2020-10-22 08:40
Информагентства
0
Ֆրանսիայի Վիեն քաղաքի քաղաքային խորհուրդը Արցախին սատարող բանաձև է ընդունել
Հոկտեմբերի 19-ին Ֆրանսիայի Վիեն քաղաքի քաղաքային խորհուրդն Արցախին սատարող բանաձև է ընդունել, որով կոչ է արվում Ֆրանսիայի կառավարությանը ճանաչել Արցախի Հանրապետությունը։ Այս մասին հայտնում են Արցախի Հնարապետության Արտաքին գործերի նախարարությունից:
Ստորև ներկայացնում ենք բանաձևի ոչ պաշտոնական հայերեն թարգմանությունը։
«Մինչ ամբողջ աշխարհը մտահոգված է աննախադեպ առողջապահական, տնտեսական և սոցիալական ճգնաժամով, կիրակի՝ սեպտեմբերի 27-ից, մենք ականատես ենք մի արտասովոր պատերազմի, որը վարում են ադրբեջանական զինված ուժերը՝ ուղղված Արցախի և Հայաստանի զինվորականների և քաղաքացիական բնակչության դեմ:
Այս հողը հազարամյակներ ի վեր բնակեցված է հայերով: Իոսիֆ Ստալինի կամայական և միակողմանի որոշմամբ 1921 թ․ այն բռնակցվել է Ադրբեջանին: 1988 թվականից սկսած ժողովուրդների ազատատենչությունը Խորհրդային Սոցիալիստական Հանրապետություններին ստիպեց վերափոխվել անկախ պետությունների, որոնք անմիջապես ճանաչում ստացան՝ համաձայն միջազգային իրավունքի: Նույն կերպ Արցախի ժողովուրդը հանրաքվեի արդյունքում հռչակեց անկախ հանրապետություն: Ադրբեջանը, ցանկանալով նվաճել ավելի քան 95% հայերով բնակեցված այս տարածքը, սկսեց մի անխնա պատերազմ: Հակամարտության խաղաղ լուծման նպատակով միջազգային հարթակում ստեղծվեց «Մինսկի խումբը», որի համանախագահներն են Ռուսաստանը, Ֆրանսիան և Միացյալ Նահանգները:
Ողջունում ենք Ֆրանսիայի դրական վերաբերմունքը, որն անհապաղ հրադադարի և խաղաղ բանակցությունները շուտափույթ վերսկսելու կոչ է անում՝ Եվրոպային և ՆԱՏՕ-ին պատասխանատվության կանչելով:
2014 թվականից սկսած Վիեն քաղաքը մասնակցում է հանուն խաղաղության այս պայքարին՝ Արցախի հարավում գտնվող Հադրութ քաղաքի հետ ստորագրելով բարեկամության հռչակագիր: Սա հնարավորություն ընձեռնեց կապեր հաստատել Հադրութի քաղաքապետարանի հետ: Հռչակագրի ստորագրումից ի վեր Վիենում գործող ասոցիացիաները նույնպես միացել են նախաձեռնությանը՝ նպատակ ունենալով Հադրութի համար կրթական և մշակութային ծրագրեր կյանքի կոչել:
Արցախի և Հայաստանի հայերը ցանկանում են ազատ ու խաղաղ ապրել իրենց պապենական հողերում:
Հետևաբար, Վիենի քաղաքային խորհուրդը վերահաստատում է իր աջակցությունը հակամարտությունից տուժած քաղաքացիական բնակչությանը և դիմում Ֆրանսիային՝ ճանաչել Արցախի Հանրապետությունը, քանի որ սա է իր բնակչության անվտանգության, տարածաշրջանի և գլոբալ կայունության գրավականը», տեղեկացնում է News.am-ը։
ПОСЛЕДНИЕ ОТ АВТОРА
-
New2024-11-22 19:41В Ереване в концертном зале им. Арама Хачатуряна 24 ноября пройдет концерт, посвященный 100-летию квартета им. Комитаса. С музыкальными приветствиями выступят государственный камерный оркестр Армении, джаз-трио Арега Арустамяна, Барсег Туманян, Грачуи Басенц, пианист и дирижер Ваагн Папян, пианистка Карин-Хелльман Геворкян, и, конечно, сам квартет им. Комитаса.
-
New2024-11-22 19:38Суд оправдал еще двоих арестованных сторонников «Священной борьбы». Об этом сообщил адвокат Ваге Еприкян.
-
New2024-11-22 19:35Популярный актер, народный артист Армении Грант Тохатян два месяца находился в медцентре Микаеляна, однако сейчас он уже дома. Об этом изданию Tert.am сообщила супруга Тохатяна, актриса Луиза Нерсисян.
-
New2024-11-22 19:33Бывший чиновник из Арцаха, обвиняемый в шпионаже, Саргис Галстян, переехавший в Армению после почти полугодового пребывания в Степанакерте (после его оккупации Азербайджаном – ред), признан виновным и приговорен к 18 годам лишения свободы. Об этом сообщает прокуратура.