2020-10-25 16:56
Информагентства
Politico. ԼՈԲԲԻՍՏԱԿԱՆ ԸՆԿԵՐՈՒԹՅՈՒՆՆԵՐԸ ԽԶՈՒՄ ԵՆ ԹՈՒՐՔԻԱՅԻ ՀԵՏ ԿԱՊԵՐԸ
Mercury Public Affairs լոբբիստական ընկերությունը խզել է կապերը Թուրքիայի կառավարության հետ հայ-ամերիկյան ակտիվիստների ճնշման արշավից հետո, որոնք դեմ են Հայաստանի դեմ պատերազմում Թուրքիայի կողմից Ադրբեջանին սատարելուն, գրում է Politico-ն: Մի քանի շաբաթ շարունակ հայ-ամերիկյան ակտիվիստները փորձել են զրկել Ադրբեջանին և Թուրքիային վաշինգտոնցի լոբբիստներից, որոնց Ամերիկայի Հայ ազգային հանձնաժողովի գործադիր տնօրեն Արամ Համբարյանն անվանել էր զենքի հզոր տեսակներից մեկը: Հայ ազգային հանձնաժողովն և Ամերիկայի Հայկական ասամբլեան փորձել են ճնշում գործադրել Mercury ընկերության վրա Վաշինգտոնում և Լոս Անջելեսում ընկերության գրասենյակների դիմացն իրականացված ակցիաների միջոցով՝ կոչ անելով ընկերության հաճախորդներին խզել նրանց հետ կապերը, եթե նրանք շարունակեն ներկայացնել Թուրքիային: Արդյունքում Լոս Անջելեսի շրջանի Տնօրենների խորհրդի նախագահ Քեթրին Բարգերն ու Բարաք Օբամայի վարչակազմում աշխատանքի նախկին նախարար Հիլդա Սոլիսը կոչ են արել Mercury-ին անհապաղ խզել բոլոր բիզնես կապերը Թուրքիայի հետ:
Հինգշաբթի Կալիֆոռնիայի խորհրդարանի խոսնակ Էնթոնի Ռենդոնն ու նահանգի 16 ուրիշ օրենսդիրներ հայտարարել են Mercury-ին, որ չեն համագործակցի ընկերության հետ, քանի դեռ այն ներկայացնում է Թուրքիան: Բացի այդ, Լոս Անջելեսի մունիցիպալ քոլեջների շրջանը տեղեկացրել է ընկերությանը, որ 30-օրյա ժամկետում կներկայանա պայմանագիրը խզելու օգտին, եթե Թուրքիան շարունակի լինել Mercury-ի հաճախորդ: Ճնշման հայկական արշավը մեկնարկում է այն ժամանակ, երբ Վաշինգտոնը կենտրոնացնում է ուշադրությունը պատերազմի շուրջ: Կին կոնգրեսական Ջեքի Սպիերն ավելի վաղ ներկայացրել էր բանաձև, որով դատապարտում էր Թուրքիայի և Ադրբեջանի դերը հակամարտությունում. բանաձևին միացել էր 67 օրենսդիր: Բացի այդ, ԱՄՆ պետքարտուղար Մայք Պոմպեոն անցկացրել էր առանձին հանդիպումներ Հայաստանի և Ադրբեջանի ԱԳ նախարարների հետ՝ փորձելով վերջ դնել ռազմական գործողություններին: Mercury ընկերությունը պետք է աջակցեր միջոցառումների կազմակերպման հարցում, որոնք թույլ կտային Թուրքիային կապ հաստատել պետական քաղաքականության մեջ շահագրգռված կողմերի հետ, և խորհրդատվություն տրամադրեր Թուրքիայի կառավարությունը ԶԼՄ-ների հետ հարաբերությունների շուրջ: Պայմանագրի արժեքը կազմում էր1 մլն դոլար: Սակայն Թուրքիան շարունակում է աշխատել Capitol Advisor և Greenberg Traurig լոբբիստական ընկերությունների հետ, մինչդեռ Ադրբեջանի կառավարությունն ունի պայմանագիր BGR Group-ի հետ:
Հիշատակված երկրների լոբբիստների թվին են պատկանում նախկին կոնգրեսականներ Բիլ Դելախունթը, Շառլ Բուստանին, Ռենդի Ֆորբսը և Ալբերտ Վինը: Մինչդեռ Հայաստանի կառավարությունն անցած ամիս վարձել էր սենատում հանրապետականների նախկին առաջնորդ Բոբ Դոուլին: Livingston Group-ից ևս մեկ նախկին օրենսդիր Բոբ Լիվինստոնը դադարել է ներկայացնել Ադրբեջանի կառավարությունն անցած շաբաթ՝ չնայած հայտնի չէ՝ եղե՞լ է առհարական Լիվինգստոնն այդ երկրի լոբբիստը: Արամ Համբարյանը հայտնել է, որ նախատեսում է ուժգնացնել ճնշումը BGR Group ընկերության վրա Mercury-ի կապիտուլյացիայից հետո: Սակայն դա կարող է լինել առավել բարդ խնդիր, քանի որ ընկերությունը հայտարարել է, որ մտադիր է շարունակել Ադրբեջանը ներկայացնել:
ПОСЛЕДНИЕ ОТ АВТОРА
-
New2025-06-11 16:39В Украину из России вернули тела 1212 павших бойцов. Об этом сообщил украинский координационный штаб, передает УНИАН.
-
New2025-06-11 16:36Сигналов от Еревана о возможном выводе 102-й российской военной базы с территории Армении не поступало. Об этом в ходе очередного брифинга заявила официальный представитель МИД России Мария Захарова.
-
New2025-06-11 16:36Нападкам со стороны властей Армении и их враждебной кампании против Первопрестольного Святого Эчмиадзина нужно противодействовать скоординированными действиями, считает депутат Национального Собрания Армении, секретарь оппозиционной фракции «Честь имею» Тигран Абрамян.
-
New2025-06-11 16:32В результате взрыва в жилом доме на улице Тиграна Меца в городе Чамбарак (Армения) 11 июня 2025 года произошли разрушения. Предположительная причина – утечка газа, сообщили в Следственном комитете.