց ցեղասպանությունը շարունակելու։ Եվ հիմա Լեռնային Ղարաբաղն ու Հայաստանը դարձել են քաղաքակրթության առաջնագիծ։ Հարավային Կովկասում հայերը Թուրքիայի` դեպի հյուսիս, հարավ–արևելք և արևմուտք տարածվելու վերջին խոչընդոտն են։ Թուրքիայի իմպերիալիստական քաղաքականությունը շատ ավելի հեռուն է գնում, քան Հարավային Կովկասն է»,– պարբերականի հետ զրույցում նշել է Փաշինյանը։
Նա մատնանշել է Թուրքիայի գործողությունները Միջերկրական ծովում, Լիբիայում, Մերձավոր Արևելքում ։ Նա մեկ անգամ ևս ընդգծել է`Լեռնային Ղարաբաղում ներկա իրավիճակը միայն տեղային անվտանգության հարց չէ, գլոբալ օրակարգի անբաժանելի մասն է և միջազգային նշանակություն ունի երեք պատճառով։
«Առաջին հերթին, ինչպես արդեն ասացի, Թուրքիան Սիրիայից ահաբեկիչների է հավաքագրում և տեղափոխում Արցախի և Հայաստանի դեմ կռվելու համար։ Երկրորդը, այս գործընթացում ներգրավված է թուրքական բանակը։ Սա ցույց է տալիս Թուրքիայի կայսերապաշտական քաղաքականությունը, որի նպատակն է «թուրքական կայսրության» վերականգնումը»,– ասել է վարչապետ Փաշինյանը։
Անդրադառնալով այն հարցին, թե արդյոք Էրդողանի հետ խաղաղ բանակցությունները հնարավոր են, Փաշինյանը նշել է, որ հիմա առաջնահերթը սեփական երկրի ու ժողովրդի անվտանգության հարցն է։
«Ես տեղի ունեցածը համարում եմ ահաբեկչական հարձակում։ Եվ երբ տեղի է ունենում ահաբեկչական հարձակում, բնականաբար, ցանկացած երկրի համար առաջինը սեփական անվտանգությունը պաշտպանելուն ուղղված գործողություններ կատարելն է։ Մենք հիմա զբաղված ենք դրանով»,– ասել է նա, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
2024-04-19 11:54
После 2 лет и 7 месяцев необоснованного и незаконного моего ареста судья Антикоррупционного суда Армении Ваге Долмазян вчера вновь отклонил ходатайство группы защиты об изменении меры пресечения в отношении меня. Об этом говорится в заявлении, распространенном бывшим министром обороны Армении Давидом Тонояном.
-
2024-04-19 11:52
Азербайджан продолжает уничтожать армянские церкви в оккупированном Арцахе. Об этом сигнализирует заместитель директора авторитетного французского журнала Le Figaro Жан-Кристоф Бюиссон в своем микроблоге в Х (Twitter).
-
2024-04-19 11:51
Вблизи Татевского монастыря стартовали работы по созданию нового плодового сада. Благотворительный проект посадки сада реализует учреждённое Рубеном Варданяном агентство развития «Мы – наши горы» при участии и содействии его партнёров, единомышленников, многочисленных людей. Кроме фруктовых деревьев в саду будет посажен также платан – Древо Жизни, как символ веры, надежды и долговечности нашего народа. Об этом сообщает пресс-служба агентства развития «Мы – наши горы».
-
2024-04-19 11:35
Газета «Грапарак» пишет: