2020-11-02 20:18
Информагентства
Վրաստանի խորհրդարան անցած բոլոր ընդդիմադիր կուսակցությունները հրաժարվել են իրենց պատգամավորական մանդատներից
Վրաստանում խորհրդարանը բոյկոտելու իր որոշման մասին այսօր պաշտոնապես հայտարարել է ընդդիմադիր ամենամեծ միությունը՝ «Միացյալ ազգային շարժում- Ուժը միասնության մեջ է» դաշինքը:
Դաշինքը հրաժարվում է պատգամավորական 35 մանդատից և չի մասնակցելու 11 մեծամասնական ընտրատարածքների ընտրություններում երկրորդ փուլին, հաղորդում է «Նովոստի-Գրուզիան»:
«Հոկտեմբերի 31-ին երկրում ընտրություններ տեղի չունեցան: Ընտրությունների ամենափոքր նշանն էլ չկար: Իհարկե, մենք՝ «Միացյալ ազգային շարժում- Ուժը միասնության մեջ է»-ն, որոշում կայացրեցինք, որ չենք մտնի այնտեղ, որտեղ քաղաքականության հետ ընդհանուր ոչինչ չկա, այսինքն՝ խորհրդարան, որը միայն Բիձինա Իվանիշվիլին է անվանում խորհրդարան: Մենք այնտեղ անելիք չունենք, և մեր պահանջը մնում է անփոփոխ՝ նոր ընտրություններ ազատության մթնոլորտում: Մենք վստահ ենք, որ այս ամենին կհսնենք մոտ ապագայում»,- ասել է կուսակցության առաջնորդ Նիկա Մելիան:
Նույնպիսի հայտարարություն է արել «Աղմաշենեբելիի ռազմավարություն» կուսակցության շտաբը, որը, ԿԸՀ պաշտոնական հաշվարկների համաձայն, նոր խորհրդարանում ստացել է 4 պատգամավորական մանդատ: Կուսակցության ղեկավար Գեորգի Վաշաձեի խոսքով՝ «Աղմաշենեբելիի ռազմավարությունը» նույնպես ակտիվ մասնակցություն կունենա հանրահավաքների կազմակերպմանը:
Այսպիսով, խորհրդարանի աշխատանքներին իրենց մասնակցությունից հրաժարվելու մասին արդեն հայտարարել են նոր խորհրդարանում մանդատ ստացած բոլոր ընդդիմադիր կուսակցությունները՝ ՄԱԿ, «Եվրոպական Վրաստան», «Լելո», «Աղմաշենեբելիի ռազմավարություն», «Գիրչի», «Լեյբորիստներ», «Քաղաքացիներ» և նույնիսկ «Հայրենասերների դաշինք»-ը, որը իշխող կուսակցության արբանյակ է համարվում:
Թբիլիսիում ընդդիմությունը սկսեց բողոքել այն բանից հետո, երբ Կենտրոնական ընտրական հանձնաժողովը նոյեմբերի 1-ի լույս 2-ի գիշերը հայտարարեց 2020-ի խորհրդարանական ընտրությունների նախնական արդյունքների մասին: Արդեն ամբողջ երկրում հաշվարկվել է ձայների 100%-ը, ընդհանուր առմամբ խորհրդարան է անցել ինը կուսակցություն, մանդատները հետևյալ կերպ են բաշխվել.
«Վրացական երազանք» - 48,15%
«Միացյալ ազգային շարժում- Ուժը միասնության մեջ է» - 27,14%
«Եվրոպական Վրաստան» - 3,78%
«Լելո» – 3,15%
«Աղմաշենեբելիի ռազմավարություն» - 3,15%
«Հայրենասերների դաշինք» - 3,14%
«Գիրչի» - 2,86%
«Քաղաքացիներ» - 1,33%
«Լեյբորիստական կուսակցություն» - 1%
Երկրորդ փուլը պետք է տեղի ունենա 30 մեծամասնական ընտրատարածքներից 16-ում:
Միջազգային դիտորդները հաղորդում են ընտրական գործընթացներում ընտրակաշառքի, ահաբեկման և բռնության դեպքերի մասին: Միևնույն ժամանակ, նախնական գնահատականներում նշվում է, որ ընտրությունների արդյունքները օրինական են, ընտրություններն անցկացվել են մրցակցային միջավայրում և հիմնարար ազատությունները քիչ թե շատ պահպանվել են, տեղեկացնում է News.am-ը:
ПОСЛЕДНИЕ ОТ АВТОРА
-
2025-06-02 21:132 июня в Первопрестольном Святом Эчмиадзине под председательством Католикоса всех армян Гарегина II состоялось заседание Высшего духовного совета, в котором приняли участие епископы и руководители епархий из Армении и диаспоры. Как сообщили Новости Армении – NEWS.am в пресс-службе Первопрестольного Святого Эчмиадзина, на заседании обсуждались вопросы, связанные с вызовами, стоящими перед родиной, церковно-государственными отношениями, а также ряд ключевых вопросов, волнующих общество. Особое внимание было уделено позорной антицерковной кампании, развязанной премьер-министром в последние дни. В связи с этим Высший духовный совет выступил с заявлением, в котором отмечается:
-
2025-06-02 19:452 июня прошел второй раунд переговоров, сосредоточенный на трех ключевых темах: меморандуме, обмене пленными и телами погибших, а также вопросе с детьми.
-
2025-06-02 19:42Пострадавшие от мошенничества в банках и кредитных организациях граждане потребовали от Национального собрания отставки главы Центробанка Армении Мартина Галстяна.
-
2025-06-02 19:38Правозащитник Ваган Ованнисян представил в Следственный комитет сообщение о преступлении, совершённом бывшим членом партии «Гражданский договор», актером Гнелом Саргсяном, касающемся случая хулиганства у монастырского комплекса в селе Мармашен Ширакской области.