2020-10-23 13:25
Информагентства
Դավիթ ԲԱԲԱՅԱՆ. ՌԴ ՆԱԽԱԳԱՀԻ ԳՆԱՀԱՏԱԿԱՆԸ ՀԱՍՏԱՏՈՒՄ Է՝ ՂԱՐԱԲԱՂԸ ՉԻ ԿԱՐՈՂ ԱԴՐԲԵՋԱՆԻ ՄԱՍ ԼԻՆԵԼ
Ղարաբաղյան հակամարտության կարգավորման հարցով ՌԴ նախագահ Վլադիմիր Պուտինի հայտարարությունների առանցքային ասպեկտ դարձավ հակամարտության նախապատմության նրա գնահատականը: Այս մասին News.am-ի հետ զրույցում ասաց Արցախի նախագահի խորհրդական Դավիթ Բաբայանը՝ մեկնաբանելով Պուտինի կողմից «Վալդայ» քննարկումների ակումբի նիստի ժամանակ արված հայտարարությունները:
«Վլադիմիր Պուտինի երեկվա հայտարարությունները կարելի է իսկապես նշանակալի իրադարձություն անվանել: Ռուսաստանի և նույնիսկ Ղարաբաղյան շարժման ու ադրբեջանա-ղարաբաղյան հակամարտության պատմության մեջ առաջին անգամ պետության ղեկավարը գնահատական է տալիս կոնֆլիկտի ծագման պատճառներին: Մինչ այդ պետության ոչ մի ղեկավար երբեք իր և իր երկրի կարծիքը չի հնչեցրել կոնֆլիկտի ակունքների առնչությամբ»,-նշեց Դավիթ Բաբայանը:
«Ռուսաստանի Դաշնության նախագահը Հայաստանն ու Ադրբեջանն անվանեց հավասար գործընկերներ: Այդպիսով, նա ընդգծեց հակամարտության պատճառների և դրա կարգավորման առնչությամբ իր և Ռուսաստանի Դաշնության գնահատականի օբյեկտիվությունը: Մեջբերեմ Ռուսաստանի նախագահի խոսքը. «Ցավոք, դա փաստ է, երբ Սումգայիթում, ապա Լեռնային Ղարաբաղում դաժան հանցագործություններ իրականացվեցին հայ ժողովրդի նկատմամբ: Այդ ամենը մենք պետք է հաշվի առնենք»: Դա շատ կարևոր փաստի արձանագրում է, թե ով է կոնֆլիկտի մեղավորը: Այդ գնահատականը ցույց է տալիս, որ Լեռնային Ղարաբաղը չի կարող Ադրբեջանի մաս լինել, որը նման դաժան հանցագործություն է կատարել հայ ժողովրդի դեմ անցյալում և շարունակում է էթնիկ զտման քաղաքականությունը, ինչի ապացույց են վերջին օրերը՝ գերեվարված հայերի խոշտանգումներ և սպանություններ, զոհված զինորների մարմինների նկատմամբ անարգանք»,-հայտարարեց Դավիթ Բաբայանը:
«Ինչ վերաբերում է տարածքների մասին Պուտինի կողմից հնչեցրած հարցին, ապա մնացած հարցերը՝ տարածքներ, սահմաններ, կարող են քննարկվել բացառապես բանակցությունների ժամանակ: Ագրեսիայի և պատերազմի պայմաններում քաղաքական բաղադրիչի մասին խոսելն ավելորդ է»,-եզրափակեց Դավիթ Բաբայանը:
ПОСЛЕДНИЕ ОТ АВТОРА
-
2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.