2020-10-19 08:54
Информагентства
ԵՄ․ ԼՂ բնակչությունը տառապում է հրադադարի չպահպանման պատճառով
Եվրամիությունը դատապարտում է Ղարաբաղյան հակամարտության գոտում հրադադարի խախտումները, որոնք հանգեցնում են ԼՂ քաղաքացիական բնակչության տառապանքին ու սրում պետությունների միջև հակամարտությունը, հայտարարել է ԵՄ արտաքին հարաբերությունների գծով բարձր ներկայացուցիչ Ժոզեպ Բորելը։
«Եվրամիությունը ողջունում է հումանիտար հրադադարի մասին Հայաստանի և Ադրբեջանի համատեղ հայտարարությունը, որն ուժի մեջ պետք է մտներ հոկտեմբերի 18-ին՝ 00։00-ից՝ Ֆրանսիայի նախագահ Էմանուել Մակրոնի ջանքերով՝ ԵԱՀԿ Մինսկի խմբի այլ համանախագահների միջամտությամբ։ ԵՄ-ն դատապարտում է այն հանգամանքը, որ, ցավոք, խախտումները շարունակվում են, հաղորդվում է ԼՂ-ում ու դրա շուրջ ռազմական գործողությունների մասին»,- հայտարարել է նա։
Հոկտեմբերի 17-ին հայտարարվել էր, որ Հայաստանը և Ադրբեջանը որոշել են հոկտեմբերի 18-ին՝ տեղական ժամանակով 00:00-ից, հաստատել մարդասիրական զինադադար: Այն կրկին Ադրբեջանի կողմից չի պահպանվել, ձեռնարկվել է հարձակում։
Նշվել է նաև, որ հրադադարի խախտումն ուղեկցվում է ԼՂ քաղաքացիական բնակչության մեծ տառապանքներով և սրում պետությունների միջև կոնֆլիկտը՝ «էլ ավելի բարդացնելով վերքերի բուժումը»։ Բորելը նշել է, որ հակամարտությունն ուղեկցվում է «քաղաքացիական բնակչության շրջանում բազմաթիվ ու անընդունելի զոհերով»։ ԵՄ-ն խստորեն դատապարտում է խաղաղ բնակչության դեմ նման հարձակումները՝ անկախ նրանից՝ ով է դրանք իրականացնում։
ԵՄ դիվանագիտության ղեկավարը նշել է, որ հեռախոսազրույց է ունեցել ՀՀ ու Ադրբեջանի արտաքին գործերի նախարարների հետ և հորդորել, որ կրակի դադարեցումը պետք է լինի առանց նախապայմանների ու խստորեն պահպանվի երկու կողմում։
Զրույցներում նաև ընդգծվել է խաղաղ բնակչության դեմ հարձակումների անհապաղ դադարեցման անհրաժեշտությունը։
ԵՄ-ից նշել են, որ շարունակում են հետևել իրավիճակին և պատրաստակամ լինել հակամարտության երկարաժամկետ կարգավորման համար կողմերին աջակցելու հարցում, տեղեկացնում է PanArmenian.net-ը։
ПОСЛЕДНИЕ ОТ АВТОРА
-
2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).