2020-10-24 15:42
Информагентства
«Արցախի կանանց նախաձեռնող խմբի»․ ԵԱՀԿ Մինսկի խմբի անդամ երկրները պետք է ճանաչեն Արցախի Հանրապետությունը
Հայաստանում ՄԱԿ-ի գրասենյակի ղեկավար Շոմբի Շարփի հետ հանդիպումը բավականին խոստումնալից էր: Այս մասին այսօր` հոկտեմբերի 24-ին, հրավիրված ասուլիսին ասաց «Արցախի կանանց նախաձեռնող խմբի» անդամ Իրինա Սաֆարյանը:
«Բնականաբար Շարփը հայտնեց իր մտահոգությունը, հայտնեց իր մտահոգվածությունը, հայտնեց, որ հասկանում է` ինչ է տեղի ունենում, հայտնեց, որ փորձում են մարդասիրական խողովակ բացել դեպի Արցախ և, միգուցե, այդ ձևով հայտնվեն Արցախում և տեսնեն այն ամենը, ինչ կատարվում է Արցախում, սակայն նաև գիտենք, որ դրա համար նրան պետք է հրահանգներ տրվեն վերևից, ինչը մինչև հիմա չենք տեսնում, ցավոք սրտի»,- ասաց նա:
Արցախի կանանց նախաձեռնող խմբի» անդամներից Սիրանույշ Սարգսյանն էլ ասաց, որ հաջորդ երկիրը, որին իրենց բողոքի ձայնն են հայտնելու ԱՄՆ-ն է և այս երկիրը պատահական չի ընտրվել. «ԱՄՆ-ն հանդիսանում է ԵԱՀԿ Մինսկի խմբի անդամ և պատասխանատվություն են կրում հակամարտության կարգավորման համար իրենց չափաբաժնով: Բայց ԱՄն-ն ընտրել ենք նաև նրա համար, որ Թուրքիան այս պատերազմում, որը շատ ավելի մեծ ներգրավվածություն ունի, քան մեր անմիջական թշնամի Ադրբեջանը, հանդիսանում է ՆԱՏՕ-ի անդամ և հիմնական գործընկեր պետություններից մեկը և բոլորովին նորություն չէ, որ ամերիկյան զինամթերքներն են օգտագործվում այսօր Արցախի խաղաղ բնակչության դեմ, ավերում Ստեփանակերտը, մյուս քաղաքները: և այս ամենը իրականացվում է ԱՄՆ-ը օրենսդրությունը խախտելով, որովհետև ըստ նրանց օրենքների այդ զինատեսակները չէին կարող հայտնվել այլ երկրներում առանց ԱՄՆ թույլատրության: Այս ամեն ինչ մասին մենք հայտնել ենք դեսպանատան առջև կազմակերպած ցույցի ժամանակ հենց դեսպանատան ներկայացուցչին, ինչը, որ նա ընդունել է»:
Սիրանույշ Սարգսյանը հավելեց, որ իրենք նաև պահանջում են ԵԱՀԿ խմբի անդամ պետություններից և նաև այլ պետություներից ճանաչել Արցախի Հանրապետությունը, քանի որ դա է Ադրբեջանին և Թուրքիային զսպելու միակ տարբերակը:
«Պետք է սանկցիաներ կիրառել Թուրքիայի դեմ, և եթե չեն ճանաչում գոնե հայտարարություն տարածեն, որ եթե Ադրբեջանը չի դադարեցնում ռազմական գործողությունները, իրենք ճանաչելու են: Ես վստահ եմ` այդ օրը իրենք ռազմական գործողությունները դադարեցնելու են»,-ասաց նա:
Նախաձեռնության անդամ Լիանա Ադամյանն էլ հավելեց, որ արցախցի կանայք խաղաղություն են ցանկանում և բոլորին կոչ արեց հոկտեմբերի 26-ին , ժամը 11-ին միանալ Եվրոպական միության ներկայացուցչության դիմաց տեղի ունենալիք ցույցին, տեղեկացնում է News.am-ը:
ПОСЛЕДНИЕ ОТ АВТОРА
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.
-
2025-08-01 16:19С большим интересом ознакомился со статьей министра иностранных дел Российской Федерации, посвящённой 50-летию Хельсинского Заключительного Акта и созданию ОБСЕ.