2020-10-19 22:06
Информагентства
Հունաստանը դիվանագիտական նախաձեռնությունների շարք կսկսի Թուրքիայի սադրիչ քաղաքականության դեմ
Հունաստանը դիվանագիտական նախաձեռնությունների շարք կսկսի Թուրքիայի սադրիչ և ապակայունացնող քաղաքականության դեմ, հաղորդում է National Herald-ը՝ վկայակոչելով դիվանագիտական աղբյուրները: Մասնավորապես, Աթենքը նամակ կհղի ՄԱԿ-ի գլխավոր քարտուղար Անտոնիու Գուերիշին՝ կապված Թուրքիայի ապակայունացնող գործողությունների հետ: Հունաստանը նամակ կհղի նաև ԱՄՆ պետքարտուղար Մայք Պոմպեոյին, որում ասվում է, որ Թուրքիայի պահվածքը ոչ միայն խախտում է միութենական երկրի հիմնարար կանոնները, այլ նաև ռիսկեր է ստեղծում ՆԱՏՕ-ի հարավարևելյան թևի ապակայունացման համար և հակասում է Հունաստանի և ԱՄՆ-ի միջև փոխադարձ պաշտպանության մասին կքնված համաձայնագրի դրույթներին:
Հունաստանը ԵՄ-ին տեղեկացրել է նաև Թուրքիայի իրավախախտումների մասին՝ հղում անելով փոխադարձ պաշտպանության մասին պայմանագրի 42.7 հոդվածին:
Միջազգային քաղաքացիական ավիացիա ծանուցում կուղարկվի Թուրքիայի կողմից որոնողափրկարարական աշխատանքների համար պատասխանատվության գոտին ընդլայնելու վերաբերյալ անօրինական հայտարարության մասին: Այդ հարցով բողոք կուղարկվի նաև Միջազգային ծովային կազմակերպություն:
Անկարայում Հունաստանի դեսպանատունը բողոքի նոտա կուղարկի թուրքական կողմին:
Հունաստանը մտադիր է միջազգային մակարդակով առաջ տանել Թուրքիայի ապակայունացնող դերի և միևնույն ժամանակ Թուրքիայում մարդու իրավունքների հետ կապված իրավիճակի վատթարացման հարցը, տեղեկացնում է News.am-ը:
ПОСЛЕДНИЕ ОТ АВТОРА
-
New2025-07-25 19:46Грузия в двенадцатый раз принимает многонациональные военные учения Agile Spirit. Официальное открытие учений состоялось в Совместном учебно-оценочном центре НАТО–Грузия в Крцаниси.
-
New2025-07-25 19:45Внешнеторговый оборот Армении в январе-июне 2025 года сократился на 45% по сравнению с аналогичным периодом предыдущего года, составив 9 млрд 668 млн долларов США.
-
New2025-07-25 19:42На территории автовокзала Аштарака состоялась акция протеста. Жители города жалуются на компанию «Мульти транспорт», говорят о плохой работе транспорта и росте цен за проезд.
-
New2025-07-25 19:40Сотрудники МВД Армении усилят дежурство в день праздника Вардавар, который будет отмечаться 27 июля. Об этом сообщили в пресс-службе полиции.