Последние новости

Փաշինյան. Ղարաբաղն Ադրբեջանի հսկողության տակ նշանակում է Ղարաբաղն առանց հայերի, ինչը ցեղասպանություն է

Ղարաբաղի կամ Արցախի մասին խոսելիս Ադրբեջանն օգտագործում է «ազատագրել» բառը: ՀՀ վարչապետի հետ հարցազրույցում Al Arabiya հեռուստաալիքը այդպիսի դիտարկում է արել՝ Նիկոլ Փաշինյանից հետաքրքրվելով, թե ինչպես է վերաբերում այդ հանգամանքին:

«Ես հենց դա եմ ասում: Այդ բառը պետք է թարգմանել. դա նշանակում է Ղարաբաղն ազատել հայերից, ինչը ցեղասպանության ուղղակի սպառնալիք է: Դրա համար է, որ մենք ասում ենք՝ դա ևս մեկ անգամ ապացուցում է, որ Ղարաբաղը Ադրբեջանի հսկողության տակ նշանակում է Ղարաբաղն առանց հայերի, ինչը ցեղասպանություն է: Եվ այս է պատճառը, որ մենք կարծում ենք, որ առավել ևս հիմա պետք է կիրառվի «անջատում հանուն փրկության» բանաձևը Լեռնային Ղարաբաղի համար»,-պատասխանել է Փաշինյանը:

Ի պատասխան հարցին, թե ի՞նչ կցանկանար ասել ադրբեջանցիներին ու հայերին՝ Փաշինյանը նշել է.«Մենք պետք է գտնենք Ղարաբաղի հարցի այնպիսի լուծում, որն ընդունելի է և՛ Ադրբեջանի ժողովրդի համար, և՛ Հայաստանի ժողովրդի համար, և՛ Ղարաբաղի ժողովրդի համար», տեղեկացնում է Aysor.am-ը:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ