Последние новости

Մենենդեսը բանաձև է ներկայացրել, որը պահանջում է Թուրքիայում և Ադրբեջանում մարդու իրավունքների խախատումների վերանայում

Սենատի միջազգային հարաբերությունների կոմիտեի անդամ Բոբ Մենենդեսը ներկայացրել է երկու կարևոր բանաձև, որոնք Պետքարտուղարությանը կոչ են անում հայտնել Թուրքիայում և Ադրբեջանում մարդու իրավունքների խախտումների մասին, ինչպես նաև անվտանգության ոլորտում ԱՄՆ օգնության դերի մասին Անկարայի և Բաքվի կողմից բռնաճնշումների ու ագրեսիայի մեջ։ Այս մասին հայտնում է Ամերիկայի Հայ դատի հանձնախումբը (ANCA)։ Ստացված տվյալները հիմք կհանդիսանան երկու բռնապետական ռեժիմներին անվտանգության և զենքի վաճառքի ոլորտում ԱՄՆ ամբողջ օգնության սահմանափակման կամ կրճատման համար։

«Հայ ժողովրդի դեմ Ադրբեջանի շարունակվող ագրեսիան՝ Թուրքիայի լիակատար աջակցությամբ արդեն ցավալի հարված է հասցրել տարածաշրջանի խաղաղ բնակչությանը և հանգեցրել մարդու իրավունքների սարսափելի խախտումների։ Միացյալ Նահանգները չի կարող շարունակել անվտանգության ոլորտում օգնություն և զենք տրամադրել Ադրբեջանին և Թուրքիային, քանի որ նրանք տարածաշրջանը խաղաղությունից ավելի ու ավելի շատ են հեռացնում,- ասել է սենատոր Մենենդեսը։ - Բնության թուրքական մոդելը տարածվում է ոչ միայն Հարավային Կովկասի, այլև Սիրիայի, Իրաքի և Լիբիայի վրա, և ինչպես նախագահ Ալիևը, այնպես էլ նախագահ Էրդողանը սարսափելի բռնություն են իրագործում սեփական ժողովրդի նկատմամբ։ Այս բանաձևերը դեմ են հանդես գալիս Ադրբեջանում և Թուրքիայում մարդու իրավունքների խախտումներին և երկու կառավարությունների սպառազինության կրճատման ճանապարհն են հարթում, որոնք անվտանգության ուժերն այդքան հաճախ են օգտագործում անմեղ մարդկանց վնաս հասցնելու համար», տեղեկացնում է News.am-ը:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ