2020-10-12 15:15
Информагентства
0
ՀՀ ԱԳ նախարար. Ադրբեջանը չի կատարում կրակի դադարեցման վերաբերյալ իր պարտավորությունները
Ադրբեջանը չի կատարում կրակի դադարեցման վերաբերյալ Մոսկվայում համաձայնեցված իր պարտավորությունները: Ինչպես տեղեկացնում է «Արմենպրես»-ը, Ռուսաստանի Դաշնության արտաքին գործերի նախարար Սերգեյ Լավրովի հետ հանդիպման ժամանակ այս մասին ասաց ՀՀ ԱԳ նախարար Զոհրաբ Մնացականյանը:
Նա նշեց, որ այն, ինչին բախվել են Լեռնային Ղարաբաղի ժողովուրդը, էքզիստեցիալ վտանգի մարմնավորում է համարվում, որը հասունանում էր տասնյակ տարիների ընթացքում, որի մասին խոսել են անընդհատ: «Մենք կարողացել ենք հասնել որոշակի արդյունքների՝ շնորհիվ ձեր և նախագահ Վլադիմիր Պուտինի ներգրավվածության: Մեզ հաջողվեց նախարարների մակարդակով համաձայնեցնել կրակի դադարեցման վերաբերյալ համատեղ հայտարարություն: Մենք բարձր ենք գնահատում ձեր անձնական և Ռուսաստանի Դաշնության նախագահի ներդրումը, որ կարողացանք հասնել այսպիսի արդյունքի»,- ասաց Մնացականյանը:
Նախարարն անհրաժեշտ համարեց դադարեցնել մարտական գործողությունները և խիստ կարևորեց Ռուսաստանի դերը այս հարցում: «Ցավոք, այս պահին չենք կարող գործնականում արձանագրել, որ ունենք լիարժեք կրակի դադարեցում: Եվ բառացիորեն նախքան այստեղ գալը, շարունակում էր տեղեկություններ ստացվել, որ Ադրբեջանը չի կատարում կրակի դադարեցման իր պարտավորությունները: Եվ այդ առումով ես ուզում եմ ընդգծել վերիֆիկացիոն մեխանիզմների ներդրման կարևորությունը, որով կարող ենք հասնել այդ ռեժիմի պահպանմանը»,- ասաց Մնացականյանը:
ՀՀ ԱԳ նախարարի խոսքով` սեպտեմբերի 27-ից սկսած շարունակվում է Արցախի ժողովրդի դեմ լայնամասշտաբ ագրեսիան Ադրբեջանի կողմից: «Ընդ որում, բաց ներկայացվում են Լեռնային Ղարաբաղի հակամարտության ուժային ճանապարհով լուծման իրական նպատակները»,- նշեց Մնացականյանը՝ ընդգծելով, որ այլևս գաղտնիք չեն Արցախի ֆիզիկական բնաջնջման նկրտումները:
ԱԳ նախարարը Սերգեյ Լավրովին ներկայացրեց քաղաքացիական բնակչության զոհերի և վիրավորների վերաբերյալ տվյալները, ինչպես նաև շենք-շինությունների և ենթակառուցվածքների վնասի չափերը: Մնացականյանը հայտնեց, որ հակառակորդը խաղաղ բնակչության դեմ օգտագործել է հրետանի, հրթիռներ, անօդաչու թռչող սարքեր, ավիացիա: «Կան զոհեր և վիրավորներ Ադրբեջանի կողմից կասետային ռումբերի կիրառման հետևանքով»,- հավելեց Մնացականյանը:
ПОСЛЕДНИЕ ОТ АВТОРА
-
New2024-04-25 14:04В Ереване граждане перекрыли перекресток улиц Хоренаци и Закияна. Они это сделали в поддержку тавушцев.
-
New2024-04-25 14:02В России всегда воспринимали Геноцид армян как собственную боль и беду, сказала в ходе еженедельного брифинга официальный представитель МИД РФ Мария Захарова.
-
New2024-04-25 14:01Обстановка во время акции протеста граждан на участке Тигранашена автодороги Ереван-Мегри накалилась.
-
New2024-04-25 13:19Автодорога Ереван-Мегри на участке Тигранашена закрыта. Перекрыта и автотрасса Ереван-Севан на участке Мартуни.
