Последние новости

Արգենտինայում հարյուրավոր հայեր անցկացրել են բողոքի ցույցեր՝ ի աջակցություն խաղաղության Արցախում

Արգենտինայի հայ համայնքի հարյուրավոր ներկայացուցիչներ անցկացրել են բողոքի ցույց շաբաթ Բուենոս Այրելում՝ ի աջակցություն Լեռնային Ղարաբաղում պատերազմի ավարտին, հաղորդում է France 24-ը: Ակցիայի մասնակիցների ձեռքում Հայաստանի և Արցախի դրոշներն էին:

Նրանք անցկացրել են քայլերթ Ադրբեջանի դեսպանատնից մինչև Թուրքիայի դեսպանատուն՝ վանկարկելով «Ո՛չ ահաբեկչությանը» և «Խաղաղություն Հայաստանում ու Արցախում»: Նշվում է, որ քայլերթին հիմնականում մասնակցել են երիտասարդները: Ակցիայի ընթացքում հնչել է հայկական երաժշտություն: Ակցիայի մասնակիցները հավաքվել են Թուրքիայի դեսպանատան մոտ:

Արցախում պատերազմի մասին իրենց կարծիքն են արտահայտել ցույցի մասնակիցները: Դիանա Դեր-Գաբրիելյանի խոսքով՝ նրանց պայքարն ուղղված է ոչ թե Ադրբեջանի ժողովրդի դեմ, այլ ի աջակցություն Արցախի ինքնորոշման իրավունքի պաշտպանությանը: Ակցիայի մյուս մասնակից՝ 35-ամյա իրավաբան Գաբրիել Կամակյանը հայտարարել է, որ Արցախը միշտ պատկանելու է հայերին, որոնք ապրել են այդ տարածքում ավելի քան երեք հազարամյակ, տեղեկացնում է News.am-ը:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ