Ժնևը ճանաչել է Արցախի ինքնորոշման իրավունքն ու առաջարկում է արգելափակել Ալիևների կլանի հաշիվները
Ժնևի քաղաքային խորհուրդը նախօրեին ընդունել է Ադրբեջանի ռազմական ագրեսիան դատապարտող բանաձև, ճանաչել է Արցախի հայերի ինքնորոշման իրավունքն ու առաջարկել է սառեցնել Շվեյցարիայում Ալիևների կլանի ակտիվները։ Բանաձևը հրապարակվել է fichier-pdf.fr կայքում, տեղեկացնում է Newsamenia.am-ը։
Ընդունված բանաձևում նշվում է հետևյալը.
– Լեռնային Ղարաբաղի տարածքն այդ շրջանի հայերի կենսական և վաղեմի տարածքն է
– Լեռնային Ղարաբաղը ներառվել է Ադրբեջանի ԽՍՀ–ի կազմում 1923թ.–ին Իոսիֆ Ստալինի որոշմամբ` տարածքի ժողովրդագրական կազմին հակառակ։
– Ադրբեջանի խորհրդային իշխանությունները ոչ միայն ոչինչ չարեցին այդ տարածքի սոցիալական, մշակութային և տնտեսական կյանքի զարգացման համար, այլ, հակառակը, այնտեղ սիստեմատիկ իրականացրել են էթնիկ զտումների քաղաքականություն 1920թ.–ից մինչև ԽՍՀՄ–ի փլուզումը։
– Լեռնային Ղարաբաղի բնակչությունը պահպանել է խորհրդային օրենսդրությամբ նախատեսված ընթացակարգերը, և 1991թ.–ի սեպտեմբերի 2–ին հայտարարել է իր անկախության մասին, ինչը հաստատվել է նույն թվականի դեկտեմբերի 10–ին կայացած հանրաքվեի ժամանակ
– ադրբեջանահայերը բազմիցս ենթարկվել են կազմակերպված զանգվածային սպանությունների, այդ թվում` Սումգայիթում (1988թ.–ի փետրվարի 25–27), Կիրովաբադում (1988թ.–ի նոյեմբերի 23), Բաքվում (1990թ.–ի հունվարի 12–19) և Մարաղայում (1992թ.–ի ապրիլի 10)։ Այդ պատճառով նրանց անվտանգությունն Ադրբեջանի տարածքում չի երաշխավորվում
– անկախություն ձեռք բերելուց հետո Ղարաբաղի իշխանությունները երաշխավորում են իրենց բնակիչների անվտանգությունն ու մշակութային–տնտեսական բարգավաճումը
– հայերին «ոչնչացնելու» կոչերով ադրբեջանական հռետորաբանությունը շարունակում է ավելանալ նրանց դեմ սանձազերծված պատերազմի սկզբից
– կիրակի` 2020թ.–ի հոկտեմբերի 27–ին, ադրբեջանական բանակի հարձակումը հումանիտար սկզբունքները խախտող անընդունելի ագրեսիա է
– միջազգային հանրության լռությունը, որը հարաբերականորեն պատասխանատու է վերջին ռազմական գործողությունների համար, հավասարազոր է Ադրբեջանի կողմից իրականացվող բռնությունը հավանության արժանացնելուն
Ելնելով վերը նշվածից` քաղաքային խորհուրդը.
– ճանաչում է Լեռնային Ղարաբաղի հայերի ինքնորոշման իրավունքը` որպես նրանց անվտանգությունը երաշխավորելու միակ հնարավորություն
– դատապարտում է 2020թ.–ի հուլիսի 12–ին Հայաստանի Հանրապետության վրա Ադրբեջանի Զինված ուժերի հարձակումը, կիրակի` 2020թ.–ի սեպտեմբերի 27–ին Արցախի վրա սկսված հարձակումն ու 2020թ.–ի սեպտեմբերի 29–ին թուրքական ռազմաօդային ուժերի կողմից հայկական ինքնաթիռի խոցումը
– առաջարկում է ադմինիստրատիվ խորհրդին անել հնարավոր ամեն ինչ` միջազգային հումանիտար իրավունքը, մասնավորապես, Ժնևյան կոնվենցիաները ամբողջությամբ պահպանելու համար, որոնց պահպանումը ստանձնում են Ժնևն ու Շվեյցարիան
– առաջարկում է ադմինիստրատիվ խորհրդին աջակցել Հարավային Կովկասում արդար և կայուն իրավիճակի հաստատմանն ուղղված խաղաղ գործընթացին` հարգելով տարածաշրջանի բոլոր ժողովուրդների իրավունքները
– առաջարկում է ադմինիստրատիվ խորհրդին դիմել Դաշնային խորհուրդ` Ալիևների կլանի ակտիվները սառեցնելու նպատակով, որոնք իշխում են Ադրբեջանում Խորհրդային Միության փլուզումից հետո։
ПОСЛЕДНИЕ ОТ АВТОРА
-
2025-06-14 15:51
Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48
Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47
Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44
Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.