2020-10-06 09:56
Информагентства
Amnesty International-ը դատապարտել է կասետային ռումբերի օգտագործումը
Ղարաբաղյան հակամարտության գոտում էսկալացիայի մեջ ներգրավված քաղաքացիական անձանց պաշտպանությունը պետք է լինի առաջնահերթություն: Այս մասին հայտարարել է Amnesty International միջազգային կազմակերպությունը՝ կապված տարածաշրջանում արգելված կասետային ռումբերի օգտագործման հաստատման հետ:
Նշվում է, որ Լեռնային Ղարաբաղի իշխանությունները հրապարակել են կադրեր, որոնք ցույց են տալիս Ստեփանակերտ քաղաքում կասետային զինամթերքի օգտագործումը:
Amnesty International-ի ճգնաժամային արձագանքման փորձագետները կարողացել են գտնել Ստեփանակերտի բնակելի թաղամասերում կադրերի նկարահանման տեղը և հայտնաբերել իսրայելական արտադրության M095 DPICM կաստերային զինամթերքները, որոնք, ըստ ամենայնի, արձակվել են ադրբեջանական ուժերի կողմից:
«Կասետային ռումբերի օգտագործումը ցանկացած հանգամանքներում արգելված է միջազգային մարդասիրական օրենսդրությամբ, հետևաբար դրանց օգտագործումը քաղաքացիական բնակավայրերի վրա հարձակման համար հատկապես վտանգավոր է և կհանգեցնի միայն նոր զոհերի և վնասվածքների»,- ասել է Amnesty International-ի Արևելյան Եվրոպայի և Կենտրոնական Ասիայի բաժնի ղեկավարի պաշտոնակատար Դենիս Կրիվոշեևը:
«Կասետային ռումբերն իրենց բնույթով անխտրական զենք են, և դրանց օգտագործումը բնակավայրերում բացարձակ սարսափելի է և անընդունելի: Քանի որ մարտերը շարունակում են թեժանալ, քաղաքացիական անձանց պետք է պաշտպանել, այլ ոչ թե ենթարկել կանխամտածված հարձակումների կամ անխոհեմ վտանգների»:
Amnesty International-ը հակամարտության բոլոր կողմերին կոչ է արել լիովին պահպանել միջազգային մարդասիրական օրենսդրության նորմերը և պաշտպանել խաղաղ բնակչությանը ռազմական գործողությունների հետևանքներից, տեղեկացնում է News.am-ը:
ПОСЛЕДНИЕ ОТ АВТОРА
-
New2025-07-29 17:55Апелляционный суд изменил меру пресечения в отношении бывшего мэра Ванадзора Самвела Дарбиняна и его брата Сейрана Дарбиняна. Об этом Sputnik Армения сообщил его адвокат Рубен Акопян.
-
New2025-07-29 17:53Турецкая компания Baykar на прошлой неделе провела симуляции полетов БПЛА на границе с Арменией, пишет тг-канал "Поствойна".
-
New2025-07-29 17:51Бывший главнокомандующий ВСУ, а ныне посол Украины в Великобритании Валерий Залужный — предпочтительный кандидат на пост президента Украины, и на альпийском курорте фактически "прошли выборы нового президента", сообщает пресс-бюро Службы внешней разведки Российской Федерации.
-
New2025-07-29 17:49Я выбрал Пашиняна (премьер-министр Армении – ред.), но жалею об этом, все жалеют, что выбрали его. Об этом в беседе с корреспондентом Новости Армении – NEWS.am заявил один из жителей села Даштакар общины Веди Араратской области.