2020-10-19 09:03
Информагентства
Արծրուն Հովհաննիսյան․ «Մի քանի տեղերում ադրբեջանական զորքն իր ծուղակն ընկած վիճակը ներկայացնում է առաջխաղացում»
Արդբեջանը հերթական անգամ չպահպանեց հրադադարի կոչը, պայմանը, որն այս անգամ առաջարկել էր ֆրանսիական կողմը։ Այս մասին հոկտեմբերի 18-ին միասնական տեղեկատվական կենտրոնում տեղի ունեցած ճեպազրույցի ընթացում ասաց պաշտպանության նախարարության ներկայացուցիչ Արծրուն Հովհաննիսյանը։ Նա նշեց, որ վաղ առավոտից մարտական գործողությունները շարունակվել են նույն ուղղություններով, ինչ նախկինում են եղել, ընդհանուր առմամբ՝ չկա որևէ ուղղություն, որտեղ հրադադարի ռեժիմը պահպանվել է։
Հովհաննիսյանի խոսքով՝ Ադրբեջանը հյուսիսային ուղղությամբ հարձակման փորձ է կատարել, սակայն որևէ նշանակալի հաջողության չհասնելով՝ հետ շպրտվել։ Հարավային ուղղությամբ՝ երկու տարբեր հատվածներում նույնպես Ադրբեջանի զինված ուժերը փորձել են հարձակողական գործողություններ ծավալել, մեկ ուղղությամբ, ընկնելով հայկական զինված ուժերի հրետանու հուժկու կրակի տակ՝ փախուստի են դիմել՝ կորցնելով զգալի թվով տեխնիկա, այդ թվում նաև մեծաքանակ զինամթերք, իսկ մյուս ուղղությամբ շարունակվել են հարձակողական մարտերը։ Համառ մարտերի արդյունքում որոշակի տեղաշարժեր ունեն, որը, սակայն, ինչպես բազմիցս նշվել է, էական չէ ակտիվ մարտական գործողությունների ընթացքում։
Այսօր Ադրբեջանը նորից կիրառել է օդային հարձակման տարբեր միջոցներ՝ այդ թվում՝ ԱԹՍ-ներ։ Ժամը 20:30-ի դրությամբ, ըստ Հովհաննիսյանի, խոցվել է 9 ԱԹՍ, որից երկուսը՝ ՀՀ-ի տարածքում։ Այս պահին մարտական գործողությունները շարունակվում են, հարավային ուղղությունը նորից շարունակում է թեժ մնալ։
Այսօր տեղեկություններ են տարածվել, որ հակառակորդի ԱԹՍ-ներ են խոցվել Վարդենիս և Գորիս քաղաքներում։ Լրագրողները առցանց հարցեր էին ուղղել՝ փորձելով պարզել տեղեկությունների իսկությունը։ Հովհաննիսյանը միայն կրկնեց, որ ՀՀ տարածքում 2 ԱԹՍ է խոցվել։
Արցախի նախագահի մամուլի խոսնակ Վահրամ Պողոսյանը երեկ գրառում էր կատարել, որ հումանիտար զինադադար հայտարարելուց հետո հայկական կողմը պատրաստ է մարդասիրական միջանցք տրամադրել շրջափակման մեջ գտնվող ադրբեջանական զորքերին։ Զինադադար, փաստորեն, չի եղել։ Լրագրողներից մեկը հետաքրքրվել էր, թե նման պայմաններում ի՞նչ լուծում է ստացել շրջափակման մեջ գտնվողների հարցը։ Հովհաննիսյանն ի պատասխան նշեց, որ իրեն հայտնի չէ, թե Վահրամ Պողոսյանը կոնկրետ որ հատվածի մասին է խոսել։
«Քանի որ մի քանի տեղերում ադրբեջանական զորքն իր ծուղակն ընկած վիճակը ներկայացնում է առաջախաղացում, մի քիչ ծիծաղելի է, բայց այդպիսի իրավիճակներ էլ են լինում։ Հետևաբար, չեմ կարող ասել, թե Վահրամ Պողոսյանը կոնկրետ որ հատվածի մասին էր խոսում` ծուղակ ասելով»,- նշեց Արծրուն Հովհաննիսյանը։
ПОСЛЕДНИЕ ОТ АВТОРА
-
New2025-07-24 07:15Верховный суд Организации Объединенных Наций в своем знаменательном консультативном заключении в среду заявил, что страны могут нарушить международное право, если они не примут мер по защите планеты от изменения климата, а страны, пострадавшие от его последствий, могут иметь право на возмещение ущерба, сообщает Associated Press.
-
New2025-07-24 07:08Восемьдесят семь конгрессменов США (примерно 20% Палаты представителей) направили письмо в администрацию президента Дональда Трампа с призывом поддержать возвращение армян в Нагорный Карабах. Об этом сообщает Армянский Национальный комитет Америки (ANCA).
-
New2025-07-24 07:04Депутат парламентской фракции «Армения» Лилит Галстян прокомментировала статью, опубликованную в журнале Forbes.
-
New2025-07-24 06:58На основании представленного сообщения по факту разжигания национальной ненависти в отношении арцахцев судья Ереванского уголовного суда Самвел Юзбашян постановил возбудить уголовное производство. Об этом пишет адвокат Роман Ерицян.