Последние новости
2020-11-02 12:46

Փոխվարչապետ․ Հայաստանի համար 2021 թվականը լարված է լինելու

0
Telegram

Ստեղծված իրավիճակում, որը պայմանավորված է ռազմական դրությամբ, կարևորվում է մեր համատեղ ջանքերի կենտրոնացումը։ Այս մասին նոյեմբերի 2-ին Ազգային ժողովում Ֆինանսավարկային և բյուջետային հարցերով խորհրդարանական մշտական հանձնաժողովի նիստում 2021 թվականի բյուջեի նախագծի քննարկման ժամանակ ասաց փոխվարչապետ Մհեր Գրիգորյանը։

Նրա խոսքով՝ Հայաստանին հաջողվել է կայուն մակրոտնտեսական միջավայր ապահովել ինչպես 2019 թվականին, այնպես էլ 2020 թվականին, ինչն աննախադեպ հաջողություն է, հատկապես համավարակի և պատերազմի պայմաններում, որը Թուրքիայի ակտիվ աջակցությամբ սանձազերծել է Ադրբեջանը։

Փոխվարչապետը նաև հիշեցրեց, որ երկրի երկարաժամկետ զարգացման և ճյուղային ռազմավարությունների վերանայման աշխատանքը սկսվել է 2018 թվականին, իսկ 2019 թվականին արդեն բազմաթիվ շտկումներ են կատարվել ինչպես ճյուղային ռազմավարություններում, այնպես էլ գլոբալ ռազմավարությունում։

«Ակնհայտ է, որ 2021 թվականը լարված է լինելու, բայց ես վստահ եմ, որ համատեղ աշխատանքի արդյունքում մենք կկարողանանք բյուջե ունենալ, որում հաշվի կառնվեն հնարավոր բոլոր ռիսկերը և մարտահրավերները, կգեներացվեն անհրաժեշտ բոլոր ռեսուրսները դրանց արդյունավետ չեզոքացման համար, քանի որ դա կապահովի երկրի սոցիալ-տնտեսական զարգացումը, կայունությունը և անվտանգությունը»,- շեշտեց Գրիգորյանը, տեղեկացնում է News.am-ը։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ