2020-10-06 19:42
Информагентства
ԵԱՀԿ ԽՎ նախագահը կրկին Արցախում կրակի դադարեցման կոչ է արել
ԵԱՀԿ ԽՎ նախագահ Գեորգի Ծերեթելին կրկնել է ղարաբաղյան հակամարտության գոտում ռազմական գործողությունները ի շահ խաղաղ բնակչության դադարեցնելու և բանակցությունները հակամարտության խաղաղ կարգավորման ուղղությամբ վերսկսելու իր կոչը՝ ԵԱՀԿ սկզբունքներին և պարտավորություններին համապատասխան:
Անցած շաբաթվա ընթացքում Ծերեթելին անմիջական կապի մեջ էր Հայաստանի և Ադրբեջանի խորհրդարանների խոսնակների հետ, որպեսզի ընդգծի ԵԱՀԿ ԽՎ դիրքորոշումը և երկու կողմերին կոչ անի վերսկսել բանակցային գործընթացը:
«Մենք շարունակում ենք լուրջ մտահոգություն ունենալ հակամարտության հետ կապված զոհերի աճի համար, մասնավորապես՝ տեղական բնակչության վրա ազդեցության համար, որը, չնայած խաղաղ բնակչությանը պաշտպանելու պարտավորությանը, շարունակում է տառապել շարունակվող մարտերից»,- ասել է Ծերեթելին: «Մենք լիովին պաշտպանում ենք ԵԱՀԿ Մինսկի խմբի համանախագահների՝ Ֆրանսիայի, Ռուսաստանի և ԱՄՆ-ի, ինչպես նաև համապատասխան երկրների նախագահների և արտգործնախարարությունների կոչը անվերապահ հրադադարի մասին»:
Նա նաև մտահոգություն է հայտնել արգելված կասետային ռումբերի օգտագործման մասին հաղորդագրությունների կապակցությամբ` նշելով, որ ԵԱՀԿ ԽՎ-ն 2008 թ. ընդունել է բանաձև` ԵԱՀԿ բոլոր մասնակից երկրներին կոչ անելով «արգելել կասետային զինամթերքի օգտագործումը, զարգացումը, արտադրությունը, ձեռքբերումը, պահեստավորումը կամ տեղափոխումը», տեղեկացնում է News.am-ը:
Ծերեթելին կոչ է արել բոլոր կողմերին զերծ մնալ այդ զենքի օգտագործումից և ամբողջությամբ կատարել միջազգային իրավունքի պահանջները՝ պաշտպանելու խաղաղ բնակիչներին և քաղաքացիական ենթակառուցվածքները:
«Միանգամայն անընդունելի է, որ տարածաշրջանում կան կարևոր ենթակառուցվածքներ ոչնչացնելու սպառնալիքներ, որոնք կարող են հանգեցնել մարդասիրական աղետների: Ուժի շարունակական օգտագործումը չի նպաստում հակամարտության խաղաղ կարգավորմանը,- ասել է Ծերեթելին: «Ի վերջո, ուժի ցանկացած շարունակական օգտագործումը վնասակար կլինի առաջիկա տասնամյակների ընթացքում հակամարտության խաղաղ լուծում գտնելու համար՝ անկախ հակամարտության արդյունքներից: Մենք կշարունակենք բոլոր ջանքերը գործադրել, որպեսզի օգնենք հաշտության քաղաքական կամք մշակել»:
«Որպես երկխոսության հարթակ՝ ԵԱՀԿ ԽՎ-ն պատրաստ է կողմերի խնդրանքով անցկացնել խորհրդարանական բանակցություններ»,- հավելել է գլխավոր քարտուղար Ռոբերտո Մոնտելլան: «Խորհրդարանական երկխոսությունը կարող է կարևոր դեր ունենալ կապի ուղիների վերականգնման գործում, երբ Մինսկի խմբում վերսկսվի բանակցային գործընթացը՝ ուղղված հակամարտության խաղաղ կարգավորմանը»:
«Ես կցանկանայի ընդգծել, որ ԵԱՀԿ ԽՎ-ն հետևողականորեն աջակում է ԵԱՀԿ կառույցների և մեխանիզմների աշխատանքին, որին մասնակից պետությունները վստահել են լուծել այս հակամարտությունը»,- ասել է Մոնտելլան: «Բացի այդ, ԽՎ-ն նաև պատասխանատու է ուժեղ և թույլ կողմերի վերլուծության համար` կազմակերպչական հնարավորությունները առավելագույն արդյունավետությամբ ուղղորդելու նպատակով: Սա հատկապես կարևոր է նման իրավիճակներում»:
ПОСЛЕДНИЕ ОТ АВТОРА
-
New2025-07-29 08:41В Европе число заключенных на 100 мест увеличилось с 93,5 до 94,9 с 31 января 2023 года по 31 января 2024 года, причем по странам наблюдались значительные различия. Об этом говорится в сообщении Совета Европы.
-
New2025-07-29 08:38Судя по всему, ряд предпринимателей, близких к главе Армении Пашиняну и ведущих бизнес в России, могут столкнуться с проблемами с силовиками. Об этом сообщает ВЧК-ОГПУ.
-
New2025-07-29 08:37Из 186 стран 154 могут удовлетворить потребности в 2–5 из 7 ключевых групп продуктов питания (фрукты, овощи, бобовые, продукты, содержащие крахмал, мясо, рыба и молочные продукты) за счет внутреннего производства. Об этом сообщает Nature Food.
-
New2025-07-29 08:36Глава фракции правящей партии «Гражданский договор» в Совете старейшин Гюмри Сарик Минасян вскоре будет назначен министром труда и социальных вопросов Армении. Об этом сообщает Aravot.am.