2020-10-05 14:42
Информагентства
Գորիսում Արցախից եկած բնակիչները ոչնչի կարիք չունեն (ՏԵՍԱՆՅՈՒԹ)
Գորիսում Արցախից եկած բնակիչներին շատ ջերմ են ընդունել: Քաղաքի հյուրանոցներից մեկն ապահովել է բնակիչներին կացարանով։ Արցախում հրետակոծության պատճառով կանայք ստիպված են եղել լքել իրենց տներն ու երեխաների հետ տեղափոխվել այստեղ:
Գորիսում նրանք ոչնչի կարիք չունեն, բայց նրանք շատ են կարոտում իրենց տունն ու հարազատներին, իսկ հեռուստացույցից չեն կարողանում աչք կտրել և սրտի թրթիռով հետևում են նորություններին առաջնագծից։ Նրանց թոռները, որդիները, եղբայրներն ու ամուսիններն Արցախում են:
72-ամյա Էլմիրա Սարգսյանը Գորիս է եկել Արցախի Այգեստան գյուղից: Խոստովանում է` չէր ուզում գալ, բայց այնտեղ մնալն արդեն վտանգավոր էր։
«Ես այստեղ եմ, բայց մտքերով նրանց հետ եմ, չեմ կարողանում հեռուստացույցից կտրվել, որովհետև մեր տղաները, մեր ջահելությունը, անգամ թոռս այնտեղ են... Տղաս Ռուսաստանից Արցախ վերադարձավ, որպեսզի օգնության ձեռք մեկներ տղաներին», - ասում է նա:
Տիկին Էլմիրան Գորիս է բերել նաև իր մեկ տարեկան ծոռնիկին, ասում է` ստեղծվել են բոլոր պայմանները, որպեսզի երեխան ոչնչի կարիք չունենա:
Մեր մյուս զրուցակիցը` Ռիմա Պետրոսյանը, ծնունդով Հադրութից է, Գորիս է եկել Ստեփանակերտից, սեպտեմբերի 28–ին: Նշում է, որ երեխաներն այստեղ լավ ժամանակ են անցկացնում: Խաղահրապարակ կա, խաղում են ու չեն ձանձրանում:
Ռիմայի բոլոր հարազատները ՝ ամուսինը, եղբայրը, փեսաներն ու հորեղբայրը, առաջնագծում են:
«Նրանք մեզ վստահեցնում են, որ ամեն ինչ լավ է լինելու: Ասում են` մենք լավ ենք, դուք ձեր մասին հոգ տարեք», - ասում է կինը:
Ռիմայի խոսքով` Գորիսում իրենց ապահովել են ամեն ինչով, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-07-12 18:07На Площади Свободы в Ереване начался митинг, организованный Советом по защите прав арцахцев. Оттуда его участники направятся к зданиям соответствующих государственных структур и проведут массовые акции неповиновения, говорится в заявлении Совета.
-
2025-07-12 14:58Священники Армянской Апостольской Церкви высказывают поддержку Католикосу всех армян Гарегину II и предостерегают от нападок на церковные устои.
-
2025-07-12 14:44Дело об аресте по уголовному делу о содействии незаконной миграции переводчицы, матери троих детей Лианы Арутюнян вызвало большой резонанс в обществе, на ситуацию отреагировала омбудсмен Армении Анаит Манасян и оппозиционные депутаты из фракции "Армения".
-
2025-07-12 14:44После ареста всех по делу «Священной борьбы» он еще не успокоился. Репрессии в УИУ продолжаются. Об этом написал адвокат Ваан Ованнисян.