2020-10-21 09:55
Информагентства
Կանադայի հայ համայնքի ներկայացուցիչները Ջասթին Թրյուդոյին Արցախը ճանաչելու կոչ են արել
Կանադայի հայկական համայնքի ներկայացուցիչները նամակ են հղել Կանադայի վարչապետ Ջասթին Թրյուդոյին՝ կոչով անելով դատապարտել Արցախի դեմ Ադրբեջանի ու Թուրքիայի ագրեսիան և ճանաչել Արցախը:
«Հայ-կանադական համայնքը ներկայացնող կազմակերպությունները կոչ են անում ձեզ և Կանադայի կառավարությանը դատապարտել Հայաստանի և Արցախի դեմ ադրբեջանա-թուրքական ագրեսիան և առաջատար դեր ունենալ տարածաշրջանում ամուր խաղաղություն և կայունություն հաստատելու գործում:
Այս լայնամասշտաբ ու անհիմն հարձակումը Հայաստանի և Արցախի վրա շարունակվում է արդեն չորրորդ շաբաթը, և վերջը չի երևում, չնայած հոկտեմբերի 10-ին ստորագրված և ինչպես Հայաստանի, այնպես էլ Ադրբեջանի կողմից համաձայնեցված հրադադարին: Կիրակի՝ հոկտեմբերի 18-ին, Ադրբեջանը կրկին խախտեց հրադադարի ռեժիմը այն բանից հետո, երբ նախօրեին կրկին խոստացել էր այն պահպանել:
Ամենատագնապալին այն է, որ Ադրբեջանը, ոգեշնչված միջազգային հանրության լռությունից, շարունակում է նպատակային հարվածներ հասցնել քաղաքացիական բնակչությանը և ենթակառուցվածքային օբյեկտներին, հատկապես Ստեփանակերտում: Այս հարձակումները ռազմական հանցագործություններ են և խախտում են միջազգային իրավունքի ամենահիմնական սկզբունքները: Ադրբեջանը չի վարանում նաև իր շարքերը համալրել Թուրքիայի կողմից համալրված օտարերկրյա ջիհադիստների վարձկաններով, ինչը էլ ավելի կխորացնի տարածաշրջանում անկայունությունը: Ինչպես կարելի էր ակնկալել, ծանր հումանիտար ճգնաժամ առաջացավ, քանի որ Ադրբեջանը չվարանեց թիրախավորել հիվանդանոցները:
Ողջունելով մինչ օրս Օտտավայի ձեռնարկած բոլոր համարձակ քայլերը՝ հայ-կանադական համայնքի անունից Կանադայի կառավարությանը կոչ ենք անում՝
Ճանաչել Արցախի Հանրապետության անկախությունը` հաստատելով Արցախի ժողովրդավարական ժողովրդի ինքնորոշման և ազատ կյանքի անքակտելի իրավունքները՝ խաղաղության և բարգավաճման մեջ,
Ճանաչել, որ Ադրբեջանը երբեք չի կարողանա հավակնել Արցախի բնակչությանը և տարածքին, որոնք գնդակոծում է մինչ օրս,
Պատշաճ կերպով դատապարտել Ադրբեջանի և Թուրքիայի անառարկելի ագրեսիան և ռազմական հանցագործությունները,
Շարունակաբար աջակցել Թուրքիա զենքի արտահանման դադարեցմանը,
Անհապաղ և լուրջ մարդասիրական օգնություն ցուցաբերել Արցախի խաղաղ բնակչությանը,
Առաջատար դեր խաղալ տարածաշրջանում դաշնակիցներ և գործընկերներ ներգրավելու և կայուն խաղաղություն ապահովելու հարցում,
Տարածաշրջանային մոտալուտ պատերազմը կանխելու համար անհրաժեշտ է Ադրբեջանի ռազմատենչ գործողությունների խիստ և անսասան միջազգային դատապարտում: Բացի այդ, միջազգային հանրությունն այժմ պետք է վերահաստատի ակնհայտ ճշմարտությունը՝ տարածքային ամբողջականության վերաբերյալ որևէ պահանջ չի կարող առաջադրվել ռմբակոծելով բնիկ բնակչությանը, որը ժողովրդավարական և ոչ երկիմաստ կերպով արտահայտել է իր ինքնորոշման և անկախության կամքը: Կանադան, որը հայտնի է մարդու իրավունքներին իր պատմական և խորը նվիրվածությամբ, կարող է առաջնորդել այս ջանքերը:
Համաշխարհային համավարակի թեժ ժամանակաշրջանում, համագործակցության, խաղաղության և միասնության համարյա միաձայն կոչերի ֆոնին, Ադրբեջանը պետք է վերջ տա իր ռազմատենչությանը: Կանադան պետք է գործի հիմա, քանի դեռ շատ ուշ չէ»,- ասվում է նամակում, տեղեկացնում է News.am-ը:
ПОСЛЕДНИЕ ОТ АВТОРА
-
2025-07-24 19:45Временный управляющий компании "Элсети Армении" Романос Петросян провел ряд кадровых перестановок. Об этом он сообщил на своей странице в соцсетях.
-
2025-07-24 19:43Ваагн Чахалян, находящийся под стражей с 5 июля, направил Николу Пашиняну из пенитенциарного учреждения письмо, в котором говорится: «Я не обращаюсь к вам с приветствиями, Никол, и вы лучше всех знаете, почему. Вы не можете себе представить, Никол, но я слушал вашу пресс-конференцию от начала до конца в тюрьме. Что ж, я теперь такой же, как и вы, я не способен ни творить добро, ни сделать что-либо полезное для человечества. Но, слава Богу, во-первых, моё состояние временное, а во-вторых, я не занимаюсь злодеяниями.
-
2025-07-24 19:38Семья Карапетян не обязана продолжать реализацию инвестиционной программы в компании "Электрические сети Армении". Об этом заявила бывший министр юстиции, юрист Арпине Ованнисян, комментируя заявление председателя КРОУ Месропа Месропяна.
-
2025-07-24 19:36Германская епархия Армянской Апостольской церкви призывает власти страны уважать независимость Церкви и придерживаться принципов права и справедливости. Об этом заявил РИА Новости духовный пастырь армянской общины Баден-Вюртемберга Тиратур Сардарян.