Հույն եվրախորհրդարանականները հանդես են եկել նախաձեռնությամբ Արցախի դեմ Ադրբեջանի ագրեսիայի առնչությամբ

«Ադրբեջանի ագրեսիան և Կովկասում հակամարտությունը ցնցել են մեզ և նողկանք առաջացրել, հատկապես, խաղաղ բնակչության դեմ ուժ գործադրելով և Թուրքիայի սադրիչ միջամտությամբ:

Հույն եվրախորհրդարանականները հանդես են եկել նախաձեռնությամբ Արցախի դեմ Ադրբեջանի ագրեսիայի կապակցությամբ: Այդ մասին ֆեյսբուքյան իր էջում գրել է Եվրախորհրդարանի անդամ Ստելիոս Կիմպուրոպուլոսը»:

«Ադրբեջանի ագրեսիան և Կովկասում հակամարտությունը ցնցել են մեզ և նողկանք առաջացրել, հատկապես, խաղաղ բնակչության դեմ ուժ գործադրելով և Թուրքիայի սադրիչ միջամտությամբ:

Հակամարտության առաջին իսկ պահից ես պարտավոր եմ անել հնարավոր ամեն ինչ Ադրբեջանի ագրեսիան և եվրոպական միջամտության անհրաժեշտությունը շեշտադրելու համար խաղաղությունը վերականգնելու նպատակով:

Իմ անձնական նախաձեռնությամբ, որն աջակցել են ընդհանուր առմամբ 24 գործընկերներ բոլոր խորհրդարանական խմբերից, Առաջնորդների խորհրդին և ԵՄ արտաքին գործերով ու անվտանգության քաղաքականության Գերագույն ներկայացուցիչ Ժոզեփ Բորելին ուղարկվել է հարցում.

Ի՞նչ է անելու Խորհուրդն ու ԵՄ դիվանագիտության ղեկավարը ռազմական գործություններն անհապաղ դադարեցնելու համար:

Ինչպիսի՞ գործողություններ են նրանք պատրաստ ձեռնարկել ադրբեջանի կառավարության վրա անհրաժեշտ ճնշում գործադրելու համար ռազմական գործողությունները դադարեցնելու ւ զորքերին դուրս բերելու նպատակով:

ԵՄ-ն դեռևս Ադրբեջանի խոշորագույն արտահանման շուկան է և մեծությամբ երկրորդ ներկրման շուկան՝ արտահանման 51 տոկոս և Ադրբեջանում ներկրման 16 տոկոս մասնաբաժնով: Պատրա՞ստ է արդյոք Խորհուրդը կազմել Ադրբեջանի դեմ տնտեսական պատժամիջոցների ցուցակ», տեղեկացնում է News.am-ը: