2020-11-03 13:57
Информагентства
Նարիշկին․ Արևմուտքը փորձում է տարաձայնություններ սերմանել ԵՏՄ-ի, ՇՀԿ-ի և ՀԱՊԿ-ի աշխատանքի մեջ
Արևմուտքն իր սոցիալ-քաղաքական ճգնաժամի ֆոնին փորձում է տարաձայնություններ սերմանել այնպիսի ինտեգրացիոն կազմակերպությունների աշխատանքում, ինչպիսին են Եվրասիական տնտեսական միությունը (ԵՏՄ), Շանհայյան համագործակցության կազմակերպությունը (ՇՀԿ) և Հավաքական անվտանգության պայմանագրի կազմակերպությունը (ՀԱՊԿ), «ՌԻԱ Նովոստի»-ի հետ զրույցում ասել է ՌԴ Արտաքին հետախուզության ծառայության (ԱՀԾ) տնօրեն Սերգեյ Նարիշկինը։
«Միջազգային իրավիճակի, միջազգային իրադրության զարգացման ներկայիս ընթացքը հաստատում է այն եզրահանգումների հավաստիությունը, որ արևմտակենտրոն աշխարհակարգը կործանվում է, որին փոխարինելու է գալիս բազմաբևեռայնությունը։ Տեսեք, թե ինչ է կատարվում Ամերիկայի Միացյալ Նահանգներում, որը շատ խոր սոցիալ-քաղաքական ճգնաժամ է ապրում»,- ասել է Նարիշկինը «Ռուսաստանն այսօր» միջազգային մեդիախմբի գլխավոր տնօրեն Դմիտրի Կիսելյովի հետ զրույցում։
ԱՀԾ տնօրենի խոսքով՝ ճգնաժամային երևույթներ են նկատվում ընդհանրապես Եվրամիությունում և ԵՄ առանձին երկրներում։
«Առանձին երկրներ լիարժեք տեղեկացան, թե ինչ է միջազգային ահաբեկչությունը, ընդ որում՝ այս երկրներում այդ խնդիրը մեծապես կապված է սխալ, չկշռադատված միգրացիոն քաղաքականության հետ։ Թվում էր, թե ամերիկացիները, եվրոպացիները պետք է իրենց տան գործերը պարզեին։ Բայց ոչ, նրանք մինչև հիմա փորձում են քաոս սերմանել աշխարհի այլ տարածաշրջաններում»,- հավելել է Նարիշկինը։
Արևմուտքին հատկապես վախեցնում են ոչ մեծ եվրասիական տարածքում ինտեգրացիոն գործընթացները, նշել է ԱՀԾ տնօրենը։
«Սեփական անվտանգության նրանց ըմբռնման, սեփական անվտանգության ամերիկացիների ըմբռնման մեջ չի տեղավորվում այս տարածքում իսկապես ինքնիշխան և անկախ պետությունների գոյությունը, առավել ևս դրականորեն զարգացող ինտեգրացիոն գործընթացները»,- շեշտել է Նարիշկինը։ Նրա խոսքով՝ խոսքն այնպիսի կառույցների մասին է, ինչպես՝ ԵՏՄ-ն, ՇՀԿ-ն և ՀԱՊԿ-ը, որոնք գլոբալ միջազգային ճարտարապետության մասն են։
«Եվ, իհարկե, նրանք փորձում են նաև տարաձայնություններ սերմանել այս ինտեգրացիոն միավորումների գործունեության մեջ ու փորձում են խախտել այն երկրներում գործընթացների ընթացքը, որոնք մեր մերձավորն են, որոնք մեզ հետ միասին կազմում են այդ միավորումների, այդ կազմակերպությունների հիմքը, որոնց մասին նշեցի»,- ասել է ԱՀԾ ղեկավարը, տեղեկացնում է News.am-ը:
ПОСЛЕДНИЕ ОТ АВТОРА
-
New2025-06-11 15:06Апелляционный уголовный суд под председательством судьи Мхитара Папояна сегодня, 11 июня, продолжает рассмотрение по существу апелляционных жалоб на приговор в отношении бывшего командующего Армией обороны Арцаха Джалала Арутюняна.
-
New2025-06-11 14:59Руководитель оппозиционной парламентской фракции "Честь имею" Айк Мамиджанян на своей странице в соцсети Facebook опубликовал необходимый для запуска процедуры объявления вотума недоверия премьер-министру Армении Николу Пашиняну бланк с подписями 6 депутатов.
-
New2025-06-11 14:57Видимо, часть документов, полученных в ходе сложной операции иранской разведки, посвящена тайным связям Израиля с Баку. Об этом в соцсетях написал иранский политолог Шуайб Бахман.
-
New2025-06-11 14:54В результате взрыва в доме в Чамбараке госпитализированы 11 пострадавших. Об этом сообщает Министерство здравоохранения Республики Армения.