Ադրբեջանն ավիացիոն հարվածներ է հասցրել Շուշիին, կիրառել կասետային ռումբեր. զոհեր ու վիրավորներ չկան
Բերդաքաղաք Շուշիում նոյեմբերի 2-ի լույս 3-ի գիշերը Ադրբեջանի զինված ուժերի ծանր զինատեսակներից հասցրած հարվածների հետևանքով քաղաքի տարբեր հատվածներում կան ավերածություններ:
«Արմենպրես»-ի հետ զրույցում այս մասին ասաց Շուշիի քաղաքապետ Արծվիկ Սարգսյանը, ներկայացնելով առավոտյան ժամը 09:20-ի սահմաններում տիրող իրավիճակը: «Մի քանի անգամ հարվածել են Շուշի քաղաքին. ինքնաթիռ էր, որի միջոցով օգտագործել են կասետային ռումբեր, որոնք թափվել են քաղաքի տարբեր հատածներում, մնացորդներն էլ ընկել են Քարին Տակ գյուղում: Փառք Աստծո, խաղաղ բնակչության շրջանում զոհեր և վիրավորներ չունենք, սակայն քաղաքի տարբեր հատվածներում ավերածություններ կան: Երեկ էլ էին ավիացիայով հարվածներ հասցնում քաղաքին, այսօր էլ շարունակում են»,- նշեց Սարգսյանը:
Նա հայտնեց, որ դեռ չգիտեն, թե հարվածների հետևանքով ինչ ենթակառուցվածքներ են վնասվել, դեռ պետք է ուսումնասիրեն: Շուշիի քաղաքապետը շեշտեց, որ վնասված ենթակառուցվածք ունենալու դեպքում տեղի մասնագետները շատ արագ կարողանում են վերականգնել: «Խաղաղ բնակչությունը ներկա պահին ռմբապաստարաններում է, նրանք պահում են անվտանգության կանոնները, ապահով են»,- ասաց Սարգսյանը:
Արցախի խաղաղ բնակավայրերում նոյեմբերի 2-ի լույս 3-ի գիշերն, ընդհանուր առմամբ, պահպանվել է հարաբերական հանգիստը։ Լուսադեմին թշնամին վերսկսել է գործողությունները և կրակ է բացել նաև «Սմերչ» կայանքից՝ Մարտունի և Շուշի քաղաքների ուղղությամբ։
ПОСЛЕДНИЕ ОТ АВТОРА
-
New2020-12-03 20:0990Национальное Собрание Франции приняло резолюцию с призывом признать Нагорный Карабах. За проголосовали 188 депутатов, против – три.
-
New2020-12-03 20:08141Ведущие российские СМИ широко освещают выдвижение Вазген Манукяна кандидатом в премьер-министры со стороны оппозиции.
-
New2020-12-03 20:00115Более 50 организаций армянской диаспоры из разных стран присоединились к требованиям об отставке Никола Пашиняна с должности премьер-министра Армении, сообщает пресс-служба АРФ Дашнакцутюн.
-
New2020-12-03 19:5783Территории Арцаха, которые отошли Азербайджану, имеют серьезное экономическое значение и, соответственно, мы потеряли весомый экономический потенциал. Об этом в беседе с корреспондентом Новости Армении – NEWS.am заявил бывший заместитель министра труда и социальных вопросов Армении, экономист Тадевос Аветисян.
