2020-10-12 17:45
Информагентства
0
Կոնստանտին ԶԱՏՈՒԼԻՆ. ԱՆԿԱՐԱՅԻ ՄԻՋՆՈՐԴՈՒԹՅՈՒՆԸ ՂԱՐԱԲԱՂՅԱՆ ՀԻՄՆԱԽՆԴՐԻ ԿԱՐԳԱՎՈՐՄԱՆ ՄԵՋ ԱՆՀՆԱՐ Է
ՄոսկվայուՄ ԱԳՆ ղեկավարների վերջին հանդիպման ժամանակ ստորագրված հրադադարի մասին համաձայնագրում հաստատված է ղարաբաղյան հակամարտության կարգավորման նախկին ձևաչափը, այսինքն՝ ԵԱՀԿ ՄԽ համանախագահների ձևաչափը։ Այս մասին News.am-ի հետ զրույցում ասաց Ռուսաստանի Պետական դումայի ԱՊՀ գործերով և հայրենակիցների հետ կապերի հարցերով կոմիտեի առաջին փոխնախագահ Կոնստանտին Զատուլինը։
«Սա նշանակում է, որ Թուրքիան պաշտոնապես միացած չէ միջնորդական ջանքերին, ավելին՝ Անկարան ընդհանրապես հազիվ թե միանա, քանի որ կողմերից մեկը, հայկական կողմը, կտրականապես դեմ է դրան, ինչն էական պայման է, որը Թուրքիային իրավունք չի տալիս միջնորդ կոչվելու կամ այդ դերին հավակնելու»,- պարզաբանեց պատգամավորը։
Նրա խոսքով՝ հենց Թուրքիայի մասնակցությունն է ամբողջ միջազգային հանրության և առանց բացառության ԵԱՀԿ ՄԽ բոլոր համանախագահների, այսինքն՝ Ռուսաստանի, Ֆրանսիայի և ԱՄՆ-ի մտահոգության կետերից մեկը։ «Եթե Անկարան իր մասնակցությունը մեծացնի, ապա կարող են հետևել կոնկրետ միջոցառումներ, որոնց վերաբերյալ որոշումն արդեն ընդունում են այդ երկրների ղեկավարները։ Չնայած ադրբեջանական կողմի ցանկություն չունենալուն, հրադադարի համաձայնագիրը ստորագրվեց, որից հետո, իհարկե, մեղադրանքներ ստացվեցին այն խախտելու մասին։ Այս ամենը խոսում է այն մասին, որ Թուրքիան ամենազոր չէ՝ հաշվի առնելով այն, որ նա ընդհանրապես դեմ է կրակի դադարեցմանը»,- հավելեց նա։
Զատուլինը նշեց, որ ղարաբաղյան հակամարտության գոտում ռազմական ակտիվությունը շարունակվում է, և առանց դիտորդների հրադադարը հազիվ թե երկարատև լինի։ «Մոսկվայում վերջին հանդիպման ժամանակ ադրբեջանական կողմը խուսանավեց այս գաղափարից։ Սա, ինչպես նաև ներկայիս վիճակը վկայում են դիտորդների ներկայության անհրաժեշտության մասին։ Սա, համենայնդեպս, կսահմանափակի հարվածները քաղաքացիական օբյեկտներին և բնակավայրերին։ Պետք անպայման ընդունվեն լրացուցիչ միջոցներ, այլապես հրադադարը երկար չի տևի»,- շեշտեց նա։
Անդրադառնալով Լեռնային Ղարաբաղի Ազգային ժողովի կոչին՝ Հայաստանի, Ռուսաստանի և Իրանի մասնակցությամբ Հակաահաբեկչական համակարգող կենտրոնի ստեղծման մասին, պատգամավորի խոսքով՝ այդպիսի նախաձեռնությունները կարող են հռչակվել, բայց առայժմ հազիվ թե հնարավոր լինի իրականացնել, քանի որ հիմա փաստացի ընթանում է հակամարտության զարգացում, ուստի այս գաղափարն ապագայի համար է, բայց ոչ ընթացիկ պահի։ «Ինչ վերաբերում է «կարմիր գիծը» հատելու մասին խոսակցություններին, ապա եթե խոսելու լինենք Հայաստանի վրա հարձակման մասին, ապա՝ ոչ, Թուրքիան այն չի հատել։ Սակայն եթե խոսելու լինենք միջամտության մասին, ապա՝ այո, այն միրջամտում է, ոգեշնչում Ադրբեջանի ռազմական գործողությունները»,- ամփոփեց Զատուլինը։
ПОСЛЕДНИЕ ОТ АВТОРА
-
2024-04-24 19:40Участники акций протеста в Тавуше готовы к задержаниям и арестам, сказал Sputnik Армения глава Тавушской епархии ААЦ, архиепископ Баграт Галстанян, комментируя разгон акции на дороге Айрум-Баграташен.
-
2024-04-24 19:39Президент США Джо Байден подписал закон о помощи зарубежным союзникам, включая Украину, сняв последнее юридическое препятствие для возобновления поставок туда американских вооружений. Об этом американский президент заявил в телеобращении.
-
2024-04-24 19:36Межгосударственная дорога в Грузию на участке Киранц по-прежнему закрыта. Люди здесь ночуют уже несколько дней.
-
2024-04-24 19:34Мыслями мы вместе с Арменией и армянами всего мира, говорится в послании министра национальной обороны Греции Никоса Дендиаса по случаю 109-й годовщины Геноцида армян 1915 года в Османской империи.
