Մասիս Մայիլյան․ Արցախը ահաբեկչության դեմ պայքարի առաջնագծում է
Արցախի Հանրապետության արտաքին գործերի նախարար Մասիս Մայիլյանը հայտարարությամբ վճռականորեն դատապարտել է վերջերս իրականացված ահաբեկչական ակտերը, մասնավորապես, Ֆրանսիայում և Ավստրիայում, որոնց արդյունքում անմեղ մարդիկ են տուժել: Ինչպես «Արմենպրես»-ին տեղեկացրին Արցախի Հանրապետության արտգործնախարարության տեղեկատվության և հասարակայնության հետ կապերի վարչությունից, նա ցավակցություն է հայտնել բռնության այդ հրեշավոր ակտերի զոհերի հարազատներին և համերաշխություն հայտնելում Ֆրանսիայի և Ավստրիայի ժողովուրդներին՝ նշելով, որ Արցախի Հանրապետությունը, որը վաղուց է բախվել ադրբեջանական պետական ահաբեկչությանը, ներկայումս արդեն ավելի քան մեկ ամիս գտնվում է միջազգային ահաբեկչության դեմ պայքարի առաջնագծում, որը Թուրքիան և Ադրբեջանն օգտագործում են որպես իրենց աշխարհաքաղաքական հավակնությունների և ռազմական խնդիրների իրականացման գործիք:
Արցախի ԱԳ նախարար Մասիս Մայիլյանը նշել է.
«Վճռականորեն դատապարտում ենք վերջերս իրականացված ահաբեկչական ակտերը, մասնավորապես, Ֆրանսիայում և Ավստրիայում, որոնց արդյունքում անմեղ մարդիկ են տուժել: Ցավակցում եմ բռնության այդ հրեշավոր ակտերի զոհերի հարազատներին և համերաշխություն հայտնում Ֆրանսիայի և Ավստրիայի ժողովուրդներին: Ահաբեկչական մեթոդներն իրենց բոլոր ձևերով և դրսևորումներով սպառնում են ողջ միջազգային հանրությանը և ոչ մի արդարացում չունեն:
Արցախի Հանրապետությունը, որը վաղուց է բախվել ադրբեջանական պետական ահաբեկչությանը, ներկայումս արդեն ավելի քան մեկ ամիս գտնվում է միջազգային ահաբեկչության դեմ պայքարի առաջնագծում, որը Թուրքիան և Ադրբեջանն օգտագործում են որպես իրենց աշխարհաքաղաքական հավակնությունների և ռազմական խնդիրների իրականացման գործիք: Այսօր Արցախի Հանրապետությունը, կանգնած լինելով գոյաբանական սպառնալիքի առջև, պաշտպանում է ոչ միայն իր ազատության և արժանապատիվ կյանքի իրավունքը, այլև քաղաքակիրթ աշխարհի ընդհանուր արժեքները:
Ահաբեկչությանը հակազդելը ողջ միջազգային հանրության ընդհանուր պայքարն ու պատասխանատվությունն է: Անհնար է վերջնական հաղթանակ տանել այդ համաշխարհային չարիքի հանդեպ, եթե այդ հաղթանակը չլինի միասնական և անբաժանելի բոլորի համար: Հենց այդ պատճառով է Արցախի Հանրապետության Նախագահ Արայիկ Հարությունյանը 2020 թ. հոկտեմբերի 6-ին քաղաքակիրթ աշխարհին կոչ արել ակտիվ մասնակցություն ունենալ ահաբեկչության դեմ պայքարում և ստեղծել գործուն ու արդյունավետ միջազգային հակահաբեկչական դաշինք:
Վստահ եմ, որ անհրաժեշտ է գործուն քայլեր իրականացնել՝ ուղղված ահաբեկչության բոլոր ձևերի կանխարգելմանը, խափանմանը և ոչնչացմանը, ներառյալ՝ այն ձևերը, որոնցում ուղղակի կամ անուղղակի կերպով մասնակցում են պետությունները: Այդ ուղղությամբ միջազգային համագործակցությունը պետք է դառնա միջազգային խաղաղության և անվտանգության պահպանմանն ուղղված միջոցառումների համակարգի կարևորագույն տարրերից մեկը»:
ПОСЛЕДНИЕ ОТ АВТОРА
-
2025-02-05 12:34
«Гражданский договор» готовится к досрочным парламентским выборам, сообщает газета Iravunq со ссылкой на источники в правящей партии.
-
2025-02-05 12:12
У здания Правительства Армении 5 февраля проходит очередная акция протеста представителей хозсубъектов, недовольных изменением налога с оборота.
-
2025-02-05 12:10
Ереван и Анкара поддерживают постоянную связь, никаких препятствий для контактов нет. Об этом, по сообщению пресс-служба правительства РА заявил премьер Никол Пашинян в ходе выступления в Атлантическом совете, который он посетил в рамках рабочего визита в США.
-
2025-02-05 12:06
«Правительство обязано продолжать программы социальной поддержки арцахцев. Сложившаяся ситуация заставит многих задуматься о том, чтобы покинуть свою Родину», - считает секретарь фракции НС «Честь имею» Тигран Абрамян.